சென்ற பதிவில் ஸ்ரீரங்கப்பட்டின கோவிலின் படங்கள் சில விவரங்கள் போட்டுவிட்டு மீதி படங்களை அடுத்த பதிவில் சொல்லி முடிக்கிறேன் என்று சொல்லியிருந்தேன். இதோ.....
இடப்பக்கம்
பிள்ளையார் தூணில் செதுக்கப்பவர் போன்று தெரிகிறது. வலப்பக்கம் பிள்ளையார் தூணில் பதிக்கப்பட்ட
சிலை போன்று இருப்பதாக எனக்குப்பட்டது. ஆஞ்சுவிற்குத்தான் வெண்ணை தடவி வெள்ளையா
இருப்பார். பிள்ளையார்களூம் இப்படி என்னவோ வெள்ளை பூசினாப்ல இருக்கிறார்களே!!! விபூதியோ?
மேலே உள்ள
அந்த இடத்தின் கீழ் அழகான ஒரு கடை. நின்று நிதானமாகப் பார்க்க நேரமில்லை
கோவிலுக்கு எதிரில் இருக்கும் தெருவிலேயே இப்படி உழைத்து சம்பாதித்துக் கொடுக்கும் குதிரைகள், நிறைய கடைகள் நிதானமாகப் பார்க்க முடியவில்லை. ஆட்டோவிலிருந்தே க்ளிக்ஸ்
.jpeg)
.jpeg)
திப்புசுல்தான் சமாதியாம். ஆட்டோக்காரர் இறங்கிப் பார்க்க வேண்டுமா
என்றார். இறங்கவில்லை. ஆட்டோவிலிருந்தே எடுத்த படங்கள்.
நேரே பாண்டவபுரா ரயில் நிலையத்திற்குச் சென்றோம். வழியில் காவிரி ஆறு இரண்டு இடங்களில். ஒன்றில் அழகான பாலம். ஆட்டோவிலிருந்தே படமும் வீடியோவும்.
ரயில் நிலையத்தில் இறங்கியதும் (காலையில்
கொண்டுவிட்ட ஆட்டோகாரர், எங்களை ரங்கனதிட்டுவிலிருந்து அழைத்துவர அனுப்பியவர்) ஆட்டோகாரர்,
700 ரூபாய் என்றதும் என்னடா இது? காலையில் எங்களை ரங்கனதிட்டுவிற்குக் கொண்டுவிட்ட
ஆட்டோக்காரர் 350 ரூபா வாங்கிக் கொண்டார், ஆனால் போகும் போது ஒரு வேளை ஆள் பிடித்திச்
சென்றிருக்கலாம் இல்லை என்றால் எங்களிடம் இரண்டுவழிக்கான பணம் கேட்டிருப்பார். ஏன்
கேட்கவில்லை என்பதுதெரியவில்லை.
அதன்படி, எங்களை அழைத்துச்செல்ல வந்த ஆட்டோக்காரரிடமும்
அந்த அட்டோக்காரர் அப்படித்தான் சொல்லியிருப்பார் என்று நினைத்திருந்தோம். கொண்டுவிட்ட
அவர் இருவழிக்கான பணம் என்று சொன்னார். நாங்களும் ரொம்ப விவாதம் செய்யாமல் கொடுத்துவிட்டோம்.
ரங்கனதிட்டு சென்று வர 1050 ரூ. காலையில் 350, இப்ப திரும்பி வர 700.
ரங்கனதிட்டுவிற்கு நாம் பேருந்தில் செல்வது
சிரமம். சென்றாலும் 2 1/2 கிமீ நடக்க வேண்டும். நடப்பது எங்களுக்குப் பிரச்சனை இல்லை.
ஆனால் பேருந்துகள் அதிகம் இல்லை என்பதால் நேரம் சரிப்பட்டு வராது.
ஏதேனும் கார் அல்லது ஆட்டோவில் சென்று வர,
காத்திருப்பு, இடையில் கோவில் என்று எல்லாம் பார்த்து வர கண்டிப்பாக 1200 ரூ கேட்க
வாய்ப்புண்டு. அரைநாளுக்கு. அந்த மட்டில் குறைவுதான் என்று தோன்றியது.
