ஆங்கில மொழியை இனியும் அந்நிய மொழியாகக் காண வேண்டிய அவசியமில்லை

இந்தப் பதிவு சகோதரி தேனம்மை அவர்கள்,  தனது தளத்தில்  சனிக்கிழமை தோறும் இடும் சாட்டர்டே போஸ்டில் எனது பேட்டி இடம் பெற வேண்டிக் கேட்ட போது எழுதிய கட்டுரை.  அவர்கள் தளத்தின் சுட்டி இதோ. http://honeylaksh.blogspot.in/2015/04/blog-post_25.html மிக்க நன்றி சகோதரி தேனம்மை.  அவர்கள் அனுமதியுடன் இங்கு பதிவை இடுகின்றோம்.

     2000 ஆயிரம் ஆண்டுகளுக்கு முன்பே நம் தாய் மொழியான தமிழில் எழுதப்பட்ட திருக்குறள், திருமந்திரம் போன்ற நூல்களைப் படித்து மகிழும் நமக்கு, வெறும் 700 வருடங்களுக்கு முன்பு இங்கிலாந்தில் வாழ்ந்த சாசரால் எழுதப்பட்ட காண்டர்பரி டேல்சிலிரிந்து வளரத் தொடங்கிய ஆங்கிலம், இன்றியமையாத ஒரு மொழியாக மாறியிருப்பதை நினைத்தால் வியப்பாகத்தான் இருக்கிறது.  தமிழகம் உட்பட இந்தியா மட்டுமல்ல, கடந்த நூற்றாண்டின் இறுதி வரை ஆங்கில மொழிக்கு அதிக முக்கியத்துவம் கொடுக்காமலிருந்த சீனா, ரஷ்யா போன்ற நாடுகளும், இப்போது ஆங்கில மொழிக்கு முக்கியத்துவம் கொடுக்கத் தொடங்கியிருக்கின்றன. 

ஆனால், 16 ஆம் நுற்றாண்டில், ஷேக்ஸ்பியரின் கால கட்டத்தில் வாழ்ந்த ஃப்ரான்சிஸ் பேகன் போன்ற மேதைகள் ஆங்கில மொழிக்கு ஒளிமயமான எதிர்காலம் இருக்காது என்ற நம்பிக்கையில், அவர்களது படைப்புகளில் பெரும் பகுதியை க்ரேக்க மற்றும் லத்தீன் மொழிகளில்தான் எழுதியிருக்கிறார்கள்.  இத்தகைய சூழலில் வளர்ந்த ஆங்கில மொழிதான் இன்று நூலக மொழி எனும் பதவியிலிருந்து, கணினி மொழி, இணைய மொழி எனும் உயர் பதவியை எட்டிப் பிடித்து உலக மொழியாய் மாறி, உலகெங்கிலும் உள்ள மக்கள் அறிந்திருக்க வேண்டிய ஒரு மொழியாய் மாறியிருக்கின்றது.

பழைமையான க்ரேக்க மற்றும் லத்தீன் மொழிகளுக்கும், அதிகமான மக்கள் பேசும் சீன மொழிக்கும், தென் அமெரிக்காவில், ஸ்பெயினில், லாட்டின் அமெரிக்காவில் பேசப்படும் ஸ்பானிஷ், இனிமையான ஃப்ரென்ச் மொழிக்கும் கிடைக்கப் பெறாத பாக்கியம் எப்படி ஆங்கில மொழிக்குக் கிடைத்தது என்று கேட்டால், சந்தேகமே வேண்டாம், நமக்குக் கிடைக்கும் பதில்கள் இவைதான்.

16 ஆம் நூற்றாண்டு முதல், 20 ஆம் நூற்றாண்டின் முதல் பகுதி வரை, உலகெங்கிலும் உள்ள நாடுகளுக்கு, வியாபார நோக்குடன் சென்று, அவற்றை எல்லாம் தங்களது சாம்ராஜ்யத்தின் பாகமாக மாற்றி, அந்நாடுகளை ஆண்ட ஆங்கிலேயர்களும், அவர்களுக்கு இருந்த மொழிப் பற்றும், ஜெர்மன், ஃப்ரென்ச்சு, டானிஷ், க்ரேக்க மற்றும் லத்தீன் மொழிகளின் கலவையான ஆங்கில மொழி எல்லா மொழிகளிலிருந்தும் வார்த்தைகளைத் தன்னுள் உட் கொண்டு வளரத் தயாரானதும் அதற்கானக் காரணங்களே.  அத்துடன் 18, 19 ஆம் நூற்றாண்டுகளிலும் அதன் முன்பும், உலகில், முக்கியமாக ஐரோப்பாவில் நிகழ்ந்த அறிவியல் கண்டுபிடிப்புகளும், வரலாற்று முக்கியத்துவமுள்ள நிகழ்வுகளும், க்ரேக்க மற்றும் லத்தீன் மொழிகளில், ப்ளாட்டோ, அரிஸ்டாட்டில், போன்ற மேதைகளால் நூற்றாண்டுகளுக்கு முன்பு எழுதப்பட்ட அரிய நூல்களும் ஆங்கில மொழியில் மொழியாக்கம் செய்யப்பட்டு, அச்சடிக்கப்பட்டு, புத்தகவடிவில் உலகெங்கும் உலா வரத் தொடங்கியதும், உலகெங்கிலும் உள்ளவர்களுக்கு அவற்றை எல்லாம் அறிய, ஆங்கில மொழி இன்றியமையாத ஒன்று என்பதை உணரச் செய்ததும் ஒரு காரணமே.

நம் நாட்டிலும், க்ரேக்க மற்றும் லத்தீன் மொழிகளில் எழுதப்பட்ட அரிய நூல்களுக்குச் சமமான நூல்கள், வட மொழியிலும், திராவிட மொழிகளான தமிழ், தெலுங்கு, கன்னடம், மலையாளம் மற்றும் துளு மொழிகளில் இருக்கத்தான் செய்தன.  ஓலைச் சுவடிகளில் எழுதப்பட்டிருந்த அவை எல்லாம் சமஸ்க்ருத மொழியில் மொழி மாற்றம் செய்யப்பட்டு எல்லோரும் கற்கவோ, எல்லோராலும் கற்பிக்கப்படவோ அனுமதிக்கப்படாமல் பாழாய்ப் போனது நம் துரதிர்ஷ்டம் என்றுதான் சொல்ல வேண்டும்.  அப்படித் தனி உடைமை ஆக்கப்பட்ட சமஸ்க்ருத மொழி எல்லோராலும், பேசப்படாத, வாசிக்கப்படாத காரணத்தால் அழிந்த போது, எல்லோராலும் பேசப்பட்ட, வாசிக்கப்பட்ட ஆங்கில மொழி உலக மொழியாக வளர்ந்து விட்டது.  சமஸ்க்ருதம் மட்டுமல்ல. அது போல மக்கள் பேசாததாலும், எழுதாததாலும், அழிந்த மொழிகள் தான் ஈப்ருவும், லத்தீனும்.

