வாழ்த்துக்கள் கீது,....ஆஸ்கார் வெற்றிவாகைச் சூட வாழ்த்துக்கள்

Liar's Dice is a 2013 Hindi, road drama film, written and directed by Geetu Mohandas. The film stars Geetanjali Thapa and Nawazuddin Siddiqui in lead roles.

      கீது மோகன்தாஸின் “லையர்ஸ் டைஸ்” (Liar’s Dice), “மேரி கோம்” உள்ளிட்ட 29 இந்தியத் திரைப்படங்களைப் பின் தள்ளி, இம்முறை இந்தியாவிலிருந்து, பிறநாடுகளுக்கு வழங்கப்படும் ஆஸ்கார் விருது பெற போட்டியிடும் திரைப் படங்களுடன் போட்டியிடத் தேர்ந்தெடுக்கப்பட்டிருக்கிறது.  கீது மோகன் தாஸ் இதற்கு முன் இயக்கிய குறும்படங்கள் அவரது திறமையை திரை உலகிற்கு அடையாளம் காட்டியிருக்கிறது. என்றாலும் இது அவர் இயக்கிய முதல் திரைப்படம் என்பது குறிப்பிடத்தக்கது. இப்படம், இரண்டு தேசிய விருதுகளைப் பெற்றதும், அதில் ஒன்று, சிறந்த நடிகைக்கான விருது பெற்ற இப்படத்தின் கதா நாயகியான கீதாஞ்சலி தாப்பாவுக்கும், மற்றொன்று சிறந்த ஒளிப்பதிவாளராகத் தேர்ந்தெடுக்கப்பட்ட கீதுவின் கணவரான ராஜீவ் ரவிக்கும் கிடைக்கப் பெற்றது இப்படத்தின் மற்றொரு சிறப்பு.

      இந்திய திபெத் எல்லைப் பகுதியில் வாழும் பழங்குடிப் பெண், தன் மகளுடன் தன் கணவனைத் தேடிச் செல்வதுதான் கதை.  இடையே அப்பெண் சந்திக்கும் ஒரு ராணுவ வீரனும் இப்படத்தின் ஒரு முக்கியக் கதாபாத்திரமே.  அவர்களது பயணத்தினிடையே நிகழும் சம்பவங்கள் தான் இப்படத்திற்கு மெருகேற்றுகிறது. பிறந்த மண்ணை விட்டு, வெளியேற வேண்டிய கட்டாயம் ஏற்படும் மனிதர்களையும், அவர்களுக்கு இரையாகும் பெண்களையும் பற்றிய மனதைத் தொடும் கதையை, சிறுவயதிலேயே திரை உலகிற்கு குழந்தை நட்சத்திரமாய் வந்து, பின் கதா நாயகியாய் வளர்ந்து, அதன் பின் இயக்குநராகவும் மாறிய கீது மோகன் தாஸ் நல்ல ஒரு திரைப்படமாக்கி எல்லோரது பாராட்டையும் பெற்றிருக்கிறார்.  இதற்கு முன் மூன்று முறை “லகான்”, மதர் இண்டியா”, “சலாம் பாம்பே” எனும் படங்கள் வெளிநாட்டுட் திரைப்படங்களுக்கான ஆஸ்கார் விருது பெற போட்டியின் இறுதிக் கட்டம் வரைதான் சென்றிருக்கின்றன.  இதுவரை இந்தியத் திரைப்படங்களுக்கு ஆஸ்கார் விருது ஒரு எட்டாக் கனிதான்.  ஹிந்தி மொழியில் எடுக்கப்பட்ட கீது மோஹன் தாசின் “லயர்ஸ் டைஸ்” இம்முறை இறுதிக் கட்டத்தையும் தாண்டி விருது பெற நாம் எல்லோரும் வாழ்த்துவோம்.