வெள்ளி, 25 அக்டோபர், 2019

கோபுர வாசலிலே - ஸ்ரீரங்கம் - 3


ஆண்டாள் செல்லத்தைப் பார்த்துவிட்டு,  கீழே இதோ இந்தப்  படத்தில் உள்ள பகுதியை ஒட்டிய  மண்டபத்தின் வழியாக நடந்தோம். நான் க்ளிக்கிக் கொண்டே. எல்லாரும் பாருங்க ஆண்டாள் செல்லத்தின் படங்களையும், வீடியோவையும். வீடியோவைப் பாருங்க.  சின்ன வீடியோதான். அதில் எல்லோரையும் வாழ்த்துகிறாள் பாருங்க!
 
இந்த மண்டபத்தின் வழி சென்ற போது அதன் பகுதிகளைக் கொஞ்சமே க்ளிக்கிக் கொண்டேன் அவைதான் இதோ..

இதோ கீழே இருக்கும் நான்கு படங்களும் மேலே உள்ள மண்டபத்தின் வழி சென்ற போது அடுத்த பிராகாரம், பல சிற்பங்கள், அழகிய தூண்கள் நிறைந்த மண்டபம் என்று ஆனால் பெயர் தெரியவில்லை. என்ன சன்னதி என்று தெரியவில்லை. கீதாக்காவைக் கேட்டுக்கோங்க எல்லாரும். 


 இதோ இதுவும் ஒரு சன்னதி இருக்கிறது. தெரியவில்லை ஆனால் அந்தத் தூண்கள் அழகாக இருக்கின்றன. வெளியில் இருந்தே க்ளிக்.  

இது பரமபத வாசல்

பரமபத வாசல் எதிரே ஒரு வாசல் இருந்தது. அதை எடுக்கவில்லை. அழகிய சிற்பங்கள். இன்னும்  அவசரத்தில் எடுக்க முடியவில்லை.

 பரமபத வாசல் கடந்து இதன் வழியாகச் சென்றோம்.. 

அதன் வழி சென்றால் ஒரு பெரிய மண்டபம் சன்னதிகள் ஆனால் அவை என்ன என்று தெரியவில்லை. அதைக் கடந்தால், இதோ இந்த இடம் வருகிறது. இதுதான் முகப்புப் படம்.  இதனூடே வெட்ட வெளியில் தெரியும்  மண்டபத்தில் தான் ஸ்ரீரங்க ரங்க நாதனின் பாதம் வந்தனம் செய்யடி பாடல் படமாக்கப்பட்டதாம்.  ஆனால், இச்செய்தி எவ்வளவு தூரம் உண்மை என்று தெரியவில்லை. ஸ்ரீரங்கம் கோயிலுக்குள் படம் எடுக்க அனுமதிப்பார்களா என்று தெரியவில்லை.

இதோ இந்த மண்டபம் வழிதான் இடப்பக்கம் திரும்பி, கொஞ்சமாகத் தெரிகிறதா ஒரு நீண்டப் பிராகாரம் அந்த நீண்ட பிராகாரப் பாதையில் சென்றோம். இங்கும் ஒரு சன்னதி உள்ளது. என்ன சன்னதி என்பது மறந்துவிட்டது. நின்று பார்க்காததால்.

இடப்பக்கம் நீண்ட பிராகாரம் தெரிகிறதா அதன் வழிதான் நடந்தோம் அப்படியே மண்டபங்களைக் க்ளிக்கிக் கொண்டே. இந்த நீண்டப் பிராகாரத்தில் தான் நரசிம்மர் சன்னதி என்று நினைவு. இதோ இந்த வெட்டவெளி மற்றும் இருபுறம் உள்ள மண்டபங்கள்.. இப்போது இங்கு வலப்புறம் சிறிதே தெரியும் மண்டபம் அடுத்த தொகுப்பில் இன்னும் தெளிவாக முழு படமும் வரும்.  இந்த இடம் தான் அந்தக் காட்சி எடுக்கப்பட்ட இடம் என்று குழுவில் நண்பர் ஒருவர் சொன்னார்.

மீண்டும் அடுத்த பதிவில் சந்திப்போம்...

----- கீதா

திங்கள், 14 அக்டோபர், 2019

கோபுர வாசலிலே - ஸ்ரீரங்கம் - 2

முந்தைய பதிவில், அடுத்த பதிவில் கோபுரங்கள் படம் போடுவதாகச் சொல்லியிருந்தேன். அதற்குச் செல்லும் வழியைக் காட்ட வேண்டாமா உங்கள் எல்லோருக்கும்? இதோ படங்களுடன் விவரமாகச் சொல்கிறேன். 

