சில்லு சில்லாய் - 21 - மூப்பியலில் தேவையான கவனங்கள்- இரட்டை - திருப்பதி அம்பட்டன்

சில்லு - 1 - மூப்பியல்

உங்கள் வீட்டில் வயதானவர்கள் இருக்கிறார்களா? இல்லை நீங்களே  Senior Citizen பட்டியலில் இளமைத் துள்ளலுடன் அடி எடுத்து வைக்கும் பருவத்தில் இருக்கிறீர்களா? சற்றே இதைக் கவனத்தில் கொள்ளவும். எங்களுக்கு வயசாகிடுச்சுன்னு யார் சொன்னது!!? என்ற குரல்கள் ஒலிப்பது எனக்கு மூன்றாவது காது பொருத்தாத சமயத்திலும் கேட்கிறது!!! Wait! Wait!  யாருங்க சொன்னது வயசாகிடுச்சுன்னு? கவனமா இருங்கன்னுதானே சொல்லப் போகிறேன்.

சமீபத்தில், கேரளத்தில், அரசு மருத்துவமனையில் எலும்பு அறுவை சிகிச்சை நிபுணனாகப் பணிபுரியும் என் நண்பர் வந்திருந்தார்.  

வயதாகும் போது எலும்புகளின் தன்மை, பிரச்சனைகள் அவர் பார்க்கும் நோயாளிகள், உடற்பயிற்சிகள் என்று பேசிக் கொண்டிருந்த போது அவர் குறிப்பிட்ட ஒரு விஷயம் பெரும்பான்மையோர் கீழே விழுதல் அதிகமாகியுள்ளதாக.  அப்படிப் பேசிக் கொண்டிருந்த போது...

எங்கள் ஊரில் தனியாக இருக்கும் மாமி ஒருவரது வீட்டில் அவரது வயதிற்கான சில வசதிகள் செய்யப்பட்டிருந்ததைப் படங்கள் எடுத்திருந்ததையும் மூப்பியலில் மிக முக்கியத் தேவையாக நான் கருதும் ஒன்றான கீழே விழாமல் இருத்தல் பற்றியும் எழுதிய பதிவு பாதியில் இருப்பது நினைவுக்கு வர அதை முடித்துவிடுவோம் என்று இதோ. 

வயதிற்கேற்ற சின்ன சின்ன உடற்பயிற்சிகள், எளிய நடைப்பயிற்சி, உடல் நலம், உணவுக்கட்டுப்பாடு, உடல் எடையில் கவனம், மனதை நல்ல விஷயங்களில் ஈடுபடுத்தல், மனதை நன்றாக வைத்துக் கொள்ளுதல் கூடியவரை நம்மை சுறு சுறுப்பாக வைத்துக் கொளல்,  , கால் மேல் கால் போட்டு அமர்வதைத் தவிர்த்தல், என்று அடுக்கலாம். மூப்பியலில் தேவையான கவனங்கள்  பற்றி என் அனுபவங்களில் அறிவதை அவ்வப்போது சொல்லி வைக்கலாமே.

பொதுவாக, வயதானவர்களுக்கு என்றில்லை நடுத்தர வயது மற்றும் 60 ஐ நெருங்குபவர்களும் கீழே விழாமல் கவனமாக இருப்பது என்பது மிக முக்கியம்.  எலும்புகள் பப்படமாவதும், தசை நார்கள் சேதமடைவதும் நடக்கும் வாய்ப்புகள் கூடுதல் என்பதால். 

வீட்டிலுள்ள மிதியடிகள் எல்லாம் தரையில் நல்ல Grip உள்ளவையாக இருத்தல் நலம். குளியலறை/கழிவறையிலும் கூட அப்படியான bathroom mat with grip போட்டுக் கொள்ளலாம். அப்படி Bathroom mat போடுவதற்கு இடம் இல்லை என்றால், கழிவறைகளை நல்லா துடைச்சு எப்பவும் காய்ந்த நிலையில் இருந்தால் நல்லது. 

