ரங்கனதிட்டு பறவைகள் சரணாலயம் - ஸ்ரீரங்கப்பட்டினம் கோயில் - பயணம் - 8

சலீம் அலி மையம் - பார்ப்பதற்கு முன்னர் ஒரு விஷயம் 

நம்ம நெல்லையும் (நெல்லை என்னைக் கலாய்த்தது நம்மவீட்டவரின் பெயரை வைத்து என்று என் ஊகம்!!!!), ஸ்ரீராமும் “ரங்கன திட்டு” என்று ஏன் ரங்கன திட்டறீங்கன்னு கலாய்த்திருந்தார்கள்.

நானுமே கூட ஸ்ரீரங்கப்பட்டினம் கோவிலில் வரிசையில் நிற்கறப்ப சாமியிடம், “ஏனப்பா உங்க பக்கத்துலன்றதுனால இந்தப் பறவைகள் சரணாலயத்துக்கு உங்க பெயரை வைச்சுட்டு கூடவே திட்டுன்னு ஏன் உங்க ஊர் ஆட்கள் சொல்றாங்க? அப்படி இந்த மக்களுக்கு உங்க மேல என்ன கோபம்? இல்லை உங்க பாஸ் உங்களை இந்த இடத்தில் திட்டினாங்களா எதுக்காச்சும்!!? அப்படி ஏதும் புராணக்கதை இருக்கா” - ஒரு மைன்ட் வாய்ஸ்ல சாமிக்கு வாட்சப்நோட் அனுப்பினேன். திட்டு என்பதன் பொருள் உனக்குத் தெரியாதாக்கும், பெரிசா என்னவோ மேதாவி மாதிரி கேள்வி கேட்கற? என்றது என் மற்றொரு மைன்ட் வாய்ஸ்! கேள்வியும் நானே பதிலும் நானே!

ஒரு பளிச். இணையத்தில் போட்டுப் பார்ப்போம் ரங்கனதிட்டா இல்லை ரங்கனத்திட்டா என்று. ஆங்கிலத்தில் Ranganathittu. 

கன்னடத்தில் இருந்ததை எடுத்து கூகுளில் காப்பி பேஸ்ட் செய்து  தமிழில் என்ன சொல்கிறது என்று கேட்டேன். ரங்கனதிட்டு என்று ‘த்’ இல்லாமல் காட்டியதோடு, கன்னடத்திலும் ‘த்’ இல்லை. கன்னடத்தில் இருந்ததை ஆங்கிலத்தில் எப்படிச் சொல்கிறது என்று பார்த்தால், Ranganatittu என்றது. அடுத்து, ரங்கனத்திட்டு என்று தமிழில் போட்டுப் பார்த்தேன். விக்கியும் இந்தியா டைம்ஸும் ‘ரங்கநதிட்டு’ என்று காட்டின. ஆனால் தளங்கள், தமிழில் வரும் செய்தித்தாள்கள் உட்பட எல்லாமே ‘ரங்கனதிட்டு’ என்றே சொல்கின்றன. கர்நாடகா சுற்றுலாத் துறை உட்பட. அதுவும் ரங்கனதிட்டு என்று சேர்த்தேதான் காட்டியது கன்னடத்திலும், தமிழிலும். அதனால் நானும் ரங்கனதிட்டு என்றே எழுதினேன்.

சரி தமிழறிஞர்கள் சொல்லுங்கப்பா, ரங்கனத்திட்டு என்று எழுதணுமா? இல்லை, ரங்கநதிட்டு? ரங்கன திட்டு? சொன்னீங்கனா எல்லாவற்றிலும் மாற்றிவிட்டால் போச்சு!

