சிம்லா நாட்கள் - 3

இன்றைய பதிவிற்குள் செல்லும் முன், சென்ற பதிவில் விட்ட சில படங்கள்

ஷர்மா போஜனாலயா

பின்னால் தெரிபவர்தான் அப்பெண்மணி சுஷர்மா ஷர்மா

முந்தைய பதிவில் சொல்லியிருந்தேன். நாங்கள் தங்கியிருந்த இடத்தின் அருகில் வயதான சுஷர்மா ஷர்மா என்பவரின் ஷர்மா போஜனாலயாவில் சாப்பிட்டோம் என்று இப்படத்தில் 

 நாங்கள் சாப்பிட்ட ஆலு பராட்டா 

மேலும் சில சிம்லா காட்சிகள்

*********

 ஜாக்கூ ஹனுமான் கோவிலுக்குச் செல்ல எஸ்கலேட்டர் இருந்ததைச் சொல்லியிருந்தேன். முந்தைய பதிவில் படம்மட்டும் போட்டிருந்தேன். இதில் ஒரு சிறிய காணொளி

ஜாக்கூ ஹனுமான் கோவிலில் எஸ்கலேட்டர்

இனி சிம்லா நாட்களின் 3 வது பதிவு

மறுநாள் 27-04-2024 - 12 மணிக்கு எர்ட்டிகாவில் சிம்லா ரயில்நிலையத்திற்கு வந்து மீண்டும் டாய் ரயிலில் பயணம். 

சிம்லா - கால்கா டாய் ரயில்

இரவு 8 மணிக்குக் கால்காவை அடைந்தோம். அங்கிருந்து 11 மணிக்குத் தில்லிக்கு ரயில்.

மறுநாள் காலை 28-04-2024 - 6 மணிக்கு பழைய தில்லி ரயில் நிலையத்தை அடைந்தோம். அங்கும் ஓய்வெடுக்கும் அறையை முன்பதிவு செய்திருந்தேன். கூட வந்த உடல்நலமில்லாதவருக்கு எங்களுடன் ரயிலில் ஊர் நோக்கி 3 நாட்கள் பயணிப்பது சிரமம் என்பதால் அவரது மகள் விமானத்தில் பயணச் சீட்டு எடுத்திருந்தார். தில்லியில் இருக்கும் மருமகன் அவரை மாலை விமான நிலையத்திற்குக் கூட்டிப் போக முடிவானது.

நாங்கள் மெட்ரோ ஏறி குதிப்மினார் சென்றோம். படங்கள், காணொளிகள் எடுத்துக் கொண்டோம்.

குதிப்மினார் கண்டபின், கேரளா ஹவுஸில் மீன் வறுவலுடன் கேரள உணவு உண்டோம். அதன் பின் சாந்தினி சௌக்கில் ஷாப்பிங் செய்தோம். 

பிறகு அறையை அடைந்து கொஞ்சம் ஓய்வெடுத்தோம். 6 மணிக்குக் கிளம்பி புது தில்லி ரயில் நிலையத்தை அடைந்தோம். 3 வது நடைபாதையிலிருந்த கேரளா எக்ஸ்பிரஸில் B1 ல் ஏறி எங்களுக்கான இருக்கைகளில் அமர்ந்தோம். இரண்டு இரவுகளும் ஒரு பகலும் என 48 மணி நேரப் பயணம் செய்ய வேண்டும்.

ரயிலில் கிடைத்த பூரி கிழங்கு, மதிய உணவு, வடைகள், நாக்பூரில் கிடைத்த பழங்கள் இப்படி அடுத்த நாள் 29-04-2024  கடந்தது.

அதற்கு அடுத்த நாள் 30-04-2024, மாலை 3.30க்குத் திருச்சூரை அடைந்து அங்கிருந்து ஷோரணூர் வழியாக நிலம்பூர் செல்லும் ரயிலில் பயணித்து நிலம்பூரில் இறங்கி வீட்டை அடைந்தோம்.

12 நாட்கள் வட இந்திய பயணம். நினைக்கும் போது இப்போதும் இனிக்கிறது. இருந்தாலும் இந்தி மொழி தெரியாதது ஒரு குறைதான். அருணும், எங்களுடன் வந்த ஒருவரும் எல்லா இடங்களிலும் இந்தியில் பேசி எங்களைக் காப்பாற்றினார்கள்.

1960-65 க்கு இடையில் தமிழகத்தில் பிறந்த பலருக்கும் இந்தப் பிரச்சினை, இந்தி தெரியாத பிரச்சனை உண்டுதான். ஒரு சிலர் தனியாகக் கற்றுக் கொண்டிருந்திருக்கக் கூடும். கூடுதலாக ஒரு மொழியைத் தெரிந்து கொள்வது நல்லதுதான். அதில் இந்தியைக் கற்றுக் கொண்டால் இந்தியாவில் எங்கும் தனியாகப் பயணிக்கலாம் என்பதை நாம் மனதில் கொள்ள வேண்டும்.

https://youtu.be/nKVLyhTSFDE

பதிவில் இடம் பெறாத படங்கள், ரயிலில் செல்லும் போது எடுத்த காணொளிகள், ஜிப்லைன் காணொளிகளுடன் முழு காணொலிப் பதிவு. முடிந்தால் பாருங்கள். 

எங்களுடன் பயணித்த எல்லா அன்பு உள்ளங்களுக்கும் நன்றி கலந்த வணக்கம் மீண்டும் சந்திப்போம் அடுத்த ஒரு பயணப் பதிவில்.

---துளசிதரன்