பெருக்கி, தரையை சுத்தம் செய்யும் திரவங்கள் விட்டு துடைக்கறப்ப, பாத்ரூம் கழுவி விடறப்ப வழவழப்பு இல்லாம இருத்தல் நலம். வீட்டில் உள்ளவர்கள் எல்லோரும் குளித்த பிறகும், கழிவறையைக் கழுவி விடும் சமயமும் முடிவில் wiper stick இருக்குமே அதைக் கொண்டு தண்ணியை நன்றாகத் தள்ளிவிட்டு துணி கொண்டு ஈரமில்லாமல் துடைத்துவிடல் நலம். மிக முக்கியம், கழிவறை/குளியலறையைப் பயன்படுத்தும் போது கதவை வெறுமனே மூடிக்கொண்டு உட்பக்கம் தாழ்பாள் போட்டுக் கொள்ளாமல் இருப்பது. 

60 வயதைக் கடந்தவர்கள் மட்டுமின்றி எலும்புகள் தேய்மானம் உள்ளவங்க, எலும்பு அடர்த்தி குறைவாக இருப்பவங்க எல்லாருக்குமானவைதான் இந்தப் பரிந்துரைகள். சரியான காலணிகள், ஷூ போட்டுக் கொண்டு நடக்கலாம்.  

சாலைகளில் குப்பைகள் மிக அதிகமாக இருக்கும் இடங்களில் குறிப்பாகக் கட்டுமானப் பணிகள் நடக்கும் இடங்களில், கோயில்கள் அருகில், சரக்குகள் வந்திறங்கும் இடங்களில் கம்பிகள், வயர்கள், நார்கள், கிழிந்த பைகளும் கூடக் கிடக்கும். நம் கால்களோ செருப்புகளோ இதில் மாட்டிக் கொண்டால் நாம் கவனிக்கவில்லை என்றால் தடுக்கி விழும் அபாயம்.  அப்படித்தான் கோயிலருகில் என் அப்பா கீழே விழுந்தார்.

இப்பல்லாம் எல்லா வீடுகளிலும், குடியிருப்புகளிலும் வழ வழ டைல்ஸ் போட்டுடறாங்க. பொது இடங்களில் மால்கள் பெரிய கடைகள் எல்லாம் பள பளன்னு இருக்கணும்னு தரைகள் படிகள் எல்லாமும் வழவழப்பாகக் கட்டிவிடுகிறார்கள். வயசானவங்க மட்டுமில்ல, யாருக்குமே இது ஆபத்துதானேங்க! கொஞ்சம் காலை அகத்தி வைச்சுட்டா சில இடங்களில் ஜொய்ங்க்னு வழுக்கி விடுகிறது. அப்படி சமீபத்தில் எனக்குத் தெரிந்த ஒரு பெண்ணிற்குத் தொடடையில் எலும்பு முறிவு. மாலில் வழுக்கியதில். எனவே அம்மாதிரியான இடங்களில் காலை நீட்டி நீட்டி நடக்காமல் கவனமாகச் சின்ன சின்ன அடிகளாக எடுத்து வைத்து நடந்தால் சரியான பாத அணிகளை அணிந்து நடந்தால் பாதுகாப்பு. 

மின் ஏணிகள் - சில மாதங்களுக்கு முன் (சென்ற வருடம்) வேளச்சேரி மாலில் வெங்கடேஷ் பட் மற்றும் அவரது மகள் escalator ல் ஏறிய போது மகளின் காலணி அதில் மாட்டிக் கொண்டுவிட இவர் மகளைப் பிடித்து இழுத்ததால் நல்லகாலம் விபத்திலிருந்து தப்பித்திருக்கிறார். இதோ அவரே காணொளி இட்டிருந்தார் நீங்களும் பார்த்திருப்பீர்கள். (அப்போதே போட எடுத்துவைத்து இப்பதிவை எழுதத் தொடங்கி..... வழக்கம் போல தாமதம்...)