20க்கும் மேலான மொழிகள் பேசப்படும் இந்தியாவில், இந்தி தேசிய மொழியாக அங்கீகாரம் பெற்ற போது, அது திராவிட மொழி பேசும் தென்னிந்திய மக்களுக்குக் கற்கவும், பேசவும் எழுதவும் சிரமமான ஒன்றானது.  எனவே, ஆங்கிலேயர்களிடமிருந்து விடுதலை பெற்ற நாம் ஆங்கிலத்திற்கு விடை சொல்லி அனுப்ப முடியவில்லை. ஆங்கிலம் நம்முடனேயே தங்கி விட்டது. தென்னிந்தியாவிலிருந்து, வட இந்தியா செல்லுபவர்கள் ஆங்கில மொழியின் உதவியோடுதான் தங்களது கருத்துகளை அங்குள்ளவர்களிடம் பரிமாறிக் கொள்ள வேண்டும் என்ற நிலை நம் நாட்டில் உருவானது.  

இந்தியப் பல்கலைகழகங்களில் ஆங்கில மொழி வாயிலாகக் கல்வி கற்பிக்கப்படுவதால் இங்கு கற்பவர்கள் இந்தியாவில் மட்டுமல்லாமல், உலகெங்கும் சென்று உயர் கல்வி பெறவும், வேலை வாய்ப்புத் தேடவும் முடிகின்றது.  இருப்பினும், 20 க்கும் மேற்பட்ட மொழிகள் பேசப்படும் இந்தியாவில் பேசப்படும் ஆங்கிலத்தில், ஒவ்வொரு மொழி பேசுவோரது மொழி ஆதிக்கம், அவர்கள் பேசும் ஆங்கிலத்தில் கலந்து விடுவதைத் தடுக்க, ஏனோ இத்தனை ஆண்டுகளுக்குப் பிறகும் ஒரு முயற்சியும் எடுக்கப்படவில்லை.  அல்லது எடுத்த முயற்சிகள் வெற்றி காணவில்லை என்பதை எண்ணும் போது வியப்பாக இருக்கிறது.  இனிமேலாவது அதற்கான முயற்சிகள் எடுக்கப்பட வேண்டும்.

உலகமயமாக்கலின் பாகமாக யாதும் ஊரே யாவரும் கேளிர் என்பது உண்மையானதால், உலக மொழியான ஆங்கிலத்தை முறையாகக் கற்று, பேசவும், எழுதவும் வேண்டும். அதற்கு முதற்படியாக, ஆங்கில மொழியை முறையாகத் தொடக்கப்பள்ளி முதல் கற்பிக்க வேண்டும்.  பிற மொழி கற்பதால், தாய் மொழி கற்பதில் சிரமம் ஏற்படும் என்பதெல்லாம் வீண் வாதமே. இரண்டோ, மூன்றொ மொழிகளில் குழந்தைகள் சிரமமின்றி பேச முடியும்.  

உதாரணமாக, பீஹாரில், போத்கயாவில் பீடா விற்கும் லகன் எனும் 5 வயதுச் சிறுவன் அங்கு வரும் சுற்றுலாப் பயணிகளிடம் ஆங்கிலமும், கொரிய மொழியும், ஜப்பான் மொழியும் பேசி அவர்களை வியப்பில் ஆழ்த்துகிறானாம். 6 வயது மோனு எனும் சிறுவன் ஆங்கிலம், ஜப்பான் மொழி, திபெத் மொழி மற்றும் தாய்லாந்து மொழிகளில் பேசி அவ்வியாபாரத்தைப் பெருக்கிக் கொண்டிருக்கின்றானாம்.(!!) (பள்ளி செல்ல வேண்டிய இக் குழந்தைகள் இப்படிப் பணம் சம்பாதிக்க வைப்பது குற்றம்.  விரைவில் அவர்கள் பள்ளிக்கு அனுப்பப்படுவார்கள் என்று நம்புவோம்.)  இதிலிருந்து 5 அல்லது 6 வயது குழந்தைகளுக்குக் கற்பிக்க வேண்டிய விதத்தில் மொழிகளைக் கற்பித்தால், கற்கும் சூழல்களை ஏற்படுத்தினால், அவர்கள் கற்பார்கள் என்பது உறுதியாகின்றது.

தொடரும் ...அடுத்த பதிவில் முடிகின்றது.

--------------------------------------------------------------------------------------------------------------------

வலைப்பதிவர் விழாவிற்கு இன்னும் ஒரு மாதமே இருக்கின்றது. உங்கள் வருகையைப் பதிவு செய்யுங்கள். வர இயலவில்லை என்றாலும், வாழ்த்திவிட்டு, கையேட்டிற்கான விவரங்களையும், 20-09-2015 ற்குள் தயவாய் பதியுங்கள். உங்கள் விவரங்கள் எல்லோருக்கும் பயனுள்ளதாகவும், உங்களையும் பலரும் அறிந்து கொள்ளவும் பயனுள்ளதாக இருக்கும். விழாவிற்கான வலைத்தளமாகிய இந்தத் தளத்தில் http://bloggersmeet2015.blogspot.com நிகழ்வுகள், தகவல்கள் அவ்வப்போது வெளியாவதால் அதைத் தொடருங்கள். தகவல்கள் அறிந்து கொள்ளலாம். சந்தேகங்களுக்கும், தகவல்கள் அறியவும், விவரங்கள் கொடுக்கவும், தங்கும் அறை தனியாக வேண்டும் என்றாலும் இந்த மின் அஞ்சலில் தொடர்பு கொள்ளவும்.  bloggersmeet2015@gmail.com

அன்பான பதிவர்களே! உங்க விவரம் கொஞ்சம் சொல்லிவிட்டுப் போங்க!!!

படம் கூகுளிலிருந்து...

வலைப்பதிவ நண்பர்களே, சகோதரிகளே!  எல்லோருக்கும் எங்கள் வணக்கம்.   வலைப்பதிவர் விழா 11-10-2015, புதுக்கோட்டைல. இன்னும் ஒரு மாதம் தான் இல்லையா! என்ன எல்லோரும் வலைப்பதிவர் விழாவுக்குத் தயாராகி விட்டீர்களா! தயாராகி இருப்பீர்கள். சொல்லவே வேண்டாம்!! சரி, தயாரானால் போதுமா? வருகைப் படிவத்தில் தங்கள் வருகை குறித்துச் சொல்லி விட்டீர்களா? பதியவில்லை என்றால் பதிந்து விடுங்களேன் தயவாய்! 

