எனது மூன்றாவது விழியின் பார்வையிலே - 27 - தருமபுரி - கிருஷ்ணகிரி மலைகள் - 1

வணக்கம், வந்தனம். பதிவுகளுக்கு இடையில் ரொம்பவே இடைவெளி வந்துவிட்டது. இதென்ன புதுசான்னு கேட்கக் கூடாது. இது Customary வசனம். எழுதிய பதிவுகளில் சில தொடரும் என்று போட்டிருந்த பதிவுகள் என்னன்னு எனக்கே மறந்துவிட்டது. உங்களுக்கும் மறந்திருக்கலாம். அப்பதிவுகளின் தொடர்ச்சி வருமா? புகழ்பெற்ற வசனமான "வரும் ஆனா வராது" கேஸ் தான்.  இதற்கான காரணத்தை - ஏன் என்னால் எழுத இயலவில்லை என்பதை - என்னை நானே சுயபரிசோதனை செய்து ஆராய்ந்த போது தெரிந்து கொண்டதைச் சொல்ல வேண்டும் என்றால் பின்னோக்கிச் செல்ல வேண்டும். அதை முன்னோக்கி எடுத்துச் செல்ல எழுத வேண்டும்.

இப்போது சட்டென்று எழுத முடியாததால் இடைவெளியை நிரப்ப கணினியில் நிலுவையில் இருந்த பதிவுகளை ஆராய்ந்த வேளையில் எபியில் ஞாயிறு பதிவில் நெல்லை தாளவாடி பற்றி போட்டிருந்ததும், (An indirect positive stroke for me. தற்போது) சட்டென்று எனக்கு, நான் நாகர்கோவிலில் இருந்து பெங்களூருக்கு இரு வருடங்களுக்கு முன் இதே டிசம்பர் மாதத்தில் வந்த போது, ரயில், தருமபுரி ரயில் நிலையத்திலிருந்து கிளம்பியதும் - அன்று ரயில் தாமதம். 5.20க்கு வர வேண்டிய ரயில் 6 மணி போல்தான் வந்தது. அதனால் - காலை விரியும்  சமயத்தில் கண்ட அருமையான மலைக்காட்சிகளைப் படங்களாகவும், காணொளிகளாகவும் எடுத்தது நினைவுக்கு வந்து தேடியதும் கிடைத்துவிட்டன.  

பிரயாணம் செய்த மாதம் இதே அப்போதைய டிசம்பர். அன்று செம பனி. குளிர். ஆனால்   பல படங்களும் காணொளிகளும் ஏமாற்றிவிட்டன. ஓட்டைக் கேமராயில்லையா அதுவும் அதிகாலை வெளிச்சம் சற்றுக் குறைவாக, பனி சூழ்ந்திருந்தப்ப எடுத்த புகைப்படங்கள் சரியாக வரவில்லை.  நிறைய தருமபுரி பகுதிகள் மலைகள் கிட்டத்தட்ட ராயக்கோட்டை எனும் ஊர் வரும் வரை. அதன் பின் கிருஷ்ணகிரி பகுதிகள். கிருஷ்ணகிரி பகுதிகள் அடுத்த பதிவில். 

கை துறு துறுன்னு வந்து இரு பகுதிகளாகப் போட்டு விடலாம்னு சரியாக வராதவற்றை எல்லாம் அழித்துவிட்டு வெளிச்சம் கொஞ்சம் வந்த போது எடுத்த படங்களையும் பனி சூழ்ந்திருந்த போது எடுத்த சில காணொளியையும் இணைத்து இங்கு பகிர்ந்திருக்கிறேன். இதோ முதல் பகுதியில் சில படங்களும் ஒரு சிறிய காணொளியும்.  

சிறிய காணொளிதான் முடிந்தால் பாருங்கள்

https://youtu.be/hk8I8DdoKlA

கருத்து சொல்லும் அனைவருக்கும் நன்றி. அனைவருக்கும் கிறிஸ்துமஸ் வாழ்த்துகள்!

------கீதா