நாம் டிக்கெட் வாங்கியதும் கோபுரம் பார்க்க ஏறும் இடத்திற்கு இடப்புறம் திரும்பும் போது எதிரே இதோ இந்தப் படத்தில் முதல் படம் அழகான தூண்களுடன் இருக்கிறதில்லையா இதுதான் தெரியும். இங்கு ஒரு சன்னதி இருக்கிறது ஆனால் அது பார்க்கப் போகவில்லை. இந்தத் தூண்கள் இருந்த இடம் அத்தனை அழகு. இன்னும் இந்த இடத்தின் சில படங்கள் அடுத்த பதிவில் வரும். இது திரும்பும் முன் டக்கென்று ஒரு க்ளிக். 

இரண்டாவதாக இருக்கும் அந்தச் சிற்பங்கள் முதல் படத்தில் உள்ள சன்னதியின் சைட் காட்சி. அதையும் ஒரு க்ளிக் அவசரத்தில். கோபுரம் பார்த்து இறங்கிய பின் க்ளோஸப் எடுத்தேன் அது கீழே வரும். 

கொலாஜ் 1

மூன்றாவதாக இடப்புறம் உள்ள படத்திலும், நான்காவதாக வலப்புறம் உள்ள படத்திலும் வலது புறம் வெளி வரும் பகுதி தெரிகிறதில்லையா? டிக்கெட் வாங்கியதும் இடப்புறம் திரும்பினால் முதல் படம், இரண்டாவது படத்தில் உள்ளவற்றைப் பார்த்தவாறே மீண்டும் இடப்புறம் திரும்பினால் நான்காவது படத்தில் கூட ஒரு மூதாட்டி திரும்பி நடக்கிறார் இல்லையா அவ்வழியில் திரும்பி சைடில் படிகள் (8-10) உள்ளன. ஏறியதும் நம்முடன் வரும் கோயில் பணியாளர் அங்கிருக்கும் சிறிய கேட் போன்றதைத் திறந்து விடுவார். அப்புறம் மொட்டை மாடியும் கோபுரங்களும் தான் இதோ அந்தப் படங்கள். 

இந்தப் படங்களை நன்றாகப் பார்த்துக்கோங்க. கோபுரம் பார்த்துவிட்டு வந்ததும் இந்தப் படங்களின் க்ளோஸப் படங்களும், மூன்றாவதாக இடப்புறம் புள்ள படத்தின் இரு புறம் உள்ள சிற்பங்கள் க்ளோஸப் கீழே. அப்புறம் எங்கிட்ட யாரும் இது என்ன ரிப்பீட்டா? இது என்ன படம் அது என்ன படம்னு எல்லாம் கேட்கப்படாது!!!!!!!! ஹா ஹா ஹா (எனக்கும் இதெல்லாம் என்ன சன்னதிகள் என்றெல்லாம் தெரியாதாக்கும். ஹிஹிஹி. கீதாக்கா டிப்பார்ட்மென்ட் அதெல்லாம். ஹா ஹா ஹா!!!!!! 

சரி என் கூட எல்லாரும் மொட்டை மாடி ஏறி வாங்க, கோபுரம் பார்க்கலாம். உங்களுக்கு ஃப்ரீ காட்சி!!


முதல் படம் பாருங்க ராஜகோபுரம் அதைத் தொடர்ந்து இருக்கும் கோபுரங்கள். கீழே அதே படம் தான் அடுத்த படமும் முன்னுள்ள கோபுரம் இன்னும் சற்று க்ளியராக..கில்லர்ஜி ரிப்பீட்ட்ட்ட்ட்ட்ட்ட்ட்ட்டுனு சொல்லக் கூடாது ஓகேயா. நம்ம மக்கள் எல்லாரும் க்ளியரா பார்க்கணும்ல.



இந்த இரு படங்களிலும் நடுவில் அரங்கனின் பொன்வேயப்பட்ட விமானம் இருக்கு பாருங்க. (அதிரா நீங்க கேட்டிருந்தீங்களே உங்கள பதிவில் அதுக்கு நான் சொன்னது இதுதான்..)



மாடியின் நடுவில் இப்படி ஒரு சிறிய மாடமும் அதற்குள் ஆஞ்சுவும் (என்று நினைக்கிறேன்.) என் கேமராவில் சரியாகப் பதியவில்லை. இருந்தாலும் இப்படி ஒன்று இருக்கிறது என்று உங்களுக்குக் காட்டுவதற்காகப் படத்தைச் சேர்த்தேன்.