.jpeg)
இடப்பக்கப் படம் - பல வருடங்களுக்குப் பிறகு, வழக்கமான அப்படியே நம் இந்திய கிராமத்து ரயில் நிலையத்தின் காட்சியை ரசித்தேன்! வலப்பக்கப் படம் - மாண்டியா கரும்பு இறங்கிருக்கு பாருங்க. ஜூஸ் போட!
ரயில் நிலையத்தில் பசவா எக்ஸ்பிரஸில் ஏசி கோச்சில் இடம் இருக்கு என்றதும் டிக்கெட் வாங்கிக் கொண்டோம். ரயில் சரியான நேரத்திற்கு வந்தது. எங்கள் பெட்டியில் பயணிகள் மிஞ்சிப் போனால் 5, 6 பேர்.
.jpeg)
மத்தூர் வரை இப்படி பசுமையான காட்சிகளைப் பார்த்து ரசித்துக் கொண்டே.....
....பெங்களூருக்கு 4.15
க்கு வந்து சேர்ந்தோம். வீட்டிற்கு வந்து சேர்ந்த போது 6.30 மணி. அப்படியாக எங்கள்
பயணம் முடிந்தது. நானும் தொடர் பதிவை ஒருவழியாக முடித்துவிட்டேன். ஹப்பா!!!
-----கீதா
ஸ்ரீரங்கபட்டினம் கோயில் படங்கள் நான் சென்ற நினைவுகளை மீட்டெடுக்க உதவியது. பலமுறை தரிசனம் வாய்த்த கோயில் அது.
பதிலளிநீக்குபெண் தெய்வம் என்று நீங்கள் போட்டிருப்பது, வரதராஜர் போல எனக்குத் தோன்றுகிறது. கர்நாடகாவில் பல இடங்களில் விஷ்ணு மூர்த்தம் கையில் Gகதையுடன் இருக்கும்.
நன்றி நெல்லை.
நீக்குபெண் தெய்வம் என்று நீங்கள் போட்டிருப்பது, வரதராஜர் போல எனக்குத் தோன்றுகிறது.//
ஓ அப்படியா!? விஷ்ணு மூர்த்தம் என்றுதான் நானும் நினைத்தேன். ஆனால் உருவ அமைப்பு பெண் போன்று தெரிகிறது எனக்கு அதனால் வந்த சந்தேகம்.
கீதா
உழைத்துச் சம்பாதித்துக்கொடுக்கும் குதிரைகள், நிச்சயமாக கர்மாவைக் கழிக்கப் பிறந்தவைகள். அவைகள் உணவுக்கு உழைத்துத்தான் சாப்பிடுகின்றன
பதிலளிநீக்குநன்றி நெல்லை
நீக்குகீதா
// அவைகள் உணவுக்கு உழைத்துத்தான் சாப்பிடுகின்றன//
நீக்குஇல்லாவிட்டால் சுட்டுக் கொல்லப்பட்டு விடும்!
ஆங்கிலேயப்படையுடனான போரில், திப்புசுல்தான் அந்த இடத்தில்தான் இறந்தான். அவன் ரொம்ப காயத்துடன் இருந்தான், ஆனால் அவனுடைய விலையுயர்ந்த அணிகலன்களுக்கு ஆசைப்பட்டு பிரிட்டிஷ் சிப்பாய் அவனைக் கொன்று மற்ற பிணங்களோடு அந்த இடத்தில் போட்டுவிட்டான். மறுநாள் அவனுடைய உடலைக் கண்டுபிடித்து, மரியாதையுடன் அவனுடைய அப்பா சமாதி அருகே புதைத்துவிட்டார்கள்.
பதிலளிநீக்குதிப்பு சுல்தான் பற்றி வாசித்ததுண்டு. நீங்கள் சொல்லியிருப்பதும் வாசித்திருக்கிறேன். படத்தோடு சிலது கொடுக்க நினைத்து ஏற்கனவே பதிவு பெரிசு. என்று விட்டுவிட்டேன்.
நீக்குநன்றி நெல்லை.
கீதா
திப்பு சுல்தானின் இந்தவகை மரணத்தை இப்போதுதான் கேள்விப்பப்படுகிறேன்.
