கோபுர வாசலிலே - ஸ்ரீரங்கம் 4

இந்தப் பதிவின் தொடர்ச்சியைப் போட பல மாதங்கள் ஆகிவிட்டதால், இங்குள்ள படங்களின் குறிப்புகள் புரிந்து கொள்ள என்றால் இதற்கு முந்தைய பகுதியை ஜஸ்ட் ஒரு பார்வை பார்த்தால் அதன் தொடர்ச்சி இது என்று அறியலாம்.  உங்கள் விருப்பம். இதுதான் கோபுர வாசலிலே - ஸ்ரீரங்கம் கோயிலின் புகைப்படங்களின் கடைசிப் பகுதி. வேறு சில கோபுரங்கள் பின்னர் தருகிறேன். 

இந்த இரண்டும் ஒரே போல் தோன்றினாலும் வேறு வேறு. முதல் பிராகரத்தின் அடுத்து இருப்பது இந்த இரண்டாவது மண்டபம். அங்கு ஒரு சன்னதி உண்டு ஆனால் என்ன சன்னதி என்று தெரியவில்லை. ஓவர் டு கீதாக்கா, வெங்கட்ஜி, பானுக்கா, அனு.

இந்த இடம் மண்டபங்களின் வழி சுற்றி வரும் போது போகிற போக்கில் ஒரு க்ளிக்.

கீழே உள்ள மண்டபம் இருக்கும் பரந்த வெளியில் இருக்கும் இவ்வழியே தான் சென்றோம் அப்போது இந்த சன்னதி இருக்கும் இந்த மண்டபத்தை கடந்து சென்றதும் அதை இந்த ஆங்கிளில் ஒரு க்ளிக். இதன் வேறு ஆங்கிள் படங்கள் முந்தையப் பகுதியில் இருக்கிறது. கோதண்ட ராமர் சன்னதி இங்கிருப்பது என்று அனு முந்தைய பதிவில் சொல்லியிருந்தார். (நான் அங்கு நிற்கவில்லை என்பதால் அது படத்தில் வரவில்லை)

அங்கிருந்த பரந்த வெளியில் இருக்கும் இந்த மண்டபங்களின் கலை அழகு.

இந்த இந்த பரந்த வெளி மண்டபங்களைக் கடந்து வலது புறம் சென்றால் தெரிகிறதா நிறைய தூண்கள் இடைவெளியுடன்? இவை ரங்கவிலாச மண்டபம் என்று நினைக்கிறேன்... ....அவை கீழே இன்னும் க்ளோசப்பில்..

இந்த மூன்று படங்களும் ரங்கவிலாச மண்டபம் என்று நினைக்கிறேன். பக்தர்கள் அமர்ந்து ஓய்வெடுக்கக் கட்டியதாகச் சொல்லப்படுகிறது. அங்கு சிலர் நல்ல உறக்கம். சிலர் அமர்ந்திருக்க. கூடியவரை அவர்கள் இல்லாத பகுதியை எடுத்தேன்.

அந்த மண்டபம் கடந்து வெளியில் செல்ல அப்படியே சென்ற போது இந்த மண்டபம். இதில் ஒவ்வொரு தூணும் அழகு. இந்த மண்டபம் தூண்கள் அத்தனை அழகு. மேலே தளத்தில் நிறைய கலர் கலராகச் சித்திரம் இருந்தன. எடுக்க முடியவில்லை. 

அந்த மண்டபத்தில் இது சன்னதி என்று தெரியவில்லை. முன்பக்கமும் செல்லவில்லை. ஆனால் இது கண்ணில் பட்டதும்....அதன் சுவர் மிக அழகு உடனே நின்று  க்ளிக்.  இதைக் கடந்து வெளியில் சென்றால் இதோ கீழே உள்ள இடம். இந்த மூன்று படங்களையும் நான் எடுக்கும் சமயத்திலேயே என்னுடன் வந்தவர்கள் முன்னே சென்றுவிட எப்படிச் செல்ல வேண்டும் என்று நான் திருதிரு...பின்னர் ஒரு ஊகத்தில் வேகமாய் நடக்க பார்த்துவிட்டேன் என்னுடன் வந்தவர்களை....

இதில் நேரே தெரிவது  நாயக்கர் ராஜா ராணி என்றுதான் நினைக்கிறேன். அருகில் சென்று எடுக்க வில்லை. எனவே சரியாகத் தெரியவில்லை. ஏனென்றால் இங்கு நான் நின்று எடுத்த இடத்தில் தான் என் பின்புறம் பிரசாத ஸ்டால். வாங்குகிறார்களா இல்லை டக்கென்று நகர்ந்துவிடுவார்களோ என்று அருகில் சென்று எடுக்காமல் விட்டுவிட்டேன்.  இத்தனைக்கும் கல்யாணச் சத்திரத்தில் மதிய உணவு சாப்பிட்டுக் கிளம்ப வேண்டும் இருந்தாலும் புளியோதரையும், தயிர்சாதமும் கொஞ்சம் வாங்கினார்கள். வாங்கி எல்லோரும் கொஞ்சம் பகிர்ந்து கொண்டு வெளியில் வந்து சத்திரம் நோக்கி நடந்தோம்.  அருகில் சென்று எடுக்க முடியாமல் போனதே என்று இப்போது இங்கு பகிரும் போது ரொம்பவே தோன்றுகிறது. 

அடுத்த பதிவில் சந்திப்போம். இப்பதிவில் உங்களுக்குத் தெரிந்த மேலதிகத் தகவல்களை பகிர்ந்து கொள்ளுங்கள்.  எல்லோரும் தெரிந்து கொள்ளலாமே! 

-----கீதா