மட்டுமல்ல உங்க எல்லோருக்கும் தெரிஞ்சுருக்கும்,  வலைப்பதிவர் கையேடு தயாராகிக் கொண்டிருப்பது பற்றி.  அதில் நம்ம வலைப்பதிவர்கள் பெயர்கள், விவரங்கள், வலைத்தளம் பற்றி எல்லாம் வரும்.  உங்களுக்கு எப்படி உங்கள் தொழில் சார்ந்த கையேடு, தொலைபேசி குறிப்பேடு, உதவியாக இருக்குமோ, உங்கள் குடும்ப உறவினர்கள், நண்பர்கள் குறித்து அறிய ஆவலாக இருக்குமோ அது போல இந்தக் கையேடும்  நம் பிற வலை அன்பர்களைப் பற்றித் தெரிந்து கொள்ள, நட்புறவு கொள்ள உதவியாக இருக்கும். னாம் எல்லோரும் ஒருங்கிணைய இது உதவியாக இருக்கும்.  நட்புறவு கொள்ள ஒரு பாலமாக இருக்கும்.  கையேட்டில் வரவேண்டிய உங்கள் விவரங்கள்

உங்கள் 

• பெயர்
• வயது
• வலைத்தளத்தின் பெயர்
• வலைத்தளத்தின் முகவரி
• புகைப்படம் அல்லது உங்கள் வலைத்தளத்தின் லோகோ இணைக்கவும்
• மின் அஞ்சல் முகவரி
• தொலை/அலை பேசி எண்கள் - நீங்கள் விரும்பினால்
• சமூகவலைத்தள முகவரி  நீங்கள் விரும்பினால்
• நீங்கள் நூல்கள், குறும்படங்கள் வெளியிட்டிருந்தால் அவை பற்றிய தகவல்கள்
• நீங்கள் பெற்ற விருதுகள்
• பிற தகவல்கள் முக்கியமானவை, பயன்படும் என்றால், நீங்கள் விரும்பினால் அவற்றையும் பதியலாம். பதிவதற்கு என்ன செய்யணும் என்றால் 

இதோ இருக்குப் பாருங்க இந்த வலைத்தளத்துல, அதாங்க  டெக்னிகல் பிரச்சனையா கூப்பிடுங்க டிடி அப்படின்ற "டிமான்ட் ட்ராஃப்ட்" டிடியேதான் அவரது வலைத்தளத்தில் வருகைப் படிவத்தில் போட்டுருங்க உங்க என்ட்ரியை.  

 http://bloggersmeet2015.blogspot.com/2015/09/blog-post_3.html

வருகைப் படிவத்துல ஒருவேளை குறிப்பிடாம விட்டுட்டீங்கனா பரவாயில்லை. நம்ம புதுக்கோட்டை விழாக்குழுவினர் ஆரம்பித்துள்ள மின் அஞ்சலுக்குத் தட்டி விடுங்க உங்க விவரங்களைக் குறித்து.  இதோ இருக்கு பாருங்க அந்த மின் அஞ்சல். 

ஹாங்க் ஒண்ணு மறந்துட்டோமே....தேதி 20-09-2015 க்குள்ள அனுப்பிடுங்க அப்பதான் கையேடுல வரதுக்கும் அச்சாவதற்கும் உபயோகமாக இருக்கும்.

 bloggersmeet2015@gmail.com

முந்தைய தினம் அதாவது, 10-10-2015 அன்றே வருபவர்களுக்கு, மண்டபத்தில் தங்குவதற்கு தலையணை, போர்வை ஏற்பாடு செய்யப்படுகின்றது.  மறுநாள் காலை குளிப்பதற்கும் அங்கு ஏற்பாடுகள் செய்யப்படுகின்றது.  தனியாக அறைகள் தேவைப்படுமெனில், அருகிலுள்ள விடுதிகளில் ஏற்பாடு செய்ய விழாக்குழுவினர் உதவுவார்கள். அறைக்கான செலவு அவரவர் செலவு.  அதற்கான விவரங்களை, அதாவது எத்தனை பேர், வரும் நேரம் குறித்து முன்னதாகவே இந்த மின் அஞ்சலுக்குத் தெரிவித்து விட்டால், குழுவினருக்கு ஏற்பாடு செய்ய உதவியாக இருக்கும். 

bloggersmeet2015@gmail.com

மேலும் எந்த சந்தேகங்களுக்கும், விளக்கங்களுக்கும் மேற் சொன்ன மின் அஞ்சல் வழியாகத் தொடர்பு கொண்டால், விழாக் குழுவினர் உங்களுக்கு விரைந்து பதில் அளித்து உதவிட, உதவியாக இருக்கும்.  

அவ்வப்போது இந்த விழாவிற்கான வலைத்தளத்தைப் பார்வையிடவும்.  இதில் விழாவைக் குறித்த அனைத்து தகவல்களும் உடனுக்குடன் பரிமாறப்படுகின்றது 

http://bloggersmeet2015.blogspot.com/

சரி என்ன நண்பர்களே, சகோதரிகளே, தங்கள் வருகையையும், தங்கள் விவரங்களையும் பதிந்து விட்டீர்கள்தானே!! பதிந்துவிடுங்கள்! 

இன்னும் சில தகவல்களுக்கு எங்கள் முந்தைய பதிவுகளையும் பாருங்கள்.  மேற் சொன்ன விழாவிற்கான வலைத்தளத்தையும் பாருங்கள்...என்று அன்புடன் வேண்டுகின்றோம்.

http://thillaiakathuchronicles.blogspot.com/2015/09/BloggersMeet-2015-Information.html#comment-form

http://thillaiakathuchronicles.blogspot.com/2015/09/BLOGGERS-MEET-PUDUKKOTTAI.html

மிக்க நன்றி.  

வலைப்பதிவர் விழா: வலைப்பதிவர்கள் எல்லோரும் இங்கே கொஞ்சம் பாருங்க!

வலைப்பதிவர்களுக்கு : விழாவைப் பற்றிய தகவல்கள் http://bloggersmeet2015.blogspot.com/

எனும் தளத்தில் வெளிவந்து கொண்டிருக்கின்றது என்று இங்கு தெரிவித்துக் கொள்கின்றோம். இங்கு கொடுக்கப்பட்டுள்ள தகவல்களையும் தாங்கள் பார்த்துவிட்டுத் தங்களுக்கு ஏதேனும் சந்தேகங்கள் இருந்தால், கேள்விகள் இருந்தால் 

இந்த மின்னஞ்சல் வாயிலாக விழாக் குழுவினரைத் தொடர்பு கொள்ளலாம்.

bloggersmeet2015@gmail.com      

நல்ல கவிதைகளை அனுப்புக...