நீக்குமற்றொன்று, திப்பு தோற்கடிக்கப்பட்டு சடலங்களுக்கிடையில் இருந்தப்ப சர் டேவிட் பெர்ட் எனும் பிரிட்டிஷ் ஜெனரல் டக்கென்று திப்புவின் உடலைக் கண்டுபிடித்து அவனது அப்பாவின் சமாதி அருகே புதைத்துவிட்டான், திப்புவின் ஆட்கள், திப்புவிற்கு உரிய மரியாதையை செலுத்தவில்லை என்று கலவரம் செய்துவிடுவார்கள் என்ற பயத்தில்.
நீக்குகீதா
திப்புவின் மரணம் பற்றிய காணொளிகளும் இருக்கின்றன ஸ்ரீராம், யுட்யூபில்
நீக்குகீதா
நாமே ஆட்டோவைக் கூட்டிச் சென்றால் விலை குறைவு. அவனை வரச்சொன்னால் இரண்டு வழிக்கும் சேர்த்துப் பணம் கேட்பார்கள். அதுக்குப் பதிலா, காத்திருப்பதற்கு கூட கொஞ்சம் பணம் கொடுத்தால் நமக்கு பணம் மிச்சம். ஆனால் எவ்வளவு நேரம் காத்திருக்கணும், சரியாகச் சொல்லமுடியுமா என்பதெல்லாம் முக்கியம்
பதிலளிநீக்குஆமாம் நெல்லை. காலையில் எங்களை அழைத்துச் சென்றவர் அவர் காத்திருந்து அழைத்துச் செல்வார் என்று நினைத்தோம் ஆனால் அங்கு இறங்கியதும் 350 மட்டும் வாங்கிக் கொண்டு வேறு ஒருவரை அனுப்புகிறேன்னு சொல்லிவிட்டார்.
நீக்குஅப்படியே ஆனாலும் குறைவுதான் என்று தோன்றியது.
காத்திருப்பு பற்றிச் சொல்வது ரொம்பக் கஷ்டம் அதான் அவர் போய்விட்டு நீங்கள் முடித்ததும் சொல்லுங்க வேறு ஒருவரை அனுப்பறேன்னு சொல்லிட்டுப் போய்விட்டார்.
நன்றி நெல்லை
கீதா
அப்படியும் சொல்ல முடியாது. வெயிட்டிங் சார்ஜ் என்கிற பெயரில் தாளித்து விடுவார்கள்.
நீக்குஆமாம் ஸ்ரீராம். இந்த ரெண்டாவது ஆட்டோகாரர் கோவிலில் காத்திருந்ததற்கு வாங்கிக் கொள்ளவில்லை. அவர் கணக்கு, ரங்கனதிட்டுவிலிருந்து பாண்டவபுரா இடையில், பஸ்சிமவாஹினி, ஸ்ரீரங்கப்பட்டினம் கோவில் இரண்டு இடங்கள் என்று கணக்குப் பண்ணினார் என்றாலும் இரு வழிக்கான கட்டணம் தான் வாங்கிக் கொண்டார்.
நீக்குஆனால் மொத்தமாகப் பேசினால் கண்டிப்பாகச் சார்ஜ் கூடுதல்தான்.
கொக்கரேபெல்லூர் போனப்ப பரவாயில்லை அதுவும் 15 கிமீ. போய் வர 30 கிமீ. அங்கு பொறுமையாக அவங்க காத்திருந்து நாங்க பறவைகளைப் புகைப்படம் எடுத்து வரும் வரை, அதன் பின் அந்த சென்டருக்கும் கூட்டிப் போய் அப்புறம் திரும்பினதுக்கு 700 வாங்கிக் கொண்டார்கள்.
கீதா
ஸ்ரீரங்கப்பட்டினம் கோயிலை உங்களுடன் சுற்றிப்பார்த்து விட்டேன்.
பதிலளிநீக்குதூண் சிற்பங்கள் அழகு.
வாயிலில் சிறிய யானைகள் அழகு. மேலே சிற்ப வேலைப்பாடு அழகு.
ஆட்டோவில், ரயில் பயணத்தில் எடுத்த படங்களும் அருமை.
நன்றி கோமதிக்கா. ஆமாம் அக்கா யானை ரொம்ப அழகு. சிற்பங்கள் எல்லாமே ரொம்ப அழகு சிலது சரியா தெரியலைனாலும்..