வெள்ளை கோபுரம்....இந்தக் கோபுரம் எனக்கு மிகவும் பிடித்தது. மிகவும் ஈர்த்தது.

இது மேலே நான் நன்றாகப் பார்த்துக்கங்கனு சொல்லியிருந்த கொலாஜ் தொகுப்பில் இருக்கும் மூன்றாவதாக இடப்புறம் உள்ள கோபுரத்தின் மேற்பகுதி பின்புறம்...இடப்புறம் தெரியும் சன்னதி ஆண்டாள் சன்னதி. வலப்புறம் தெரியுதே கேட் அதுக்குள்ளதான் நம்ம ஆண்டாள் செல்லக் குட்டி (கீதாக்கா அடிக்கடி சொல்லும் செல்லக் குட்டி) இருக்கிறாள்  அவள் படம் அடுத்த பதிவில் வரும் பாருங்க. கூடவே வீடியோவும்..வரும்..


இது அக்கோபுரத்தின் சைடில் உள்ள மற்றொரு கோபுரத்தின் வியூ.


இப்போது மாடியிலிருந்து இறங்கி வருகிறோம். மேலே கோபுரம் பார்க்கச் செல்லும் முன் இடப்புறம் திரும்பும் போது பார்த்த கொலாஜ் 1 ல் இரண்டாவதாக இருக்கும் படத்தின் முழு நேர் வியூ. அதன் க்ளோசப் இருக்கிறது ஆனால் இப்போது படங்கள் அதிகமானதால் பகிரவில்லை இத்னுடன்.


இது மேலே கொலாஜ் 1 ல் உள்ள நான்காவதாக உள்ள படத்தின் க்ளோசப்..வலப்புறம் கோபுரம் பார்க்கச் செல்லும் பகுதி தெரியுதுதானே..இப்படத்தின் இரு புறம் உள்ள சிற்பங்கள் கீழே.


கொலாஜ் 2 - கொலாஜ் ஒன்றின் தொடர்ச்சி

இப்படம் இதற்கு முந்தைய படத்தின் தொடர்ச்சி எனலாம். அதற்குத்தான் கொலாஜ் 1 நன்றாகப் பார்த்துக்கங்கனு சொன்னது. முதல் படம் வலப்புறம் உள்ள சுவறில் இருக்கும் சிற்பங்கள். 2,3,4 எல்லாம் இடப்புறம் உள்ள சிற்பங்கள் கொஞ்சம் க்ளோசப் என்று..

இத்துடன் இப்பகுதியில் படங்களின் தொடர்ச்சி விட்டுவிடக் கூடாதே என்று கொஞ்சம் அதிகமாகப் படங்கள் ஆகிவிட்டன. அடுத்த பகுதி ஆண்டாள் செல்லத்தைப் பார்த்துவிட்டு முதலில் பார்த்த மண்டபம் - அதன் புகைப்படங்களுடன், உள்ளே அடுத்தடுத்த மண்டபம் வழியாகச் சென்று பார்த்துக் கொண்டே வெளியெ வருவோம். நான் முக்கியமாக சென்ற வழியில் உள்ள மண்டபங்கள், சிற்பங்கள் மட்டுமே எடுத்துக் கொண்டு சென்றேன். அடுத்த பகுதியில் தொடர்வோம்.

படங்கள் பிடிச்சிருக்கா, நான் சொல்லியிருப்பது தெளிவாக இருக்கிறதானு சொல்லுங்க. 

----கீதா

சனி, 12 அக்டோபர், 2019

அம்மா காத்திருக்கிறாள்


அம்மா காத்திருக்கிறாள்


https://engalblog.blogspot.com/2019/02/blog-post_12.html
எபி ஸ்ரீராம் மற்றும் ஆசிரியர்களுக்கு மிக்க நன்றி.

என்றும் வரும் அம்மாவை ஏன் இன்று காணவில்லை? அம்மாவுடன் பேசவில்லை என்றால் அன்றைய தினம் ஏனோ, ஏதோ ஒரு மாதிரி இருப்பது போல் தோன்றும் எனக்கு. அம்மாவுடன் பேசினால் நேர்மறையான அறிவுரைகள், தீர்வுகள் கிடைக்கும். அம்மாஆஆஆ


'குழந்தே எப்படிம்மா இருக்க? உன்னப் பார்த்தா ரொம்பத் தவிப்பா இருக்கு. நீ பட்ட கஷ்டம் எல்லாம் போதும்மா. நீ வாழ்க்கைல படற கஷ்டம் போதாதுனு இப்ப இதுவுமா? வந்துருமா என் கூட'


ஓ! அம்மாவின் குரல். அம்மா வந்துவிட்டாள். எப்போதும் நல்ல அறிவுரை சொல்லும் அம்மா, சமீபகாலமாக என்னைத் தன்னோடு வந்துவிடும்படி அழைத்துக் கொண்டே இருக்கிறாள். ஏனோ? தெரியவில்லை. எனக்கு விருப்பமில்லையே. எனக்கு வாழ வேண்டும்.