  வலைப்பதிவர் திருவிழாவில் முதன்முதலாக நடத்தவிருக்கும் கவிதை ஓவியக் கண்காட்சியில், நல்லநல்ல கவிதைகளைத் திரட்டி ஓவியமாக்க வேண்டும் என்னும் விழாக் குழுவினரின் ஆசையைச் செயற்படுத்தும் விதமாக ஏழு ஓவியர்கள் இந்த ஆலோசனைக் கூட்டத்திற்கு வந்திருந்தனர். (அவ்வளவு பேரும் இளைஞர்கள் அதில் இருவர் நம் வலைப்பதிவர்கள்!) வந்து,“கவிதைகளைத் தாருங்கள் நாங்கள் இப்போதே வேலையைத் தொடங்கி விடுகிறோம்” என்றார்கள்...! 

 அவர்களைச் சமாதானப் படுத்தி, –தங்கை மைதிலி கஸ்தூரிரெங்கனும், கவி.வைகறையும் இதுவரை திரட்டி அனுப்பியிருந்த- சுமார் 20 கவிதைகளுடன் இன்னும் கவிதைகளைச் சேர்த்து விரைவில் தருவதாகக் கெஞ்சி அனுப்பினோம்! அந்த வேலை அப்படி நடக்கிறது...! 

 பதிவர்களும் நல்ல கவிதைகளை அனுப்பி உதவலாம். அந்தக்குழுவின் முடிவில் நல்ல கவிதைகள் ஓவியமாகும். ஒரு (கார்ட் போர்டு) அட்டையில் இந்தப்பக்கம் கவிதை அந்தப்பக்கம் ஓவியம் என்பதாக கவிதைகள் சிறியதாக இருத்தல் நலம். (ஒருவேளை கவிதை தேர்வாகாவிட்டால் சண்டைக்கு வரக்கூடாது, அது நம் விழாக்குழுவின் “கவிதை ஓவியக்கண்காட்சிக்குழு”வின் முடிவு!)

“வலைப்பதிவர் கையேடு-2015” 

முக்கியத்துவம் தந்து விவரம் அனுப்புக...

சுமார் 300முதல் 400 வலைப்பதிவர் வரை விவரங்களைத் திரட்டி, அதை சுமார் 150முதல் 200 பக்கம் வரையிலான புத்தகமாக அச்சிட்டு, தமிழில் வலைப்பக்கம் எழுதிருவரும் அனைவரைப் பற்றியும் அனைவரும் அறியத் தரவேண்டும், அதிலும் விழாவுக்கு வரும் அனைவர்க்கும் சுமார் 150ரூ. மதிப்புள்ள அந்த நூலை இலவசமாகத் தரவேண்டும் என்று சுறுசுறுப்பாக வேலை நடக்கிறது... வலைச்சித்தர் திண்டுக்கல் தனபாலன் அவர்களின் வலைப்பக்கத்தில் உள்ள “வலைப்பதிவர் வருகைப் பதிவுப் படிவம்“ யார் யாரெல்லாம் நிரப்பி அனுப்புகிறார்களோ, அவர்களுடைய விவரங்களைத் தொகுத்து வருகிறோம்... இதற்குத் தேவையான விவரங்களை பதிவர்கள் விரைவில் –வரும் 20-09-2015க்குள்- அனுப்பி உதவ வேண்டுகிறோம். 

விண்ணப்ப படிவம் நிரப்ப இதோ நம் டிடி வலைப்பக்கம் செல்க.  அதன் சுட்டி இதோ..

http://bloggersmeet2015.blogspot.com/2015/09/blog-post_3.html

வலைப்பதிவர் கையேடு (விளம்பர விவரம்)

1க்கு8 (டெம்மி) அளவு – 500 பிரதிகள்.

முன், பின் அட்டைகள் மட்டும் பலவண்ணம்.

மற்ற பக்கங்கள் ஒரே வண்ணம் -பலவண்ண விளம்பரம் தவிர. தோராயமாக விளம்பரம் 25பக்கம் உட்பட 150-175பக்கம்.  ஒவ்வொரு பக்கத்திலும் பெரும்பாலும் மூன்று வலைப்பதிவர் பற்றிய விவரம் வீதம் சுமார் 375முதல் 400 வலைப்பதிவர் பற்றிய விவரங்கள் அடங்கிய நூல்.பக்கம் விளம்பரத்தையொட்டி மாறலாம்

விழாவில் கலந்துகொள்வோர்க்கு இலவசமாகவும் மற்றவர்க்கு விற்பனை விலையாக ரூ.150 எனவும் முடிவெடுத்துள்ளோம். எனவே, இந்நூலை இணையத்தில் இப்போது வெளியிட இயலாது.

விளம்பர நிர்ணயம் பற்றி –

கடைசி வெளி அட்டை ரூ.10,000 (பலவண்ணம்) - ஏற்கப்பட்டது.

(இந்தக் கடைசி அட்டையை நம் அமெரிக்கத் தமிழ்வலைப்பதிவர் திரு விசு ஆவேசம் தனது புத்தகத்திற்காகக் கேட்டு முன்பதிவு செய்திருக்கிறார். அவருக்கு நன்றியும் வணக்கமும் மற்ற பக்கங்கள் மற்ற நம் பதிவர்கள் வழியே விரைவில் நிரம்பும் என நம்புகிறோம்)

உள் அட்டை முதல்பக்கம் ரூ.8,000 (பலவண்ணம்)

(இந்தப் பக்கத்தைத் தான் ஏற்றுக்கொள்வதாக “மூன்றாம் சுழி“ திரு அப்பாதுரை 05-09-2015 அன்று மின்னஞ்சல் அனுப்பியிருக்கிறார்)

உள் அட்டை கடைசிப்பக்கம் ரூ.7,000 (பலவண்ணம்)

உள்பக்க விளம்பர விகிதம் –

பலவண்ணம்–ரூ.3,000 

(மூன்றில் ஒருபங்கு எனில் தலா ரூ.1000)

ஒரேவண்ணம்–ரூ.1,500 

(மூன்றில் ஒருபங்கு எனில் தலா ரூ.500)

(நண்பர்கள் யார்வேண்டுமானாலும் விளம்பரம் பெற்றுத்தரலாம். அதற்கான உழைப்பூதியம் 20விழுக்காடு தரப்படும்)

இதில் வலைப்பதிவர் விவரங்கள் வெளியிடக் கட்டணமில்லை. அது தவிர வேறு –நூல்கள் முதலான வெளியீடுபற்றி - விளம்பரம் தரலாம்.

