எனது மூன்றாவது விழியின் பார்வையிலே - 23 - லால்பாக் மலர் கண்காட்சி - 4

ஆ அதுக்குள்ள இந்த வருட சுந்தந்திர தின மலர் கண்காட்சியா? இன்னும் இந்த வருஷத்துக் காட்சி தொடங்கலை...லால்பாகில் ஆகஸ்ட் மாதம் 4 ஆம் தேதி முதல் 15 ஆம் தேதி வரைன்னு செய்தி வந்தது அதெப்படி கீதாக்கும் மட்டும் Preview வா?!!! போன வருஷத்தையே போட்டு முடிக்கலை!! ஹிஹிஹி...இந்த வருடமும் செல்வதாக இருக்கிறேன். அதையும் க்ளிக்குவேனே அதைப் போடுவதற்குள் போன வருடம் எடுத்ததை போட்டு முடிச்சிடணுமே!!! (அதுவும் நெல்லை வந்து என்னைக் கலாய்ப்பாரே!!!!) இதோ அதன் முடிவுப் பகுதி. சட்டுபுட்டுன்னு நாளைக்குள்ள இன்று போட்டுட்டா கொஞ்சமாச்சும் தப்பிச்சேன்!!!! இதோ அந்தப் படங்கள்!

மேலே உள்ள படங்கள் ஒரே வகைதான் ஆர்கிட் மலர்கள். சென்ற பதிவிலும் பகிர்ந்திருக்கிறேன். எனக்கு இந்த நிறமும் மலரும் ரொம்பப் பிடித்திருந்தது எனவே நிறைய எடுத்தேன்!!

************

ரோஜா தோட்டத்தின் நடுவே இந்த மரம் வித்தியாசமாக இருந்ததால் ஒரு க்ளிக்! மரத்தை ஃபோக்கஸ்

MUSSAENDA ERYTHROPHYLLA

PURPLE OXALIS TRIANGULARIS - இதுவும் சாப்பிட உகந்தது என்று சொல்லப்படுகிறது

DAHLIA - டாலியா

பல வகைப் பூக்களின் கலவை

SALVIA

************

கீழே உள்ள படங்கள் - இப்படி பலவகை பூத்தொட்டிகளாலும், இலைகளாலும் அழகிய வடிவங்கள் செய்திருந்தார்கள் - இந்தப் படங்களில்  மழை பெய்வது தெரியும். முதலில் சிறியதாகத் தொடங்கி அப்புறம் வலுத்தது. குடை பிடித்துக் கொண்டே க்ளிக்கினேன்! நான் நனைஞ்சாலும் பரவால்ல என் மூன்றாவது விழி ஏற்கனவே டுபாக்கூர் அதைப் பாதுக்க வேண்டாமா!!

சறுக்குமரம் போல அல்லது ஒரு தொட்டியை சரிக்கறப்ப ஓர் அழகான நீளமான துணி விரிவது போல, அருவி வீழ்வது போல!! உங்கள் கற்பனையையும் சொல்லுங்களேன்

சிறு வயதில் நாம் விளையாடும் ஒரு விளயாட்டு இரு வரிசையில் நின்றுகொண்டு இப்படிக் கைகளை உயர்த்தி வளைவாகப் பிடித்திட  ஒருவர் பிடித்திருப்பவர்களின் மேல் படாமல் உள்ளே நுழைந்து வெளியே வர வேண்டும் அந்த விளையாட்டு நினைவுக்கு வந்தது

அழகிய மயில் வடிவங்கள் - இதிலும் கீழே உள்ள படங்களிலும் மழை பெய்வது தெரியும்.

இந்த வருடத்தின் THEME, முக்கியமாகக் கவரும் வகையில் இருக்கப் போவது 18 அடி உயரம், 18 அடி அகலம், 36 அடி நீளத்தில் 7.2 லட்சம் வெவ்வேறு வகை மலர்களால் உருவாகிக் கொண்டிருக்கும் விதான் சௌதா என்று சொல்லப்படுகிறது. அப்புறம் லால்பாக் கண்ணாடி மாளிகையின் வலது புறத்தில் "சிவபுர சௌதா" 3.48 லட்சம் (யம்மாடியோவ்!!!) சாமந்தி மலர்களால், ஒரு மலர் மாடலாக வடிவமைக்கப்படுகிறதாம். முழு நிகழ்விலும் 29 லட்சம் மலர்கள் இடம் பெருகின்றன என்பதும் செய்தி. 

ஆ ஆ! மொத்த செலவைக் கேட்கக் கூடாது. ஆனால் வரும் கூட்டம், அங்கு கடை போடுபவர்கள் மூலம் அதிகம் தொகை கிடைத்துவிடும் என்ற கணக்கு! அதற்குத்தானே அம்புட்டு மலர்களால் வடிவங்கள் அமைக்கிறாங்க. இல்லைனா சும்மா தொட்டிகள் விற்பனைனா வருவாங்களா என்ன? தீனிக் கடைகள், வாங்கும் மக்கள் குப்பைகள் போட்டு அழுக்கு பண்ணாம இருந்தா சரி! 

இக்பானா - IKEBANA, காய்கறி மற்றும் பழங்கள் செதுக்கி வடிவமைத்தல் (இது ஒரு கலை என்றாலும் எனக்கு இதில் உடன்பாடு கிடையாது!), புஷ்ப பாரதி, பொன்சாய், மற்றும் டச்சு இக்பனா - IKEBANA  வடிவங்கள் என்று போட்டிகளும் நடக்கவிருக்கிறது. நடத்துவது தோட்டக்கலைத் துறை.

லால்பாகில் காலியாக உள்ள 6 ஏக்கர் நிலத்தில் 132 வகையான, அரிய வகை அழிந்து வரும் நிலையில் உள்ள மரக்கன்றுகளை நட்டு மேற்குத் தொடர்சி மலையில் உள்ள மர வகைகளைப் பாதுகாக்க தோட்டக்கலைத் துறை நடவடிக்கை எடுத்துள்ளது. உருப்படியான மிக நல்ல விஷயம்.

இதை எல்லாம் நேரில் பார்த்து புகைப்படங்கள், காணொளிகள் எடுத்து நான் பெற்ற இன்பத்தை உங்களுக்கும் தர நினைத்துள்ளேன். கண்டிப்பாக அடுத்த மலர் கண்காட்சிக்குள் போட்டுவிடுவேன் என்ற நம்பிக்கை. மறந்துவிட்டேனே!!! வண்ணத்துப் பூச்சி பூங்கா, SAFARI, ஈரோடு, எங்க ஊர் அழகு, பஞ்சலிங்கேஸ்வரர் கோயில், இன்னும் சில பதிவுகள் எல்லாம் என்னை ஓரு மாதிரிப் பார்க்கின்றனவே!  எண்டே ஈசா! என்னை ரக்ஷிக்கு!

-----கீதா