'அம்மா! நான் உன் கூட வந்துடறேன்னு ஓரிரு தடவை, ஒரு சலிப்புல சொல்லிருக்கேன்தான். ஆனா, உன் பேரனையும், பேத்தியையும் விட்டு எப்படிமா உங்கூட வர முடியும்? வந்தேன். போய்ட்டு வரேன்னு வரக் கூடியதா? என்ன?'


'உன்னைக் கல்யாணம் பண்ணிக் கொடுத்திருக்காம இருந்திருக்கலாமோனு தோணுது. மாப்பிள்ளை பேசற வார்த்தைகளைக் கேக்கும் போது மனம் ரொம்பக் கஷ்டப்படுதுமா..'


'ப்ச்! விடும்மா……இதுதான் வாழ்க்கை. நல்லதும் உண்டு. கெட்டதும் உண்டு. நாம வாழ்க்கைய அமைதியா ரசிச்சோம்னா சந்தோஷம் தானா வந்துரும். நான் சந்தோஷமாத்தானே இருக்கேன்! கவலைப்படாதம்மா'


'எல்லா அம்மாக்களுக்குமே தன் குழந்தைகள் கஷ்டப்பட்டா தாங்கிக்க முடியாது…….அது உனக்கும் பொருந்துமே.'


'அதேதான். எனக்கு இன்னும் வாழனும்மா….”


விசும்பும் சத்தம். அம்மாதான். 'அம்மாஆஆஆ…….'


“அறிவு கெட்ட முண்டம். கண்டத செய்ய வேண்டியது. என்னவோ இவதான் உலகத்துலயே பெரிய புடுங்கி போல……எல்லாம் செஞ்சா இப்படித்தான் வியாதி வந்து சாக வேண்டிவரும்….”


வாஹினியின் தலை அசைவதைப் பார்த்து அவள் கணவனின் வார்த்தைகள். வாஹினி ஒன்றும் கண்டதைச் செய்யவில்லை. கொஞ்சம் கஷ்டப்படும் தன் கணவனுக்கு உதவலாமே என்ற நல்ல எண்ணத்துடன் நல்ல பணிதான் செய்கிறாள்.


வலது கை கொடுக்கும். இடது கை அடிக்கும். அப்படியான ரகம் அவன். நடுவாந்திரமாகப் பேசும் டேக் இட் ஈசி ரகம் இல்லை. டென்ஷன் பார்ட்டி. சமீபகாலமாக வார்த்தைகள் தடித்துத்தான் போயிருக்கிறது. அன்பார்லமென்டரி வேர்ட்ஸ் என்று எல்லையைத் தாண்டி. அடிக்கடி எருமை மாடு என்று திட்டுவதற்கு ஏற்ப வாஹினியின் மனமும் சூடு சொரணை அற்றதுதான். இப்போது மூளையும் சொரணை அற்......இல்லை இல்லை நேராது.


வாஹினிக்கு வெகு அரிதாகத் தோன்றுவதுண்டு இப்படி வார்த்தைகளைக் கேட்டுக் கொண்டு தேவையா எட்ஸ்ட்ரா எட்ஸட்ரா எல்லாம். ஆனால் நல்லதை மட்டுமே நினைத்துப் பார்க்கப் பழகிவிட்ட மனம். அத்தனை எளிதாகத் தவறாக எடுத்துக் கொள்ளாத மனம். விரைவில் எல்லாம் சரியாகி விடும் என்ற எண்ணம்.


“குட்மார்னிங்க் வாஹினி ஆண்டி! சுகமானோ?”


வாஹினியின் கண்கள் மெதுவாக முழுவதும் திறக்க இயலாமல் திறந்தது. எல்லாம் பசபசப்பாகத் தெரிந்தது.


“குட்மார்னிங்க் சிஸ்டர்” மெலிதாக உதடுகள் அசைந்தாலும் வார்த்தைகள் வரவில்லை. அந்த மயக்க நிலையில் எண்ணங்கள் தாறுமாறாக ஓடியது.