புதுக்கோட்டையின் தொன்மை வரலாறு, சிறப்புகள் பற்றிய செய்திகள் படங்கள் சேர்ப்பது, நூல்பக்கம் மற்றும் விளம்பர அளவைப் பொறுத்து அமையும்.
--------------------------------------------------------------------------------------------------------------------------------------

முக்கிய விளக்கம் (1) : விழாவிற்கு வரும் அனைவர்க்கும் தரப்படவுள்ள “தமிழ்-வலைப்பதிவர் கையேடு-2015” தயாரிப்பதற்கு அடிப்படைத் தகவல்கள் மேலே படிவத்திலுள்ள "கையேட்டில் வர வேண்டிய பிற குறிப்புகள்" என்பதிலிருந்தே எடுக்க வேண்டி இருப்பதால்,அதில் தங்களது புகைப்படத்தின் இணைப்பு அல்லது தளத்தின் லோகோ இணைப்பு,செல்பேசிஎண்(விரும்பினால்), வெளியிட்ட நூல்கள், பெற்ற விருதுகள், தயாரித்த குறும்படங்கள், சிறப்பான பதிவின் இணைப்பு(கள்) என... சுருக்கமாக : எவை எவை கையேட்டில் வந்தால் நல்லது என்கிற அவரவர் விருப்பத்திற்கு ஏற்ப அனைத்துச் சிறப்புகளையும் தொகுத்துத் தரலாம்... (இடம் கருதி, ஏற்றவற்றை வெளியிட விரும்புகிறது விழாக்குழு)
முக்கிய விளக்கம் (2)  : படிவத்தில் குறிப்பிட்டபடி முதல்நாளே வருவோர் தலையணை, போர்வையோடு இரவுத் தங்கவும், மறுநாள் காலை குளிக்கவும் மண்டபத்திலேயே ஏற்பாடுகள் செய்யப்பட்டுள்ளன. எனினும், தனியாக அறை தேவைப்படுவோர்க்கு -அவரவர் செலவில்- அருகிலுள்ள விடுதியில் ஏற்பாடு செய்ய, விழாக்குழுவினர் உதவி செய்வர். அதுபற்றிய தகவல்களை -எத்தனைபேர் எங்கிருந்து எந்தநேரம் வருகிறார்கள் எனும் தகவலை- முன்கூட்டியே மின்னஞ்சல் வழியே தகவல் தெரிவித்து விடுமாறு முதல்நாள் வருவோரை அன்புடன் கேட்டுக்கொள்கிறோம். 

முக்கிய விளக்கம் (3)  : இந்தப் படிவத்தை நிரப்பி அனுப்பிய பின்னர் ஒருவேளை கடைசிநேரச் சூழல் காரணமாக விழாவுக்கு வரஇயலாமல் போனாலும், “வலைப்பதிவர் கையேடு” வழியே ஏனைய பதிவர்களின் அறிமுகத்திற்கு இக்குறிப்புகள் உதவும். அதுபோலவே,இப்போது வெளிநாட்டில் இருக்கும் தமிழ்ப்பதிவர்கள் இவ்விழாவுக்கு வந்தால்  பெருமகிழ்ச்சியோடு -வரவேற்கிறோம். எனினும் வரமுடியாத நிலை இருக்கிறது என்று உறுதியாகத் தெரிந்தாலும், விழாவை வாழ்த்தி ஒரு கவிதையோ ஒரு 10-15வரியில் ஒரு வாழ்த்துரையோ அனுப்பினால் அதை நம் விழாவிற்கு வரும் அனைவரும் பார்க்கும்படியாக அறிவிப்பும் செய்து,அழகாக பெரிதாக எழுதி வைக்கவும் விழாக்குழு விரும்புகிறது. ஆனால், அவர்கள் அவசியம்“வலைப்பதிவர் கையேடு -2015" க்கான குறிப்புகளை அனுப்பியிருக்க வேண்டும்.

ஏதேனும் சந்தேகங்கள், விவரங்கள், நூல் வெளியீடு, மற்றும் குறும்பட வெளியீடு பற்றிய அனைத்திற்கும் தொடர்பு கொள்ள வேண்டிய மின்னஞ்சல் முகவரி :- bloggersmeet2015@gmail.com

அப்புறம்... அப்புறமென்ன? நிதியாகவோ, விளம்பர உதவியாகவோ தருவதை அன்புடன் ஏற்போம்... அதுவும் முக்கியம்தானே? விளம்பரம் பற்றிய விவரங்களுக்கு இந்தப் பதிவைப் பார்க்க வேண்டுகிறோம்-
http://bloggersmeet2015.blogspot.in/2015/09/blog-post.html

நிதி மற்றும் விளம்பரம் அனுப்ப வேண்டிய வங்கி விவரங்களுக்கு 
இந்தப் பதிவைப் பார்க்கலாம் -
http://bloggersmeet2015.blogspot.in/p/blog-page_29.html 

இந்த வலைப்பக்கத்தையும்http://bloggersmeet2015.blogspot.com/

அவ்வப்போது பார்வையிடுங்கள். இந்த வலைப் பக்கம் இன்னும் அவ்வளவாக அறிமுகமாகவில்லை என்பதால் அறிமுகமான வலைப் பக்கங்களின் வழியாக தகவல்கள்.

மிக்க நன்றி.

பின் குறிப்பு :  இந்தத் தகவல்கள் தொகுத்த பெருமை அனைத்தும் புதுக்கோட்டை விழாக்குழுவினர் நண்பர்களுக்கே.  நாங்கள் விழாவிற்கான தளத்திலிருந்து நகல் எடுத்து இங்கு பகிர்ந்துள்ளோம், அவ்வளவே எல்லோரையும் அடையவேண்டும் என்பதால். உழைப்பு, பெருமை எல்லாமே விழாக் குழுவினருக்கே!!!

மறக்க முடியாத ஆசிரியர் தினம் - செப்டம்பர் 5, 2015

எல்லா ஆசிரியர்களுக்கும் எங்கள் மனமார்ந்த ஆசிரியர் தின வாழ்த்துகள்!!!

இன்று ஆசிரியர் தினம் 05-09-2015. எல்லோரது மனதிலும் பசுமை மாறாதிருக்கும் மாணவப்பருவமும், அப்பருவத்தில் மிக முக்கியமான ஒரு சில  மாற்றங்களுக்குக் காரணமான சில ஆசிரியர்களும் இருக்கத்தான் செய்வார்கள்.  ஆசிரியர்களைப் பற்றிச் சொல்லும் போது நான்கு விதமான ஆசிரியர்கள் உள்ளதாகச் சொல்லப்படுகிறது

'The mediocre teacher tells. The good teacher explains. The superior teacher demonstrates. The great teacher inspires.'