நீக்குஆட்டோவில், ரயில் பயணத்தில் எடுத்த படங்களும் அருமை.//
நன்றி கோமதிக்கா
கீதா
காணொளியும் ஆட்டோவில் போகும் போது எடுத்ததா? நன்றாக இருக்கிறது.
பதிலளிநீக்குஆட்டோ, ரயில் பயண விவரங்கள் அடுத்து போகிறவர்களுக்கு உதவும்.
பெண்தெயவம் என்று கேள்வி குறியிட்ட படம் விஷ்ணு. அவர் கையில் சங்கு , சக்கரம், கதை, தாமரை எல்லாம் இருக்கிறது.
ஆமாம் அக்கா காணொளி ஆட்டோவில் போகும் போது எடுத்ததுதான். நன்றி அக்கா.
நீக்குஆட்டோ, ரயில் பயண விவரங்கள் அடுத்து போகிறவர்களுக்கு உதவும்.//
ஆமாம், அதனாலதான் எல்லாம் கொஞ்சம் விவரமாகக் கொடுக்க நினைக்கிறேன்.
//பெண்தெயவம் என்று கேள்வி குறியிட்ட படம் விஷ்ணு. அவர் கையில் சங்கு , சக்கரம், கதை, தாமரை எல்லாம் இருக்கிறது.//
அக்கா விஷ்ணு என்பது தெரிகிறது. ஆனால் உடலமைப்பு பெண் போன்று இருப்பதால்...வந்த சந்தேகம். ஒரு வேளை மோகினியோ என்று கூட நினைத்தேன்.
நன்றி கோமதிக்கா
கீதா
இன்னொரு தூணில் இராஜா, ராணியா என்று கேட்டதில் மோகினி அவதார கதை போல உள்ளது. தலையில் கை வைத்து மோகினி ஆடும் கதை.(அசுரகளை அழிக்க விஷ்ணு எடுத்த அவதாரம் மோகினி) மற்ற இருவர் அசுரர்கள் என நினைக்கிறேன்.
பதிலளிநீக்குஅப்படிச் சொல்றீங்களா? ஆனால் அருகில் இருக்கும் ஆண்கள் சிற்பங்கள் கிரீடத்துடன் நல்ல முக அமைப்புடன், கை குவித்து வணங்குவது போல் இருக்கிறதே அக்கா.
நீக்குநன்றி கோமதிக்கா
கீதா
வணக்கம் சகோதரி
பதிலளிநீக்குபதிவு அருமை. படங்கள் அனைத்தும் உங்கள் பாணியில் எங்கள் கண்களுக்கு அருமையான விருந்து.
நீங்கள் சொன்னபடி பிள்ளையார் இருப்பக்கத் தூண்களிலும் வித்தியாசத்தை காட்டுகிறார். ஆனால், இருவருமே அழகான பிள்ளையார்கள். பணிவுடன் வணங்கி கொண்டேன்.
மற்ற தூண்களில் விதவிதமாக தோற்றங்கள் இறைவனும் அழகு. பெண் தெய்வம் அது திலஷ்மியாக இருக்குமோ? இறைவன் உலா வரும் வாகனங்கள் நன்றாக உள்ளது.
யானைகள் நன்றாக இருக்கிறது. அங்கு இதுவரைதான் நான் எடுத்துள்ளேன். அதற்கு மேல் கோவிலுக்குள் ஃபோனை பயன்படுத்த தயக்கம். துவஸ்தம்ப கல்தூண் கோபுர தரிசனம் பெற்றுக் கொண்டேன்.
போக வர ஆட்டோ செலவு அதிகமோ ? ஒரு கார் ஏற்பாடு செய்து போயிருந்தால், உங்களுக்கும் பிரயாணம் நல்ல வசதியாக இருந்திருக்குமோ? எனக்கும் அங்குள்ள விலை ரேட் விபரங்கள் தெரியவில்லை. மகன்கள்தான் பேசுவார்கள்.
வரும் வழியில் எடுத்தப் புகைப்படங்கள், ரயில்வே நிலையம் எல்லாமே ரசித்தேன். நல்லபடியாக பிரயாணம் மேற்கொண்டு ஸ்ரீ ரங்கநாதரை கூட்டமில்லாமல் தரிசித்து, அழகான புகைப்படங்களுடன் எங்களுக்கும் அவனருளை பார்க்கத் தந்தமைக்கு உங்களுக்கு மனமார்ந்த நன்றி சகோதரி.
