சில்லு சில்லாய் – 10 - இயற்கையும் செயற்கையும்

 

(Reed Bed) நாணல்/சம்பு நீர்த்தாவர படுகை - செயற்கை நாணல்/நீர்த்தாவர படுகை

இயற்கையான Reed Bed - சம்பு - நீர்த்தாவரம் - சம்பு தாவரப்படுகை. இதைப் பற்றி விரிவாக அடுத்த பதிவில் வரும்

இயற்கையான படுகை

https://youtu.be/HwLa4JVyWd0

வீட்டருகில் இருக்கும் ஏரியில் இந்த நீர்த்தாவரப்படுகையின் ஒரு சிறிய பகுதி நகரத் தொடங்கியது. காணொளியில் பார்த்தால் தெரியும். அதைப் பார்த்ததும் என் மனதில் ஒரு கற்பனை. 

நாம் ஒரு தீவில் வசிக்கிறோம். அத்தீவில் நாம் வசிக்கும் பகுதி திடீரென்று நகரத் தொடங்கினால் எப்படி இருக்கும்?!!!! விரிந்த கற்பனையில் மலர்ந்தவை தொடுக்கப்பட்டுக் கொண்டிருக்கிறது! இயற்கையில் தான் எத்தனை விந்தைகள்!

இப்படியான வேறொரு படுகை நகரத் தொடங்கிய போது அதில் கூடு கட்டி இனப்பெருக்கம் செய்திருக்கும் பறவைகள் என்ன செய்தன என்பதைக் கண்ட போது என் கற்பனை இன்னும் விரிந்தது. 

அப்பறவைகளின் Reaction காணொளியுடனும், படங்களுடனும் விரைவில் வரும். இந்த நீர்த்தாவர படுகை பற்றியும், செயற்கையாக உருவாக்கப்படுகின்ற செயற்கை நாணல் படுகை பற்றிய தகவல்கள்களுடனும்  வரும். பதிவு ஓரளவு தயாராக இருந்தாலும், இப்பதிவு பெரிதானதால் அதைச் சேர்க்கவில்லை. 

Stay Tuned to our posts!

சில்லு - 2 - பெய் எனப் பெய்யும் மழை!

இது வள்ளுவர் தாத்தா சொன்ன மழை அல்ல!

வறண்ட மேகங்கள் 

மழையை பிரசவிக்கமுடியாத

மலட்டு மேகங்கள்

விடை பெற்றன

மனத் தாங்கலோடு..

அடுத்து

வந்த

சூரியன்

கடுத்து நோக்கினான்

வனமழித்து, மணல் விற்ற

உலகை...  [மீள்]

-------எங்கள் ப்ளாக் ஸ்ரீராம்

நம் எங்கள் ப்ளாக் ஸ்ரீராமின் வியாழன் பதிவில் அவர் எழுதியிருந்த கவிதையில் கற்பனையைப் பாருங்கள்! எப்படியான கற்பனை! நான் மிகவும் ரசித்தேன். இது வேதனை, ஆதங்கத்தின் வெளிப்பாடு.

இந்த ஆதங்க கற்பனைக்கு ஆபத்தான பதிலை அறிவியல் உலகம் கொடுத்து 50 வருடங்கள் ஆகிறது!

ஆமாம்! எப்படி செயற்கைக் கருத்தரிப்போ அது போல  செயற்கை மழையும் உருவாக்கப்படுகிறது!

செயற்கை மழை என்றதும் செயற்கையாக மேகத்தை உருவாக்கி மழையைத் தருவிப்பது அல்ல. எங்கு மழை பெய்ய வேண்டும் என்று நாம் நினைக்கிறோமோ அந்த இடத்திற்கு நேர் மேலே, வளி மண்டலத்தில் இருக்கும் மேகங்கள் வரும் போது, வேதிப்பொருட்களை தூவி மழை மேகங்களாக்கி மழையைத் தருவிப்பதாகும். இதுதான் Cloud Seeding. தமிழில் மேக விதைப்பு. இப்படி உருவாக்குவது 50 ஆண்டுகளுக்கு முன்னிருந்து நடைபெறுகிறதாம்.

இதில் மூன்று படி நிலைகள் இருக்கின்றன. 1. காற்றழுத்தத்தை உருவாக்குதல் 2. மழை மேகங்களைத் திரட்டுதல் 3. மழை மேகங்களைக் குளிரச் செய்தல். (நன்றி - கூகுள்)

ஸ்ரீராமின் கவிதைக்கு வருகிறேன். மனிதர்களின் சுயநலம் பூமியை வறளச் செய்யும் போது மேகம் எப்படி மழையைச் சுமந்து வரும்? சூரியனுக்குக் கோபம்! சுட்டெரிக்கிறான். பூஜ்ஜியம் டிகிரி வெப்ப நிலைக்கு மேல் இருக்கும் வெப்பமான மேகங்கள் மழையை உருவாக்குவதில்லை. எனவே அவற்றின் மீது சில்வர் அயோடைட் மற்றும் உலர் பனிக்கட்டிகளைத் தூவி மேகங்களைக் குளிரச் செய்து நீர் பனிக்கட்டியாகிட அதிக அடர்த்தியைத் தாங்காமல் உடைந்து வானிலையில் ஏற்படும் வெப்ப மாற்றத்தினால் பனிகட்டியானது நீராகி மழையாகப் பெய்கிறது.