இதில் ஊக்கமளித்து எழுச்சியூட்டும் ஆசிரியர்கள்தான் மாணவ, மாணவியர்கள் மனதில் என்றென்றும் வாழ்ந்து, அவர்களுக்கு வழிகாட்டியாகத் திகழ்பவர்கள்.  ஆரம்பப் பள்ளிகளில் பயிலும் குழந்தைகளுக்கு, அவர்களுடன் அன்பாய் பேசிப்பழகும் ஆசிரியை மற்றும் ஆசிரியர்கள் சொல்லும் வாக்கு வேத வாக்கேதான்.

உயர்நிலைப்பள்ளிகளில் பயிலும் மாணவ மாணவியர்களுக்கு, அவர்களுக்குப் பிடித்த விதத்திலும், எளிதாகப் புரிந்து கொள்ளக்கூடிய விதத்திலும் பாடங்களை எடுத்து வகுப்புகளை நடத்திச் செல்லும், இடையிடையே அவர்களை ஊக்குவித்து பாராட்டி, தேவைப்படும் போது இடித்துரைத்து, அவர்களுக்குத் தேவையான அறிவுரைகளை வழங்கும் ஆசிரிய, ஆசிரியைகளை மிகவும் பிடிக்கும்.

உயர் மேல்நிலைப்பள்ளிகளிலும் அப்படித்தான் என்றாலும் அம் மாணவ, மாணவியர்களுக்கு அறிவுரைகளை விட ஊக்குவித்தலும், பாராட்டுதலும்தான் அதிகம் பிடிக்கும். அப்படிச் செய்யும் ஆசிரிய, ஆசிரியைகளைத்தான் விரும்புவார்கள்.

கல்லூரி மாணவ, மாணவியர்களுக்கு அவர்கள் செய்யும் தவறுகளைக் கண்டும் காணாமல் இருப்பது போல் இருந்து, தனியே எப்போதாவது அவர்களைச் சந்திக்கும் போது, அவர்களுக்குத் தேவையான அறிவுரைகளை வழங்குவது மிகவும் பிடிக்கும்.  பிறர் கேட்க அவர்களைப் பாராட்டுவது மிகவும் பிடிக்கும்.  பாராட்டுவது கூட, மாணவர்களுக்கு, மாணவிகள் கேட்கும் படியும், மாணவிகளுக்கு, மாணவர்கள் கேட்கும்படியாகவும் இருந்தால், அப்படிப் பாராட்டும் ஆசிரிய, ஆசிரியைகள் அவர்களது வாழ்வில் மறக்க முடியாதவர்கள் ஆகியே விடுவார்கள்.

ஆனால், இப்படிப் பாராட்டப்படுவதற்கும், ஊக்குவிக்கப்படுவதற்கும், தகுதியுள்ள மாணவ, மாணவிகளைக் கண்டுபிடிப்பது என்பது எல்லா ஆசிரிய, ஆசிரியைகளுக்கும் இயலாத காரியம்.  மேலோங்கிய கடமை உணர்ச்சியும், பொறுமையும், அர்ப்பணிப்பு மனப்பன்மையும் அதற்கு மிக மிக அவசியம்.  எந்த ஒரு ஆசிரியை அல்லது ஆசிரியர் தான் ஒரு ஆசிரியர் அல்லது பேராசிரியர் மட்டுமல்ல, தான் தன் மாணவ மாணவியர்களுக்கு ஒரு Friend, Philosopher, Guide, Felicitator, Mentor ம் கூடத்தான் என்பதை உணர்ந்து, அதற்கு ஏற்றாற் போல் தன்னை மாற்றிக் கொண்டு, தன் மாணவர்களையும் மாற்ற முற்படுகின்றாரோ, அவருக்கு மேற்கூறிய, பாராட்டுதலுக்கும், ஊக்குவித்தலுக்கும் தகுதியுள்ள மாணவர்களைக் கண்டுபிடிப்பது எளிது. 

அப்படிப்பட்ட ஆசிரிய ஆசிரியைகள், தாம் கற்பிக்கும் பிரதான பாடத்தில் சிறந்த மாணவ, மாணவியர்களை மட்டுமல்ல, பிற பிரதான பாடங்களில் திறமையுள்ளவர்களையும், கலைத்திறமை உள்ளவர்களையும், விளயாட்டுத் துறையில் திறமையுள்ளவர்களையும், பிறருக்கு உதவும் மனப்பான்மை உள்ளவர்களையும் மட்டுமல்ல, அவர்களிடம் உள்ள எல்லா திறமைகளையும், நல்ல குணங்களையும் கண்டுபிடித்து அவர்களைப் பாராட்டி ஊக்குவிப்பார்கள். அப்படிப்பட்ட ஆசிரிய ஆசிரியைகள் எல்லா மாணவர்களிடமும் ஏதேனும் பாராட்டத்தக்க ஒரு தனித் தன்மையை கண்டுபிடித்தே விடுவார்கள். அப்படிப்பட்ட ஆசிரிய ஆசிரியைகள் தாங்கள் கற்பிக்கும் எல்லா மாணவ, மாணவியர்களின் மனதிலும்ஒரு உயர்ந்த இடத்தைப் பெறுவார்கள். அப்படி அல்லாத ஆசிரிய ஆசிரியைகள், கற்பிப்பதில் எவ்வளவு திறமை மிக்கவர்கள் ஆனாலும், மாணவ மாணவியர்களின் மனதில் ஒரு இன்ஸ்பையரிங்க் டீச்சர் ஆகவே முடியாது. 

திரு ஜோஸ் மேத்யூ

நான் கற்பிக்கும் பாலக்காடு, மாத்தூர், CFDVHSS (CFD Vocational Higher Secondary School) அப்படிப்பட்ட மூன்று ஆசிரியர்கள் இருக்கிறார்கள். (சிரிக்க வேண்டாம்!!! அவர்களில் ஒருவராகும் பாக்கியம் எனக்குக் கிடைக்கவில்லை.  கிடைப்பது சிரமம்!), அவர்களில் ஒருவரும், பள்ளி முதல்வருமான திரு. ஜோஸ் மாத்யூவுக்கு 2015 ஆம் ஆண்டுக்கான கேரள மாநிலத்தின் சிறந்த ஆசிரியருக்கான விருது கிடைத்திருக்கிறது. (ப்ரோட்டா கார்த்திக் குறும்படத்தில்– மளையாளத்தில் பள்ளி முதல்வராகவே இவர் நடித்திருக்கிறார். பரோட்டா கார்த்திக் தமிழில்  இமயத்தலைவன் திரு. ராயச் செல்லப்பா அவர்கள் முதல்வர் கதாபாத்திரத்தைச் செய்திருக்கிறார். இவரும் ஆசிரியராக இருந்தவர்தான்).

