எனது மூன்றாவது விழியின் பார்வையிலே - 24 - லால்பாக் மலர் கண்காட்சி - 2023 - 1

நுழைவு வாயிலின் வெளியில் சந்திப்பு + சிக்னல் இருக்கும் இந்த இடத்தில் இப்படியான பூச்சாடி வடிவங்கள் சாலையின்   நான்கு மூலைகளிலும் வைச்சிருக்காங்க. இன்னும் மெருகூட்டி அழகுபடுத்துவாங்க என்று தோன்றுகிறது. திறந்து வைச்சா உள்ளுக்குள்ள குப்பை, பூச்சி எல்லாம் குடிபுகாதோ!

வடக்கு நுழைவு வாயில்

மலர் கண்காட்சி பாக்க வாங்க வாங்க! வரிசையா வாங்க! இந்த வருடத்து – 2023 – சுதந்திர தின லால்பாக் மலர் கண்காட்சியில் எடுத்த படங்களுடன் சுறு சுறுப்பா வந்துவிட்டேன் பாருங்க! ஆனா, இதுக்கு முன்ன போன இடங்கள், படங்கள் அதெல்லாம் என்னச்சு? இருங்க அது ஒரு கூட்டம் இருக்கு. வரும்…வரும்….அதுல நிறைய தொகுக்க வேண்டியவை இருக்கின்றன. அதனால் நேரம் எடுக்கிறது.

சென்ற ஞாயிறு லால்பாக் மலர் கண்காட்சி கூட்டத்தில் நாங்களும் கலந்தோம். கலக்கலைனா எனக்கு இருப்பு கொள்ளாதே! நம்ம வீட்டவரும் வரார் என்றதும் நெல்லையும் அவர் மனைவியும் (அதான் அவர் ஹஸ்பண்டும்) அங்கு ஆஜர். கொஞ்ச நேரம் அங்கு பேசி சந்தோஷித்துவிட்டு (ஆற அமர எல்லாம் இல்லை அப்படியே நின்று கொண்டு) நெல்லை, இனிப்பு டப்பா கொடுக்க – நெல்லைனாலே ஸ்வீட்டுதானே நினைவுக்கு வரும்! ஊர் நெல்லைய சொன்னேன் -  நான் அவர்களுக்கு எதுவுமே கொண்டு போகலை!!! விடை பெற்ற பிறகு, அப்புறம் நாங்கள் அங்கு ஒரு 2 மணி நேரம் சுற்றிவிட்டு வீட்டிற்கு வழக்கம் போல் காஃபி நேரத்திற்கு வந்தாச்சு.

நாங்கள் வடக்கு வாயில் வழியாகத்தான் செல்வது வழக்கம். இந்த வாயிலின் நேரேதான் பெரிய மடிப்புப் பாறை இருக்கும். அந்தப் படம் எல்லாம் ஏற்கனவே போட்டாச்சு. அந்த வாயில் மற்றும் இதன் அருகே உள்ள கண்ணாடி மாளிகைக்குச் செல்லும் பகுதியில்தான் எல்லாக் கண்காட்சிகளும் நடைபெறுவது வழக்கம் என்பதால்.  

சென்ற வருடம்தான் என் வாழ்நாளிலேயே முதன் முறையாக மலர் கண்காட்சியைப் பார்க்கும் வாய்ப்பு. இந்த வருடம் இரண்டாவது முறையாக. சென்ற வருடத்திற்கும் இந்த வருடத்திற்கும் நிறைய வித்தியாசங்கள். சென்ற வருடமும் சரி இந்த வருடமும் சரி, நாங்கள் கண்ணாடி மாளிகைக்குள் மலர்களால் வடிவமைக்கப்படும் வடிவங்களைப் பார்க்கவில்லை. அந்தப் பெரிய்ய்ய்ய்ய வரிசை கூட்டத்துல யாரு நிக்கறது. வேலைக்காவாது.

எனக்கு அதைப் பார்ப்பதிலும் ஆர்வம் இல்லை. அதை விட வெளிப்புறத்தில் பூந்தொட்டிகளை ஆங்காங்கே அடுக்கி அமைத்திருப்பதையும், பழைய மரங்களில் செதுக்கியிருக்கும் சிற்பங்களும் அதைச் சுற்றி அடுக்கியிருக்கும் மலர் தொட்டிகளையும் செடிகளையும் பார்ப்பது ரொம்பப் பிடிக்கும். புதுசா நிறைய சிற்பங்கள். சென்ற முறையை விட இந்த முறை பல இடங்களிலும் மரங்களைச் சுற்றியும் ஆங்காங்கே தொட்டிகளிலும் பூச்செடிகள் அழகாக அடுக்கி வைத்திருந்தாங்க. இவை விற்பனைக்கல்ல.  