எனக்கும் மற்றொரு முறை ஸ்ரீ ரங்கபட்டிணம் சென்று வர ஆசை உதயமாகி உள்ளது. இறைவனுக்கும் என ஆசை புரிந்தால் அவனும் வழி நடத்துவான். பார்க்கலாம். நன்றி சகோதரி.
நன்றியுடன்
கமலா ஹரிஹரன்.
நன்றி கமலாக்கா.
நீக்குஆம் வித்தியாசமாக இருந்தாலும் அழகு பிள்ளையார்கள். எங்கு போனாலும் ஆஞ்சு பிள்ளையார் கண்ணில் பட்டு படம் எடுக்க முடிந்தால் உடனே எடுத்துவிடுவேன்! அது போல அழகான கண்ணையும் மனதையும் கவரும் எல்லாவற்றையுமே.
//மற்ற தூண்களில் விதவிதமாக தோற்றங்கள் இறைவனும் அழகு.//
ஆமாம் . இன்னும் உள்ளேயும் நன்றாக இருக்கும். என்னிடம் இருக்கின்றன ஆனால் வெளியிடத் தயக்கம் பயம்.
//பெண் தெய்வம் அது திலஷ்மியாக இருக்குமோ?//
திலஷ்மி என்று தேவி உண்டா? எனக்கு இதிலெல்லாம் அவ்வளவு அறிவு இல்லை அக்கா.
இந்த மண்டபத்தில் எடுக்கலாம் அக்கா. உள்ளே சன்னதிகள் இருக்கும் அந்த முற்றம் மண்டபம் இருக்கும் இடத்தில் எங்கும் அனுமதி கிடையாதுதான்.
அக்கா ரங்கனதிட்டு வரை தூரம் 15 கிமீ. போக வர 30 கிமீ என்று வைத்துக் கொள்வோம். கோவிலுக்கு, ஹைவேயிலிருந்து உள்ளே 2 கிமீ க்குள் அங்கு காத்திருப்பு. எனவே இந்த ரேட் ஓகே தான். இதே போன்றுதானே மத்தூர் கொக்கரேபெல்லூர் சென்று வந்த போதும் போய் வர 700ரூ அதுவும் 15 கிமீ தூரம் மத்தூரிலிருந்து. ஓகேதான் என்று தோன்றியது.
//எனக்கும் மற்றொரு முறை ஸ்ரீ ரங்கபட்டிணம் சென்று வர ஆசை உதயமாகி உள்ளது. இறைவனுக்கும் என ஆசை புரிந்தால் அவனும் வழி நடத்துவான். பார்க்கலாம். //
கண்டிப்பாக நிறைவேறும் கமலாக்கா.
நன்றி கமலாக்கா
கீதா
வணக்கம் சகோதரி
நீக்கு//பெண் தெய்வம் அது திலஷ்மியாக இருக்குமோ?//
அது திருமாலின் துணைவி லஷ்மியாக இருக்குமோ என தட்டச்சு செய்தேன். அதற்குள் திருமால் எப்படி எஸ்கேப் ஆனார் எனத் தெரியவில்லை. ஹா ஹா. அதற்குள் நீங்களும் திலஷ்மி என்றொரு தேவி உண்டா எனத் தெரியவில்லை எனச் சொல்லி விட்டீர்கள். இருக்கலாம். எனக்கும் இதில் அவ்வளவாக அறிவு கிடையாது.
கோவிலுக்கு ச் செல்ல உங்கள் அனுபவங்களினால், ரேட் விபரம் நன்றாகவும், தெளிவாகவும் சொல்லி விட்டீர்கள். எனக்கு இதிலும் அவ்வளவாக அனுபவ அறிவு கிடையாது. நன்றி சகோதரி.
நன்றியுடன்
கமலா ஹரிஹரன்.
ஹாஹாஹாஹா....அவருக்கே சந்தேகம் வந்திருச்சோ என்னவோ, இப்படி யாரு செதுக்கி வைச்சாங்களோ....
நீக்குஅப்புறம் தோன்றியது கமலாக்கா தி என்பது (திருமால்) இனிஷியலா இருக்குமோன்னு!!!
நன்றி கமலாக்கா.