பதிவுக்கு வருகிறேன். கடைசியாக என்ன பார்த்தோம்ன்றத சொல்லி முடித்தால்தானே இங்கிருந்து வெளியில் வந்து ஸ்ரீரங்கபப்ட்டினம் கோவிலுக்குப் போக முடியும் இல்லையா? கடைசியாகத் தண்ணியில்லா அருவியை பார்த்துவிட்டு, டிக்கெட் வாங்கிய முகப்பிற்கே வந்து அங்கிருந்த சலீம் அலி மையத்தைச் சும்மா ஒரு விசிட். ஓர் அறையில், இந்த இடத்தைப் பற்றிய தகவல்கள், இங்கு வரும் பறவைகள் முதலைகளின் பொம்மைகள், பறவைகள் பற்றிய குறிப்புகள், நாம் சுற்றுச் சூழலை, பறவைகளைப் பாதுகாக்க வேண்டும் போன்ற பரிந்துரைகள் தகவல் பலகைகளாக இருக்கின்றன. அவை எல்லாம் கீழே படங்களாகவும், காணொளியாகவும்.

https://www.youtube.com/watch?v=il3qHIqdVfY

சிறிய காணொளிதான். தகவல் மையம் முழுவதும் ஒரு சுற்று சுற்றி... 

நம்மைக் கொண்டு விட்ட ஆட்டோ ஓட்டுநர், நாங்கள் வெளியில் வர 15-20 நிமிடங்களுக்கு முன் அவரை அழைத்து சொல்லச் சொல்லியிருந்தார். அவர் பாண்டவபுராவிலிருந்து வருவதற்கு 20 நிமிடங்கள் ஆகும் என்பதால். நாங்கள், ‘தண்ணி’ காட்டிய அருவியின் அருகில் வந்ததுமே  அழைத்திருந்தோம். ஆனால் அவர் எடுக்கவில்லை. அதன் பின் தகவல் மையத்திலிருந்து வெளியில் வரும் போது அழைத்தோம். எடுத்தார். தன்னால் வர இயலாது, வேறொருவரை அனுப்புவதாகச் சொல்லி, வருவதற்கு 20 நிமிடங்கள் ஆகும் என்றும் சொன்னார்.

பார்க்கிங் பகுதியில் காத்திருந்தோம். அங்கு சின்ன சின்ன பறவைகளின் சத்தமும் பறவைகளும் இருந்தாலும், என் கேமரா மூச்சிழந்து விட்டதால் மொபைலில் ….ம்ஹூம் ஒன்றும் சிக்கவில்லை.

25 நிமிடங்களில் அந்தப் புதிய ஆட்டோக்காரரிடம் இருந்து அழைப்பு வந்தது. செக்போஸ்ட்டில் இருப்பதாகவும் அதைக் கடந்து உள்ளே வர ரூ 20 கேட்பதினால் அங்கே எங்களை வரச் சொன்னார். நமக்கென்ன, நடப்பதற்குக் கேட்கணுமா! அப்படி செக் போஸ்ட்டிற்கு நடந்த போது நுழைவு வாயிலின் வளைவின் உட்பக்கத்தை ஒரு க்ளிக். 

நுழைவு வாயிலின் வளைவின் உட்பக்கத்தை ஒரு க்ளிக்

வெளியில் வந்ததும் ஒரு புறம் வயல்களும் மறு புறம் தென்னந்தோப்புகளும் இடையிடையே பாக்கு மரங்களும் “வாவ்” போட வைத்தன. செக்போஸ்ட் நோக்கி நடந்து கொண்டே நம்ம கை தானியங்கியாக ஒரு ஃபோட்டோ வீடியோ ஷூட் நடத்தியது! இதோ கீழே.

காவிரிப்பகுதி என்பது பச்சையாகத் தெரிகிறது பாருங்க

https://youtube.com/shorts/0hviZSKUO1A

செக்போஸ்ட் நோக்கி நடந்து கொண்டே வீடியோ ஷூட்

சரணாலய பறவைகளுக்கும், சரணாலயத்திற்கும் டாட்டா பைபை சொல்லிவிட்டு செக்போஸ்டில் நம்மை அழைத்துச் செல்ல வந்திருந்த ஆட்டோவில் ஏறி, அடுத்து ஸ்ரீரங்கப்பட்டின கோவிலுக்குப் போகச் சொன்னோம். அடுத்த பதிவில், கோவிலின் சிற்பங்களின் படங்கள் போட்டு பதிவா இல்லை, வழியில் உள்ள ஓரிடத்தைப் பற்றிச் சொல்லலாமா இல்லை, அதை தனிப் பதிவாகப் போடலாமா, என்று இங்கி பிங்கி பாங்கி போட்டுப் பார்த்துக் கொண்டிருக்கிறேன்.

-----கீதா