 

கேரள மாநிலத்தில் 44 சிறந்த ஆசிரிய, ஆசிரியைகளுக்கு இவ்விருது இவ்வருடம் கிடைத்திருக்கிறது.  கேரளாவிலுள்ள 14 மாவட்டங்களிலிருந்து, 14 ஆரம்ப மற்றும் நடுநிலைப் பள்ளி ஆசிரிய ஆசிரியைகளுக்கும், 14 உயர்நிலைப் பள்ளி ஆசிரிய ஆசிரியைகளுக்கும், 9 மேல்நிலைப்பள்ளி மண்டலத்திலிருந்து 9 உயர் மேல்நிலைப்பள்ளி ஆசிரிய ஆசிரியைகளுக்கும், 7 வொக்கேஷனல் மேல்நிலைப்பள்ளி மண்டலத்திலிருந்து 7 வொக்கேஷனல் மேல்நிலைப்பள்ளி ஆசிரிய ஆசிரியைகளுக்கும் இவ்விருது கிடைக்கப் பெற்றிருக்கிறது. அப்படி அந்த 7 வொக்கேஷனல் மேல்நிலைப்பள்ளி ஆசிரியர்களில் ஒருவர்தான் நம் ஜோஸ்மாத்யூ சார்.  சிறந்தவர்களுக்கு விருது கிடைக்கும் போது நமக்குத் தோன்றுமே, “அப்ப எப்பவாவது இதுமாதிரி நடு நிலைமையான தீர்ப்பு வரும் இல்லையா?” என்று! அது போலத்தான் அவருக்குக் விருது கிடைத்த போது எங்களில் பலருக்கும் தோன்றியது.  வொக்கேஷனல் மேல்நிலைப்பள்ளி துணை இயக்குநர்/மேலாளர், அவரை நேரில் அழைத்து விண்ணப்பத்தைக் கொடுத்து, எழுதி வாங்கி தலைமையகத்திற்கு அனுப்பி இருந்தார்.

ஜோஸ்மாத்யு சார் ஆசிரியர் பயிற்சி முகாமில் பயிற்சியாளராக இருந்திருக்கிறார்.

நேற்று மதியம் 12 மணிக்கு திரு ஜோஸ் மாத்யூவுடன், அவரது இரு நெருங்கிய நண்பர்கள், நாங்கள் உள்ளிட்ட மூன்று ஆசிரியர்கள், ஒரு நான் டீச்சிங்க் ஸ்டாஃப், என்று 7 பேர் புறப்பட்டு, மதியம் 1 மணிக்கு பாலக்காடு ஜங்க்ஷனுக்கு வரும் எழும்பூர்-மங்களூர் விரைவு வண்டியில் ஏறி, பரிசு வழங்கப்படும் காசரகோடு அருகே உள்ள காஞ்சங்காடு எனும் இடத்திற்குச் செல்ல ரயில் நிலையத்தை அடைந்தோம்.  மங்களூர் விரைவு வண்டி சென்னையிலிருந்து 200 கிமீ தொலைவில், விருத்தாச்சலம் அருகே, புவனூர் எனுமிடத்தில், ரயிலின் கடைசி 6 பெட்டிகள் தடம் புரண்டு, 38 பேர் காயமடைந்ததாகவும், அதனால், 4 மணி நேரம் தாமதமாகி வருவதாகவும் செய்தி அறிந்ததும், வேறு வழி இன்றி காத்திருந்தோம். 5 மணிக்கு பாலக்காடு சந்திப்பிற்கு வந்து  சேர்ந்தது.

 

இரவு 11.30 மணிக்கு காஞ்சங்காடு ரயில் நிலையத்தை அடைந்தோம்.  ஹோட்டல் க்ரீன்லாண்டில் 2 அறைகள் பதிவு செய்யப்பட்டிருந்தது.  கொசுக்கடியை சட்டை செய்யாமல், வேறு வழியின்றி, களைப்பில் தூங்கியே போனோம்.  காலை எழுந்து, தயாராகி, கேரளாவில் எந்த ஒரு இடத்திலும் ஓரளவு பயமில்லாமல் (பர்சிற்கும், வயிற்றிற்கும்) சாப்பிடமுடிகின்ற இந்தியன் காஃபீ ஹவுசில் வடை மற்றும் மசால் தோசையை சாப்பிட்டு, விழா நடக்கும் காஞ்சங்காடு துர்கா மேல்நிலைப்பள்ளியை அடைந்தோம்.

1950ல், ஹோஸ்துர்க் எஜுகேஷனல் சொசைட்டியால் துவக்கப்பட்ட அந்தப் பள்ளியில், கேரள மாநிலத்தின் பல பாகங்களிலிருந்து வந்திருந்த விருது பெறும் ஆசிரிய ஆசிரியைகளைக் கண்ட போது மனதிற்கு ஏற்பட்ட மகிழ்ச்சியையும், புத்துணர்ச்சியையும் வார்த்தைகளால் விவரிப்பது கடினம். 11 மணிக்குத் துவங்க வேண்டிய விழா 12 மணிகுத்தான் ஆரம்பித்தது. 

கல்வி அமைச்சர் திரு அப்துல் ரஃப் பங்கெடுத்த அந்த விழாவில் இறைவணக்கம் பாடி முடித்து, காசரகோடு மாவட்டக் கல்வி அதிகாரி வரவேற்புரை வழங்கியபோது, திடீரென பார்வையாளர்களாக அமர்ந்திருந்த ஆசிரிய, ஆசிரியைகளில் பெரும்பான்மையோர் எழுந்து “அப்துல் ரஃப் கோ பேக்” என்று கூச்சலிடத் தொடங்கிவிட்டார்கள்.

கல்வி அமைச்சர் அப்துல் ரஃப், இவ்வருடம் மாற்றப்பட்ட பாடப்புத்தகங்கள், மாணவர்களுக்கு காலாண்டுத் தேர்வுக்கு முன் அச்சடித்துக் கொடுக்க முடியாமல், அத்தேர்வையே தள்ளி வைத்தது உள்ளிட்ட பல காரணங்கள் அப்போராட்ட்த்திற்குப் பின் இருந்தது என்றாலும், வரவிருக்கும் பஞ்சாயத்து தேர்தலும் இவற்றிற்கெல்லாம் ஒரு முக்கிய காரணம்தான்.  பின்  நம் கல்வி அமைச்சரும் வீண் விவாதங்கள் ஏற்படுத்துவதில் வித்தகர். தான் பங்கெடுக்கும் விழாக்களில் விளக்கேற்றி விழாவைத் தொடங்கும் பழக்கம், தன் மத நம்பிக்கைக்கு எதிரானது என்று சொல்லி விளக்கேற்றாமல் நிற்பது போன்ற செயல்களைச் செய்து, பிரச்சனைகளை விலைக்கு வாங்குபவர்தான்.