பாருங்க, எல்லாருமே கவனமாக இருக்க வேண்டும் குறிப்பாக வயதானவங்க. யாராக இருந்தாலும் சரி, Escalator ஐ பயன்படுத்தும் போது உங்கள் புடவைத் தலைப்பு, சல்வார் என்றால் அதன் ஷால், இப்போதெல்லாம் பரவலாக அணியப்படும் நீளமான தரையில் புரளும் அளவு பாவாடை போன்ற  உடைகள் போன்றவற்றை Escalator ல் செல்லும் போது புரள்வது போல் இல்லாமல் பார்த்துக் கொள்ளக் வேண்டும்.

ஏறும் போதும் இறங்கும் போதும் கைப்பிடிகள் இருக்குமே அதைப் பிடித்துக் கொண்டு ஏறி இறங்கலாம். மொபைல் பார்த்துக் கொண்டு, அல்லது மொபைலில் பேசிக்கொண்டு செல்வதைத் தவிர்க்கலாம்.  குறிப்பாக Escalator ல்.

எலும்புகள் சேதமடைந்தால் நாம் படும் துன்பம் நம்மைச் சுற்றி இருப்பவர்களுக்கும் சிரமங்கள் என்பதோடு எலும்பு சிகிச்சை மற்றும் விபத்துக்கான மருத்துவச் செலவு என்பது சும்மா ஆயிரம் எல்லாம் இல்லைங்க. லட்சக்கணக்கு! செலவழிக்க துட்டு இருந்தாலும் கூட இப்படிச் செலவழிக்கணுமா சொல்லுங்க!

வயசானவங்க வீட்டுல இருந்தா கீழே விழாமல் இருக்க என்ன செய்யலாம் என்பதற்கு ஒரு சின்ன உதாரணம். எங்க ஊர்ல ஒரு மாமி. தனியா இருக்காங்க. குழந்தைகள் கிடையாது. கணவர் தற்போது இல்லை. அவங்களை கவனிச்சுக்கற ரத்னம் (என் அம்மாவுக்கு வலதுகையா இருந்தவங்க) இப்ப இந்த மாமியைப் பாத்துக்கறாங்க. ரொம்ப நல்ல மனசு இந்த ரத்னம்மாவுக்கு.

மாமியை என்னதான் ரத்னம்மா பார்த்துக் கொள்ள இருந்தாலும் மாமிக்காகச் செய்யப்பட்டிருக்கும்  சில வசதிகள் இதோ....

கழிவறைக்குச் செல்லவும், வீட்டில் பிடித்துக் கொண்டு நடக்கவும் இப்படிக் கம்பிகள் பொருத்தியிருக்காங்க. 

கீழே நல்ல கனமான நீளமான தேங்காய் நார் மிதியடி grip 

கைத்தடி இருந்தாலும் இந்தக் கம்பிகளும் ஒரு பிடிமானத்திற்கு

wash basin பயன்படுத்த பிடிமானத்தோடு

கட்டிலில் இருந்து கீழே சரிந்துவிடாமல் இருக்க கட்டிலில் இப்படி பக்கவாட்டில் தடுப்புக் கம்பிகள் மருத்துவமனைகளில் உள்ளது போன்று பொருத்தியிருந்தாங்க. கீழே காலைத் தரையில் ஊன்றும் போது grip உள்ள மிதியடி. பக்கத்தில் நடுவில் ஓட்டை உள்ள நாற்காலி தெரிகிறதா? அடியில் அதில் இணைக்க ஒரு வாளி உண்டு. இரவு நேரத்தில் இயற்கை உபாதைக்கானது. இங்கு ஒன்று சொல்ல வேண்டும். அடியில் இணைக்கும் வாளி அல்லது பேசினில், கால்பகுதி  நீருடன் அதில் டெட்டால் அல்லது நல்ல மணமுள்ள கிருமி நாசினியை கொஞ்சம் ஊற்றிக் கலந்து வைத்து விட்டால் வாடை அவ்வளவாக வராது.

மூப்பியலில் தேவையான கவனங்களை அனுபவங்களின் அடிப்படையில் அவ்வப்போது சொல்கிறேன்.

