எனது மூன்றாவது விழியின் பார்வையிலே - 26 - லால்பாக் மலர் கண்காட்சி - 2023 - 3

இந்த வருடத்து லால்பாக் மலர் கண்காட்சி சென்று வந்ததும் சுடச் சுடப் போட்டுவிட நானே என்னைப் பார்த்து மயங்கிட இரண்டாவது பதிவு தாமதித்தது அதன் பின் மீண்டும் 3 வது பதிவு போட தாமதம். காரணம் படங்கள் காணொளிகளை அடுக்கிக் கோர்க்க. இடையில் ஒத்தி வைக்கப்பட்டிருந்த பெங்களூர் சாப்பாட்டு நகரம்னு எழுதி திசை மாறியது. துளசியின் பதிவுகள், எனக்கு வேலைப்பளு, பயணம் என்று போக, மீண்டும் மனம் தேங்கியது.  

சாப்பாட்டு நகரம்னு அதைப் பற்றியே வந்து கொண்டிருந்தால் போரடித்துவிடுமே, அடடா, லால்பாக் மலர் கண்காட்சி தொடர் அப்படியே நிக்குதேன்னு இதோ மீண்டும் தூசி தட்டி....கொஞ்சம் கலர்ஃபுல்லாகப் பகிரலாம் என்று அதன் தொடர்ச்சி.

மூன்றாவது பகுதிக்கு இடையில் இடைவெளி கூடிவிட்டதால் ஒரு சின்ன Recap! ற்கான சுட்டிகள் இங்கே பகுதி 1 - பகுதி 2 

பூங்காவில் பல இடங்களில் செடிகளில், மரங்களில் பல வித வடிவங்கள் உருவங்களை வடிவமைத்திருந்ததோடு இடையில் பூச்செடிகள் விற்க என்று சில பண்ணைகள் தனியாகவும் கூடாரங்கள் போட்டிருந்தன. அவை அடுத்த பகுதியில் என்று சொல்லியிருந்தேன்.  அவற்றில் சில இப்பதிவில்.

வரிசையாகப் பார்த்துக் கொண்டே சென்றதைத்தான் ஒவ்வொரு பதிவிலும் சொல்லி வருகிறேன். இப்பகுதியில் விற்பனைக்கு வந்திருந்த பண்ணைகளைப் பார்த்துக் கொண்டே நடந்த போது எடுத்த படங்கள் காணொளிகளின் கோர்வையில் ஒரு பகுதி இன்று. மற்றவை அடுத்த ஓரிரு பதிவுகளில் தொடரும். அதன் பின் பூங்காவில் செய்திருந்த சில வடிவங்கள் இறுதியில். 

ஓரிரு பண்ணைகள் கூடாரம் போடாமல் அப்படியே வைத்திருந்தன. அப்படியான ஒரு பண்ணையின் படங்கள் முதலில் அதன் பின் கூடாரங்களில் இருந்த பூத்தொட்டிகளின் படங்கள் சில.

இப்படித் தட்டியில், படரும் செடிகள் வைத்து அலங்கரித்து முகப்பில். அதாவது இதுதான் நுழைவு என்று சொல்வது போல் இப்பண்ணையின் பெயருடன் இருந்த தட்டி. நான் பெயர் இல்லாமல் எடுத்தேன். 

கூடாரம் போடாமல் விற்பனைக்குத் திறந்த வெளியில் பூச்செடி தொட்டிகளாலேயே தங்கள் இடத்தின் எல்லையைஅரண் அமைத்துக் கொண்டு அதன் உள்ளே சுற்றிப் பார்த்து வாங்குவதற்காக பாதைக்கு இடம் விட்டு வரிசையாகத் தரையில் அடுக்கி வைத்திருந்த ஒரு பண்ணை 

****************************

கூடாரத்திற்குள் 

இப்படி வைக்கப்பட்டிருந்தவை அபூர்வ மலர்கள் என்றெல்லாம் சொல்வதற்கில்லை. நீங்கள் வழக்கமாகப் பார்க்கக் கூடியவைதான்.

இப்படி விற்பனைக்கு வைக்கப்பட்டவைகளில் தனியாக மருத்துவ குணமுள்ள மரங்கள், பழ மரங்கள் என்று ஒரு திறந்த வெளி விற்பனையும், மற்றும் வித விதமான கள்ளிச் செடிகள் கூடாரமும் ஒரு பதிவில் பகிர்கிறேன். 

பதிவுகளைப் பார்ப்பவர்கள், கருத்து சொல்பவர்கள் அனைவருக்கும் மிக்க நன்றி. அடுத்த பதிவில் சந்திப்போம்!

Friends, like flowers, make life more beautiful!

- Michele Farabee

சிறிய காணொளிதான் முடிந்தால் பாருங்கள்

https://youtu.be/qaB-6whD94M

-------கீதா