கேரளத்தில் தேர்வுகள் - அனுபவத் தத்துவம் - செபியின் விளையாட்டு

பகிர நினைத்த செய்தி

அனைவருக்கும் வணக்கம். இந்த நாள் இனிய நாளாக அமைந்திடட்டும். 

கேரளத்தில், மார்ச்சில் நடை பெறத் தொடங்கிய 10 ஆம் வகுப்பு, 12 ஆம் வகுப்புத் தேர்வுகள் நடந்துகொண்டிருந்த சமயத்திலே எதிர்பாராத  ஊரடங்கினால்  தள்ளி வைக்கப்பட்ட தேர்வுகள் மே மாதம் 26 ஆம் தேதிக்கு மாற்றி வைக்கப்பட்டு மே 26 முதல் மே 31 வரை நடந்திருக்கின்றன. தொற்று பாதிப்பு இல்லாத பகுதிகளில், பரீட்சை எழுதும் மையங்கள் மாற்றப்பட்டு, மாற்றப்பட்ட மையம், தேதி, தேர்வு விவரங்கள் என்று எல்லா மாணவ மாணவியர்க்கும் தெறிவிக்கப்பட்டு, பல பாதுகாப்பு நடவடிக்கைகள் எடுக்கப்பட்டு, ஆசிரியர்களுக்கும், மாணாக்கர்களுக்கும் அறிவுறுத்தப்பட்டு நடந்திருக்கிறது.

பயணம் செய்து தேர்வு எழுத வேண்டிய மாணாக்கர்களுக்கு பயணம் செய்வதற்கான பாஸ் வழங்கப்பட்டிருக்கிறது. தகுந்த பரிசோதனைகள் செய்யப்பட்டு அனுமதிக்கப்பட்டிருக்கிறார்கள். மாணவர்களும் சரி தேர்வுப் பணியில் இருந்த ஆசிரியர்களும் சரி எல்லோரும் மாஸ்க் அணிந்து, சோசியல் டிஸ்டன்ஸ் காக்கப்பட வேண்டும் என்பது கட்டாயமாக்கப்பட்டு நடத்தப்பட்டிருக்கிறது.

ஊரடங்கு தொடங்கிய நேரத்தில் தேர்வுகள் தள்ளி வைக்கப்பட்டதால், கேரளத்திலிருந்து திருநெல்வேலிக்கு வந்திருந்த ஒரு மாணவன், மாற்றப்பட்ட தேதி, நேரம், அவனது மையம்,  எல்லாம் அறிவிக்கப்பட்டதும் திருநெல்வேலியிலிருந்து காலை 5 மணிக்குத் தன் தந்தையுடன் 50சிசி மொபெட்டில் புறப்பட்டு அவனுக்கான தேர்வு மையமான கலமச்சேரிக்கு – 285 கிமீ தூரம் - பயணப்பட்டிருக்கிறான். அவர்கள் பயணத்திற்கான ஸ்பெஷல் பாஸ் வாங்கியிருந்தாலும், தமிழ்நாடு கேரளா பார்டரான களியக்காவிளையில் அவன் அதைக் கடந்து செல்ல முடியாது என்றிட பின்னர் சில மணி நேரத்திற்குப் பிறகு அவனுக்கு எல்லையைக் கடக்க பாஸ் வழங்கப்பட்டு தேர்விற்கு முதல் நாள் 6.30 மணியளவில் கலமச்சேரியை சென்றடைந்திருக்கிறான்.  அங்கு அவன் தங்கியிருந்த வீட்டின் உரிமையாளர் அங்கு தங்கிட அனுமதிக்கவில்லை. பின்னர் போஸீஸ் வந்து அவர்களிடம் பேசிய பிறகு அனுமதி அளிக்கப்பட்டு அங்கு தங்கியிருக்கிறார்கள்.

மறு நாள் தேர்வு மையத்தில் தனி வகுப்பறையில் அனுமதிக்கப்பட்டு தேர்வு எழுதிய பின், இப்பையனைத் தவிர மற்ற எல்லாரும் அதே நகரத்தைச் சேர்ந்தவர்கள் என்பதால் இவன்தான் முதல் மாணவனாக மையத்தை விட்டு வெளியே சென்றிருக்கிறான்.

பொள்ளாச்சி அருகில் இருக்கும் திருமூர்த்தி மலையின் அடர்ந்த காட்டுப் பகுதியின் உள்ளே வசித்து வரும்  ஒரு மாணவிக்கு மாற்றப்பட்ட மையம் அவளுக்கானப் பாடங்களின் தேர்வின் தேதி, நேரம் இவை தேர்விற்கு மூன்று நாட்கள் முன்னரே அவளுக்குத் தெரியவந்துள்ளது. அவளது மொபைலைத் தொடர்பு கொள்ள முடியாமல் சிரமப்பட்ட அவளது பள்ளி அதிகாரிகள் அதன் பின் அப்பகுதி வனத்துறை அதிகாரிகளைத் தொடர்பு கொண்டு அவளுக்குத் தெரிவிக்கச் சொல்லி, அவளுக்குத் தேர்வு எழுத வருவதற்கான பயண உதவிகளைச் செய்யும்படியும் கேட்டுக் கொண்டிருக்கிறார்கள். அதன் பின் அவளும் அவளது தந்தையும்  எந்தவித சிரமமும் அதிகம் இல்லாமல் தேர்வு மையத்தை சென்றடைந்திருக்கிறார்கள்.

பல மாணவ மாணவிகள் பல தூரம் பயணம் செய்து, தங்க இடம் இல்லாமல் லாட்ஜில் ரூம் எடுத்துத் தங்கித் தேர்வு எழுதியிருக்கிறார்கள். எபி யில் பாசிட்டிவ் செய்திகளில் கூட இப்படியான ஒரு செய்தி இடம் பெற்றிருந்தது. 