*********************

சில்லு – 2 –  இரட்டை - ஹம்ஸநாதம் - சாரங்கதரங்கிணி

இந்த இரட்டை ஹம்ஸநாதமும் சாரங்கதரங்கிணியும் சில நாட்களாக என்னை கிறுக்குப் பிடிக்காத குறையாக தங்களுக்குள் இழுத்துக் கட்டிப் போட்டு வைத்துக் கொண்டிருக்கின்றன. காதல் கிறுக்கு போல் இந்த இரட்டையிடம் வசமாகச் சிக்கிக் கொண்டு மயங்கிக் கிடக்கிறேன். இரண்டிற்கும் ஒரே ஒரு ஸ்வரம்தான் வித்தியாசம் என்றாலும் இந்த சாரங்கதரங்கிணி லேசுபட்டதில்லை. கொஞ்சம் கூடுதலாகவே சுண்டி இருக்கிறது.

இரண்டிற்குமான வித்தியாசம் எங்கே எப்படி பாடல்களில் வருகிறது? அந்த இடத்தை கண்டுபிடித்து சாரங்கத்தரங்கிணியை சரியாக எட்டிப் பிடிக்க வேண்டும் என்ற ஒரு துடிப்பில் திரைப்படப் பாடல்களில் இந்த ராகத்தில் அமைந்த பாடலின் ஸ்வரங்களைப் பிரித்து மேய்பவர்கள் தளங்களுக்குச் சென்று புரிந்துகொள்ள முயற்சி. 

அப்படியாகச் சாரங்கதரங்கிணியை ஆராய்ந்ததில் ராஜாவின் ராஜாங்கமான இசையில் தொடங்குதம்மா (ஹேராம் படப் பாடலை எல்லோருமே கேட்டிருப்பீர்க்ள். இது ஹரிஹரன் அவர்கள் மேடையில் பாடிய சுட்டி) பாடலை ஸ்வரங்களாகப் பிரித்துப் பாடியதைக் கேட்டப்ப ராஜாவின் Notes ஆஹா! அது கீழே .

https://www.youtube.com/watch?v=avaghHEAI2Y

ஜிவி பிரகாஷும் கூட இதே ராகத்தில் மெட்டு போட்டிருக்கிறார் என்பதும் அப்படித் தெரியவந்தது.. மலர்தான் விழுந்தது பாடல் எனக்கு மிகவும் பிடித்தது. நீங்களும் கேட்டுப் பாருங்க. பிடிக்கும் என்று நினைக்கிறேன். படம் அநீதி. சென்ற வருடம் வந்ததாம். இயக்கம் வசந்தபாலன். பாடல் வரிகள் – கார்த்திக் நேத்தா (புதுசாக இருக்கிறது பெயர்.) பாடியவர்கள் ஹேஷம் அப்துல் வஹாப், ரவி. G. புதியவர்கள் போலும். எனக்கு No idea.

 பாடலோடு காணொளியும் சும்மா பாருங்க. பாடல் காட்சியல்ல. பாடகர்கள், பாடலாசிரியர் யாரென்று தெரிந்து கொள்ள முடியும்

சில்லு - 3 - கூடவே மற்றொரு Craze. இலவச இசைக் கோர்வைகள் இருக்கும் ஒரு தளத்தில் - ஒரு மாதம் இலவசமாம் - இசைக் குறிப்புகள் எழுதியும் அதிலிருக்கும் Piano வில் இசை அமைத்துப் பதிய முடியும் என்றாலும் தற்போது இலவசமாக ஏற்கனவே இருக்கும் சிறியதான  தாள, மெட்டு Loops கிடைப்பதைக் கொண்டு சின்னதாகக் கன்னாபின்னா மெட்டுகள் சில எங்கள் காணொளிகளுக்குச் செய்து கொண்டு....

திருப்பதி அம்பட்டன் கதை நினைவுக்கு வருகிறதா? அந்தக் கதைதான்....

........கீதா