எப்படியோ போலீசார் சமயோஜிதமாக ஈடுபட்டு ஆட்பாட்டக்காரர்களான ஆசிரியர்களை விழா மண்டபத்திலிருந்து வெளியே தள்ளி ஒரு வழியாக விழாவை நடக்கச் செய்தார்கள்.  12.30 குக்கு எல்லா விருது பெற்ற ஆசிரிய ஆசிரியைகளுக்கும் விருதும், சான்றிதழும், பரிசுத் தொகையாக 10 ஆயிரமும் வழங்கப்பட்டது. அப்படி ஒருவழியாய் 12.45க்கு, தடம் புரண்ட ரயில் பயணத்தில் தொடங்கி, எதிர்பாராத ஆசிரியர் ஆர்பாட்டத்தினால் என்னாகுமோ என்று அச்சுறுத்திய விழா ஓரளவு பிரச்சனை இல்லாமல் முடிவடைய, நாங்கள் வித்தியாசமான, மறக்க முடியாத ஒரு ஆசிரிய தின நிகழ்வுகளை மனதில் சுமந்து கொண்டு, சபரிமலை செல்லும் பக்தர்கள் ஐயப்ப தரிசனம் முடிந்த பின் வேகமாக மலை இறங்குவது போல் அப்பள்ளியை விட்டு வெளியேறினோம்.  இனி 8 மணி நேரப் பயணம்.  அதன் பின் தான் வீடு.  அதுதான் இப்போது மனதில்!                

கும்மியடி! உலகம் முழுவதும்! புதுகையில் தமிழ்பதிவர் சந்திப்பென்று கும்மியடி!

கும்மியடி! உலகம் முழுவதும்

குலுங்கிடக் கைகொட்டிக் கும்மியடி!

புதுக்கோட்டையில் பதிவர் சந்திப்பென்று

புத்துணர்ச்சி யுடனே கும்மியடி!

அக்டோபர் பதினொன்று இரண்டயிரத்தி பதினைந்து

அன்று தான் சந்திப்பென்று கும்மியடி!

ஆரோக்கியமாதா மக்கள் மன்றம்

ஆங்குதான் கூட்டமென்று கும்மியடி!

மதமில்லை சாதியில்லை குணம் ஒன்று மட்டுமே

மனிதம் போற்றுவோம் கும்மியடி!

எண்ணிலடங்கா பதிவர்கள் எல்லோரது

எண்ணங்கள் ஈடேறிடும் கும்மியடி!

வலையுலகம் பல படைப்புகள் படைத்திட்டு

கலையுலகம் ஆக்கிடுவோம் கும்மியடி

எல்லை யில்லா அன்பைப் பெருக்கியே

எல்லோரும் இன்புறுவோம் கும்மியடி!

வாருங்கள் வாருங்கள் என்று சொல்லியே

வணங்கி வரவேற்போம் கும்மியடி.

தமிழை வளர்த்துப் போற்றிடுவோமே

தலை நிமிர்ந்து நின்றிடுவோம் கும்மியடி!

சந்திப்பு விழா பத்தி தெரிஞ்சுகிடணுமா? இதா இருக்குல்லா இந்தச் சுட்டிக்குள்ளார போனா தெரிஞ்சுரும்லா

 http://bloggersmeet2015.blogspot.in

நம்மள பத்தி கையேடு வருதாம்லா....அதுல வெவரம் கொடுக்கணும்லா அதுக்கும், பொறவு நம்ம புக்கு, குறும்படம் வெளியிடனும்னாலும், இதா இருக்குல்லா இந்த மின் அஞ்சலுக்கு மூச்சுக் காட்டாம கொடுத்துட்டுப் போயிரலாம்ல

 bloggersmeet2015@gmail.com

 விளாவுக்கு ஏதாச்சும் கொடுக்கணுனு/மொய் வைக்கணும்ணு தோணிச்சுனாலும் பேங்க் அக்கவுண்ட் டிடெய்ல்ஸ் வேணுமில்லா அதுக்கு  நம்ம டிடி இருக்காருல்லா அதான் நம்ம வலைச்சித்தரு...டிடி தளத்துல அங்ஙன போனா தெரிஞ்சுக்கலாம்வே.

http://dindiguldhanabalan.blogspot.com/2015/08/Tamil-Writers-Festival-2015-1.html

போட்டியெல்லாம் இருக்குதாம்வேய் அதுக்கு இதுக்குள்ளாற போனா தெரிஞ்சுரும்லா

http://valarumkavithai.blogspot.com/2015/08/2015_12.html

உங்க பேர என்ட்ரி போட்டாச்சா? போடலைனா. இதா இருக்காருல்லா...நம்ம டிடி இதுக்குள்ளார போனா ஒரு படிவம் இருக்குதுவே அதுல ஒரு என்ட்ரி போட்டுருங்கவே.

http://dindiguldhanabalan.blogspot.com/2015/08/Tamil-Writers-Festival-2015-1.html

"எல்லோரும் இன்புற்றிருக்க நினைப்பதுவே அல்லாமல், வேறொன்றறியேன்(யோம்) பராபரமே”

(பின் குறிப்பு : மதுரைத் தமிழன் அவர்கள் விழாவுக்கு வந்து உங்களுடன் இருக்கலாம்....ஒருவேளை வந்தால்....அது பரம ரகசியமாக.....வெல்லூரில் நடந்த விசுவின் விழாவிற்கு அவரது நண்பரை அனுப்பியது போன்றோ, இல்லை மச்சம் ஒன்று வைத்துக் கொண்டு மாறு வேடத்திலோ, இல்லை உலகிலேயே க்ளோனிங்க் வைத்துள்ள ஒரே ஒருவர், இந்தியர், தமிழர், பதிவர் என்ற பெருமையையுடைவர் என்பதால் தனது க்ளோனிங்கைக் கூட அனுப்பலாம்....கண்டுபிடிப்பவர்களுக்கு ஒரு பரிசு? அது அவரிடம் கேட்டுக் கொள்ளலாம்... ஹஹஹஹ...இதன் பின் பதிவின் கடைசி வரியை வாசித்துக் கொள்ளவும்...."எல்லோரும்.....)