கீதா
ஆ...! இது கூட நல்லாயிருக்கே..! நமக்கு இன்ஷியல் வைத்துக் கொள்ளும் போது இறைவனார்களும் வைத்து கொள்ளக் கூடாதா? 👌கற்பனை.
நீக்குஅதானே!!! நன்றி கமலாக்கா.
நீக்குநம்ம வீட்டுல நானும் மகனும் இப்படி எல்லாம் பேசிக் கொள்வதுண்டு. இனிஷியல் வைத்து. .... அது ஒரு காலம். அவன் இப்ப ரொம்ப பிஸி. எப்போதாவதுதான் முன்பு போல ஜாலியாகப் பேச முடிகிறது அவனுக்கு.
கீதா
படங்கள் யாவும் சிறப்பு. யானை, பிள்ளையார் என்று சிற்பங்கள் அழகு. நேரில் இந்த சிற்பங்களை பார்க்கும் அழகு படத்தில் இருப்பதில்லை.என்று தோன்றும்.
பதிலளிநீக்குநிச்சயமாக, ஸ்ரீராம், நேரில் பார்ப்பதற்கும், படத்திலும் வித்தியாசம் இருக்கு நேரில் பார்த்து ரசிப்பது தனிதான். ஆனால் நமக்கு எப்ப வேணாலும் எடுத்துப் பார்க்க இது பயன்படுமே!!
நீக்குநன்றி ஸ்ரீராம்
கீதா
தூண்களை தனித்தனியாக பார்ப்பதைவிட கோவில் வெளிப்புறத் தோற்றம் அழகாக இருக்கிறது.
பதிலளிநீக்குஆமாம், அப்படிப் பார்க்கறப்ப எல்லாத் தூண்களும் அப்படி அழகாக அணிவகுத்து தனி லுக் கொடுக்குது அது போலத்தான் உள் முற்றம் மண்டபம் பிராகரமும்.
நீக்குநன்றி ஸ்ரீராம்
கீதா
செலவு செய்த பணத்திற்கேற்ப காட்சிகள் அமையவில்லை. சொந்த கார் இருந்தால் போய் வர சவுகரியமாக இருக்கும். வழி காட்ட மாப்ஸ் போதும்.
பதிலளிநீக்குநெல்லையை காப்பி பண்ணாதீங்கோ. உங்களுடைய தனித்தன்மை போட்டோக்களில் நிற்கட்டும்.
நன்றி ஜெ கே அண்ணா.
நீக்குகீதா
அழகான தூண் சிற்பங்கள். கருடன் தோளில் லக்ஷ்மி நாராயணர் சிற்பம் மிக அழகு. பொறுமையாகப் படமாக்கியுள்ளீர்கள். பகிர்வு நன்று.
பதிலளிநீக்குமிக்க நன்றி ராமலக்ஷ்மி!
நீக்குஎனக்கு எல்லாவற்றையும் புகைப்படம் காணொளிகள் எடுப்பதில் மிகுந்த விருப்பம் உண்டு. குறிப்பாகப் புகைப்படம்.
வாய்ப்பு கிடைக்கும் போது இப்படி எடுப்பதுதான். இப்படியான சிற்பங்கள் நம்ம ஊர்ப்பக்கங்களிலும் உண்டுதானே. நெல்லையப்பர் கோவில், சுசீந்திரம் கோவிலில் கூட. ஆனால் அப்போதெல்லாம் சின்ன புகைப்படக் கருவி கூட இல்லை. இப்போது அங்கெல்லாம் போகும் வாய்ப்பும் இல்லை. உள்ளே எடுக்கும் அனுமதியும் உண்டா என்று தெரியவில்லை.
இப்போதுதான் இப்படியான கோவில் பக்கங்களுக்குச் செல்லும் வாய்ப்பு கிடைத்திருக்கிறது.
உங்கள் தகவலுக்கு, நீங்க போயிருப்பீங்கன்னு நினைக்கிறேன். இங்கு சோழர் காலத்து கோவில் பஞ்சலிங்கேஸ்வரர் கோவில், பேகூரில் இருக்கிறது. அங்கு உட்பக்கம் எடுக்க அனுமதி இல்லை. நான் இன்னும் இது பற்றிப் பதிவு போடவில்லை. படங்கள், காணொளிகளைத் தொகுக்க வேண்டும்.
நன்றி ராமலக்ஷ்மி.
கீதா