விற்பனைக்கானவை தனியாகப் பூச்செடி, மரக்கன்று, காட்டில் வளர்க்கப்படும் மூலிகை மரங்கள் என்று பண்ணைகள் கூடாரம் போட்டும், கூடாரம் போடாமல் ஒரு குறிப்பிட்ட பகுதிக்குள் திறந்த வெளி மர நிழலிலும் என்று விற்பனை செய்தாங்க. மூலிகையாகப் பயன்படும் உலர் பூக்கள் பற்றியும் ஒரு விழிப்புணர்வு கண்காட்சி இருந்தது. ஒவ்வொன்றாகப் படங்களுடன் வருகிறேன்.

நுழைவுச் சீட்டு பெரியவர்கள் ஒருவருக்கு ரூ 80. Camera Prohibited என்று அறிவிப்பு இருந்தது. நல்ல காலம் நான் கேமரா எடுத்துச் செல்லவில்லை. லால்பாகிற்குள் டிஜிட்டல் கேமராவுக்குத் தடை. மொபைலை அனுமதித்தார்கள். இதுதான் எனக்குப் புரியவில்லை.  சரி விடுங்க! எனக்கு மகிழ்ச்சி.

பூக்களால் வடிவமைக்கப்பட்டிருந்த விதான் சௌதா அலங்காரம் இருந்த அந்தக் கண்ணாடி அறைக்கு நின்ன வரிசை ஆஆவ்! பலரும் மொபைலைத் தூக்கிப் பிடிச்சிட்டு க்ளிக்கிட்டிருந்ததைப் பார்க்க முடிந்தது. பின்ன அப்படி ஒரு கூட்டம்! நாங்கள்தான் அதுக்குள் போகலையே! இந்த இடத்தில்தான் பூச்செடி நர்சரிகள், பண்ணைகளின் விற்பனைக் கூடாரங்கள். ஓரிரு பூச்செடி நர்சரிகள் அங்கு படம் எடுக்க – மொபைலிலும் - அனுமதிக்கவில்லை. மற்றபடி பல பூச்செடி விற்பனைக் கூடாரங்களிலும், வெளியிலும் படங்கள் எடுத்தப்ப எதுவும் சொல்லவில்லை. டபுள் டமாக்கா! பின்ன மொபைல் இருந்தா கை பரபரக்காதோ!!!

ஹான் சொல்ல விட்டுப் போச்சே! மலர் கண்காட்சியா தீனிக்கடைக் காட்சியான்னு சந்தேகம் வந்துவிட்டது. கூட்டமோ கூட்டம் பாருங்க!! கூடவே திருவிழால போடறாப்ல விளம்பரங்கள், விற்பனைக் கடைகள் வேற அமோகம் போங்க!

80 வயதான நீலகிரி/யூகாலிப்டஸ் மரத்தில் வரவேற்புச் சிற்பம் அதைச் சுற்றிலும் அழகாக அடுக்கப்பட்ட மலர்க் கூட்டம்- WELCOME SCULPTURE.

  

சிறிய காணொளி - வரவேற்புச் சிற்பமும் சுற்றி மலர்க்கூட்டமும்

https://youtube.com/shorts/a61NmbzC5dM

நுழைந்ததும் ஆங்காங்கே ஒவ்வொரு மூலையிலும், செதுக்கப்பட்ட சிற்பங்களின் அருகிலும் சுற்றியும் அலங்கரிக்கப்பட்டு இருந்ததைக் க்ளிக்காம இருக்க முடியுமா எனக்கு? கை துறு துறு!! எடுத்த படங்கள் காணொளிகள் இந்தப் பதிவில் பகிர்கிறேன். அப்படியே சுற்றி நடந்து சென்ற போது ஆங்காங்கே எடுத்தவற்றை அடுத்தடுத்த பதிவுகளாக இடையிடையே பகிர்கிறேன். ஹப்பா! ஆசுவாசம்! 

வாயில் வழி நுழைந்து கொஞ்சம் நடந்து வலப்புறம் திரும்பினால் அங்கு பொன்சாய் தோட்டம். அந்த நுழைவு வாயிலின் முன் ஒரு புறத்தில் இப்படி அடுக்கி அழகுபடுத்தியிருந்தாங்க. பூக்களின் பெயர் கீழே 

எல்லாமே ஒரே குடும்பம் ஒண்ணுக்குள்ள ஒண்ணு உறவு. கலர் கலராய். பிரிச்சா அதுங்களுக்கு வருத்தமாகிடுமேன்னு எல்லாத்தையும் ஒண்ணா போட்டாச்சு ஸ்பீக்கர் போல இருக்கு இல்லையா! என்ன அழகு. க்ளிக்கித் தள்ளிட்டேன்.

இங்க மேலிருந்து இந்தப் படம் வரை உள்ள பூக்கள் - ALCEA ROSEA MIXED (HOLLYHOCKS/MALLOW)

 

https://youtube.com/shorts/-vKY9Aa5fGs

காணொளில கொத்தா கூட்டமா பார்க்கலாம்

******************

இது TORENIA - WISHBONE FLOWER

FOLK SCULPTURE - நாட்டுப்புறக் கலைச்சிற்பம் – 80 வயது நாவப்பழமரத்துல

https://youtube.com/shorts/lQRQMYK3MTg

------கீதா