கடம்போடுவாழ்வு - 5

இன்று உலக புவி தினமாம். பூமியின் சுற்றுச்சூழல் முக்கியத்துவத்தை வலியுறுத்தியும், பூமி மாசடைவதைத் தடுக்கவும்......அட போங்கப்பா. சும்மா கூவிக்கிட்டு! இதுக்கு ஒரு தினம்னு கொண்டாடிக்கிட்டு.....இதுவரை என்ன மாற்றம் நடந்தது? என்ன மாசுக்கட்டுப்பாடு? புகை கூடியுள்ளது. வீடுகள், கட்டிடங்கள் பெருகி உள்ளன. அப்புறம் எதற்கோ....அட போங்கப்பா..!

பூமியைக் காப்போம், இயற்கையைக் காப்போம் என்று சொல்லப்போவதில்லை. சொல்லுவதால் எதுவும் மாறப் போவதில்லை. நம்மால் எதுவும் இல்லாமல் இருக்க முடிவதில்லை. அடுத்து, நாம் சொல்லுகிறோமே நாம் ஏதாவது அதற்கு முயற்சி எடுத்தோமா என்று நினைத்துப் பார்த்த போது, நாமும் ஒன்றும் அதற்காக எந்த முயற்சியும் எடுக்கவில்லை, உண்மையைச் சொல்லப்போனால் பூமியின் இயற்கை அழிவதற்கும், கிரீன் ஹவுஸ் விளைவிற்கும், சுற்றுச் சூழல் மாசடவைதற்கும் நாமும் ஒரு காரணம்தானே.  

காரணமாக இருந்துகொண்டு காப்போம் என்று சொல்வது நியாயமில்லையே! ஊரார்க்கு உபதேசம்! எனவே சொல்லப் போவதில்லை. பூமிக்குத் தேவையானவை, நாமும் நம் எதிர்காலச் சந்ததியினரும் வளமாக, ஆரோக்கியமாக வாழத் தேவையானவை....

 

கடம்போடுவாழ்வில் ஐயனார், சுடலை ஆண்டவர் கோயில்கள்தான்.  எட்டெழுத்து பெருமாள் கோயில் என்று இருக்கிறது. பெருமாள் இருக்கிறார். அவ்வளவே. நான் படம் எடுத்தேன் ஆனால் சரியாக வரவில்லை. 

இது கடம்போடுவாழ்வு - வடக்குப்பகுதிக்குச் செல்லும் பாதை. சுற்றிலும் பசுமை பசுமைதான்.  சித்திப்பாட்டி வீட்டிலிருந்து அரைக்கிலோமீட்டர். அப்படிப் போகும் போது எடுத்தப் படங்கள்தான். 

வாழையின் இடையே ஆரைக்கீரை (ஆலக் கீரை, ஆராக்கீரை. ஆங்கிலத்தில் European water clover) கொத்துக் கொத்தாக வளர்ந்திருந்தது.  (இங்கு நம் வீட்டில் இருக்கும் குளியல் அறை அளவே இருக்கும் மண்ணில் நிறைய கொத்து கொத்தாக, தோட்டம் போன்று வளர்ந்திருந்தது. கஷாயம் செய்தும் குடித்தோம். கீரை செய்யும் போது சேர்த்தும் செய்தேன்) இது மழைக்காலத்தில், ஆற்றின் ஓரங்களில், தண்ணீர் இருக்கும் பகுதிகளில் நிறைய வளரும் நீர்த்தாவரம். நிறைய மருத்துவ பயனுள்ள கீரை. இதைப் பற்றித் தெரிந்து கொள்ள இணையக் களஞ்சியத்தில் தேடித் தெரிந்து கொள்ளலாம் என்பதால் இங்கு சொல்லவில்லை.

வடக்கூரில் உள்ள மிகப் பெரிய குளம். பாசனத்திற்கு உதவும் குளம். இந்த ஊரில் நிறைய குளங்கள், வாய்க்கால்கள் இருக்கின்றன. 

இந்தச் செடியும் தோட்டம் போல வளர்ந்திருந்தது. இது என்ன என்று கேட்க நினைத்தேன் அங்கு யாரும் இல்லாததால் அப்புறம் கேட்டுக் கொள்ளலாம் என்று படம் எடுத்துக் கொண்டு வந்து கேட்டால் யாருக்கும் பெயர் என்ன என்று தெரியவில்லை. கூகுளில் கேட்டால் அதுவும் சரியாகக் காட்டவில்லை.  இதோ கீழே இன்னும் நன்றாகத் தெரியும் படி க்ராப் செய்து படம் போட்டிருக்கிறேன்.

இது என்ன செடி என்று உங்களில் யாருக்கேனும் தெரிந்தால் சொல்லுங்கள்.

குளத்தில் வளர்திருக்கும் செடிகளின் மீது கொக்குகள் ஏதோ மலர் மொட்டுகள் போல உட்கார்ந்திருக்கின்றன

இருந்த நாலு நாட்களில் இரு நாட்கள் மழை கொட்டித் தீர்த்தது. கடம்போடுவாழ்வு அடுத்த பதிவில் இன்னும் மழைப்படங்கள் மற்றும் வேறு சில படங்களுடன் நிறைவடையும்.

இதுவும் நாரைகள் பறக்கும் வீடியோதான். ஒரு விவசாயி நடந்து போய்க்கொண்டிருப்பார். 

https://youtu.be/TCZpOu8PWKY 

இதுவும் ஒரு சின்ன காணொளி - குளத்தில் வாத்துகள்

https://youtu.be/3HP2oraJ8b8

பதிவில் இருக்கும் படங்களோடு சேர்த்து கொடுக்காத படங்களின் காணொளித் தொகுப்பு 

https://youtu.be/_azcnfOPhfg

அடுத்த பதிவில் சந்திப்போம்!! சென்ற பதிவைப் பார்த்த, கருத்திட்ட அனைவருக்கும் நன்றியுடன்!

-----கீதா

(ஆங்கில இலக்கணம்  உதாரணங்களுடன் தமிழிலும், மலையாளத்திலும் விளக்கி, துளசி வீடியோக்கள் வெளியிடுகிறார்(றோம்). கூடவே குறிப்புகளும். யாருக்கேனும் பயன்படுமானால் பார்த்துக் கற்றுக் கொள்ளலாம்.  பயன்படுபவர்களுக்கு நீங்கள் சொல்லலாம்.)