சில அறிமுகங்கள்

http://pachaimannu.blogspot.com/  

இந்த வலைப்பூவில் எழுதி வருபவர் ரம்யா. இவர் அமெரிக்கா வாசி. மிக அழகாக எழுதிவருகிறார். கவிதைகள், பயணக்கட்டுரைகள் என்று.

திருப்பதி மஹேஷ் திருப்பதி மஹேஷ் என் நண்பர். அவர் மூலம் கிடைத்த நண்பர் அரவிந்த். இளைஞர். பேங்க் ஆஃப் பரோடாவில் பணி புரிபவர். புத்தகப் புழு. புத்தக விமர்சனம் எழுதி வருபவர். சமீபத்தில் பா ராகவன் அவர்களின் “தூணிலும் இருப்பான்” புத்தகத்தின் விமர்சனம் எழுதி முகநூலில் போட்டதில் பா ராகவன் இவரைத் தொடர்பு கொண்டு பாராட்டியிருக்கிறார். இவர் உங்களுக்கு சமீபத்தில் அறிமுகமானவர்தான். நம் வெங்கட்ஜியின் வலைப்பூவிலும், எங்கள் ப்ளாகிலும் இவரது புத்தக விமர்சனம் வரத் தொடங்கியுள்ளது.  

மஹேஷ் மூலம் தற்போது மேலும் மூவர் நண்பர்களாகியுள்ளனர். அவர்களும் வலையில் எழுதத் தொடங்கியுள்ளனர். எழுத்துத் திறமையோடு பன்முகத் திறமை வாய்ந்தவர்கள்.  அனைவரும் இளைஞர்கள். எல்லோரையும் அன்புடன் இருகரம் நீட்டி வர வேற்போம். 

நேரம் வாய்ப்பின் கருத்திட்டு ஊக்குவிப்போம்.

http://naveencbe.blogspot.com/   - நவீன் ஆங்கில ஆசிரியர்

https://fernandotamil.blogspot.com/  - ஃபெர்னாண்டோ சென்ட்ரல் பேங்க் ஆஃப் இண்டியா வங்கியில் பணி புரிபவர்.

https://chennaiabi.blogspot.com/ -  அபிநயா - எஃப் எம் வானொலியில் ஆர் ஜெ யாகப் பணியாற்றியவர். 

அனுபவம்

என்னவோ தெரியவில்லை சில நாட்களாக, “யாரென்ன சொன்னாலும் அஞ்சாதே நெஞ்சமே” பாட்டுதான் மனதில் ஓடிக் கொண்டிருக்கிறது. வேறு ஒன்றுமில்லை சில நாட்கள் முன்னர் பெரிய குடும்பத்தில் வாழ்க்கைப்பட்டிருக்கும் எனது நெருங்கிய உறவுப் பெண் என்னை அழைத்து தன் வருத்தங்கள் சிலதை பகிர்ந்து கொண்டாள். தானுண்டு தன் வேலையுண்டு என்று இருக்கும் போதும் தன்னை அனாவசியமாகப் பேசுகிறார்கள், எது செய்தாலும் குற்றமாகப் பார்க்கிறார்கள் என்று. அப்போது அவளிடம் நான் டக்கென்று பாடியதுதான் மேலே சொன்ன பாடலின் அந்த முதல் வரி.

"அவர்களுக்குத் தெரிந்தது அவ்வளவுதான். புறம் தள்ளு" என்று சொல்லி கூடவே இதோ கீழுள்ள வாசகத்தையும் சொல்லி "எனவே நாம் நல் வார்த்தைகள் பேசுவோம்" என்று சொல்லி அவளைச் சமாதானப்படுத்தினேன்.

மருந்தீஸ்வரர் கோயில் கோபுரம் 

அந்தப் பெண் மகனை மிகவும் விசாரித்தார் மகனிடம் பேசும் போது விஷயமும் சொன்னேன். நம் எண்ணங்களின் படிதான், நாம் நினைப்பது போலத்தான் மற்றவர் நடக்க வேண்டும், நாம் சொல்வது, செய்வதுதான் சரி என்ற  பார்வையிலும், எண்ணத்திலும் பிறரைப் பார்ப்பதால் எழும் பிரச்சனைகள். நம் அணுகுமுறை, பார்வை இது மிக முக்கியம் உறவிலும், நட்பிலும் என்று இப்படியாகச் சென்றது எங்கள் உரையாடல்கள். நாம் எல்லோரிடமும் அன்புடன், எந்தவித எதிர்பார்ப்புமின்றி, யார் மனதும் புண்படாமல் பேசுவோம் உறவு பலப்படும் என்று முத்தாய்ப்பு வைத்தான்.

மிகவும் நெருங்கிய உறவு வீட்டுக் கல்யாணம் ஜூலை 2, சென்னையில் ஆனால் நாங்கள், ரிஸ்க் எடுக்கறதெல்லாம் ரஸ்க் சாப்பிடறா மாதிரினு வடிவேலு ஸ்டைல் ஜோக் சொல்லிப் யணம் செய்யத் தயராக இல்லை. கல்யாணத்துக்குப் போகவில்லை என்றால் பேச்சு எழுமோ? அப்போது மகன் என்னிடம் "யாரென்ன".....என்று தொடங்கினான், மேலே சொன்ன அந்தப் பாட்டின் முதல் வரியைத்தான். சங்கிலி வினை?!  

ரசித்தவை

                              

                                                                 செபியின் விளையாட்டு                                                                                                                                                          

  மீண்டும் அடுத்த பதிவில் சந்திப்போம்.

-------கீதா