சில நேரங்களில் திரண்டு வரும் கார்மேகங்கள் நிறைமாத கர்ப்பிணியாய் இதோ இப்போது மழையை பிரசவித்து பரவசம் தரப் போகிறது என்று நாம் எதிர்பார்த்திருக்க அதுவோ, “இங்கு பிரசவித்தால் இவர்கள் எங்கே பாதுகாக்கப் போகிறார்கள்” என்று நகர்ந்து சென்று தன் பிறந்த வீட்டில் – அட! கடல்தாங்க – பிரசவித்துவிடும்!

சில சமயம் பொழியாமல் அப்படியே நிற்கும். காரணம் மேகங்கள் அதிகளவு குளிரடைந்திருப்பதால் இந்த நிலை உருவாகிறதாம். இந்த நிலையில் செயற்கை மழை உருவாக்கம் முறையின் மூன்றாம் நிலையை  மட்டும் பயன்படுத்தி மழையை உருவாக்க முடியுமாம். சிறிய விமானம் மூலம் வெள்ளி அயோடைடு மற்றும் உலர் பனியை தூவினால் குளிரடைந்த நிலை கலைக்கப்பட்டு மழை பெய்யத் தொடங்கி விடும்.

முதலில் அமெரிக்க வேதியியல் விஞ்ஞானி செயற்கை மழை உருவாக்கத்தைக் கண்டுபிடித்து அவருக்குப் பின் வந்த விஞ்ஞானிகள் படிப்படியாக மேம்படுத்தி வெற்றியடைய, சீனாவுக்குப் பொறுக்குமா? சீன நிபுணர் சாங் சியாங் குழுவினர் நவீன முறையில் செயற்கை மழையை தருவித்து சாதனை படைத்தனராம். இன்றளவும் செயற்கை மழை உருவாக்கத்தில் சீனா நாடு முன்னணி வகிக்கிறது! போட்டி போட்டு சீனா முன்னாடி நிக்கும்ன்றது தெரிஞ்சதுதானே! வியப்பொன்றுமில்லை.

Artificial rain eases Asia's drought என்று செய்திகளும் பார்க்க நேர்ந்தது.

As a heat wave pushes temperatures up to nearly 50 C, a recent video released by the United Arab Emirates shows a city in the arid nation lashed by torrential rain -- the result of a national cloud-seeding operation.

The program seen in the video, which was reported by the U.K.-based Independent newspaper, is just one example of emerging economies, particularly China, making their own weather to address the threat posed by droughts and other extreme events made more likely by climate change.

இந்தியாவிலும் நாக்பூர், சோலாப்பூர், ஹைதராபாத், அஹமதாபாத், ஜோத்பூர் மற்றும் சமீபத்தில் வாரணாசி போன்ற இடங்களில் செயற்கை மழையை உருவாக்கி 60-70 சதவிகிதம் வெற்றி பெற்றிருப்பதாகச் செய்தி. கூடவே தில்லி, ஹரியானா பகுதிகளில் காற்றின் மாசுக்கட்டுப்பாட்டிற்காகச் செயற்கை மழையை உருவாக்கி காற்றிலுள்ள நச்சுத் தன்மையை அகற்ற வேண்டுகோள்கள் விடுக்கப்பட்டு, யோசனைகளும் வழங்கப்படுகின்றதாம்.

முன்பெல்லாம் மழை நாட்களில் வீட்டின் முற்றத்தில் பானைகள், அண்டாக்களை வைத்துப் பிடிப்பது வழக்கம். மழைத்தண்ணீர் சுத்தமானது என்று. செயற்கை மழை உருவாக்கம் மிகுந்தால் நான், நெல்லை எல்லாம் எப்படி நனைந்து களிப்பதாம்! காற்றில் நச்சை நீக்கத் தண்ணீரில் நச்சா!! ஆண்டவா லோகத்தை ரட்சிக்கு!

இதைப் பற்றி இங்கு அதிகம் சொல்லவில்லை. வேறு ஒரு வடிவத்தில். கொஞ்சம் ஆராய்ச்சி தேவை. இயற்கையை வென்றுவிட்டதாக மனிதன் நினைக்கலாம்....ஆனால் உலகை அழிவுப் பாதைக்கு இட்டுச் செல்கிறான் மனிதன் என்பதில் ஐயமில்லை.

------கீதா