என்ன இது நான் எங்கிருக்கிறேன்? ஓ! நேற்று….நேற்றா? தெரியவில்லையே. ஏதோ செய்தது. மூச்சுத் திணறல். மயக்கம்...ஓ ஆஸ்பத்திரி. ஏதேதோ மெஷின்கள், குழாய்கள், மூக்கிலும், உடம்பிலும் செருகப்பட்டு பீப் பீப் என்று சத்தங்கள். மருந்துகள், இத்யாதி. இவர் இருக்கிறார். பசபசப்பாகத் தெரிகிறது. குழந்தைகளுக்குத் தெரியுமோ?....


“ஆஹா ஆண்டி கண்ணு தொறக்குனுண்டல்லோ! வெரி குட்! மயக்கம் எல்லாம் ஷரியாகுனுண்டு இல்லே? ஸ்வாசம் முட்டலும் போயல்லோ?” கேட்டுக் கொண்டே அருகில் வந்த கேரளத்து வடிவழகி ஐவி வழியாக ஒரு ஊசியைச் செருகினாள். தேன் குரலில் இன்னும் தேன் அப்பி பேசிக் கொண்டே ஊசியை இறக்கும் மாய்மாலக்காரி. மருந்து இறங்கிக் கொண்டு இருந்தது. புறங்கை வெயினில் வலி எடுத்தது போலும் வாஹினியின் முக அறிவிப்பைப் பார்த்து புறங்கையை அழுத்தித் தடவிக் கொடுத்தாள்.


“நேத்து ஆண்டிய போதமில்லாது இவிட கொண்டு வந்நப்ப வலிய டாக்டர் கொஞ்சம் கவலையாகிப் போச்சு. உங்க மகநுட ப்ரொஃபசர்னு அறிஞ்ஞு மகன்ட்டயும் பேசினாங்க. டாக்டர் வந்நு சொல்லுவாங்க.” என்று மல்லுதமிழில் பேசிக் கொண்டே ட்ரிப்ஸ் பேக் மாற்றினாள். யூரின் பையை காலியாக்கினாள். அளந்து கொண்டாள். வாஹினிக்கு அவள் சொன்னது எவ்வளவு தூரம் மூளைக்கு எட்டியதோ. முந்தைய தினம் வாஹினியின் நிலை கோமாவை எட்டுவதற்கு முந்தைய நிலை.


“சாரே! வேற மெடிசின் வாங்கணும். பழைய மெடிசின் உண்டெங்கில் மெடிக்கல் கவுண்டரில மாற்றாம்.”


வாஹினியின் கணவன் மருந்து வாங்கப் போய்விட்டான். கேஸ் ஷீட்டை மறுபடியும் புரட்டினாள் நர்ஸ். வாஹினி கண் விழித்துவிட்டாள் என்று டாக்டரிடம் பேசினாள். ஜோக் சொல்லி பேசிக் கொண்டே – நோயாளிகளுக்கு சைக்கலாஜி சிகிச்சையாம் - பிபி செக் செய்து ப்ளட் எல்லாம் எடுத்துக் கொண்டாள். நர்ஸ் பேசியது வாஹினியின் மூளைக்கு எட்டியதா என்று தெரியவில்லை.


டாக்டர்கள் வைத்த கெடு நேரத்தை வாஹினி கடக்கவில்லை என்றாலும் அட்மிட் ஆன நிலையிலிருந்து கொஞ்சம் மீண்டிருந்தாள் என்று சொல்லலாம்.


'இந்த நேரத்துலயும் உன்னை இப்படித் திட்டுறாரே மாப்பிள்ளை.…….' மீண்டும் அம்மா… சரி அம்மாவும் பெண்ணும் பேசிக் கொள்ளட்டும். நான் இடையில் நுழையவில்லை.


'ம்மா ப்ளீஸ்.  எனக்கு விக்னேஷையும், சாருவையும் பார்க்கணும்மா. ஏன் இன்னும் வரலை? விக்னேஷ் இப்பத்தான் ஐசிஎம்ஆர் ல ஜாயின் செஞ்சுருக்கான். சாருவுக்கு எக்ஸாம் டைம். எப்படி வராங்கனு தெரியலை. எனக்கு இன்னும் வாழணும்மா. எனக்கு ஒன்னும் ஆகாது'


‘கரெக்டுதான் குழந்தே. உன் கஷ்டம் பார்த்து உன்னை எங்கூட கூட்டிட்டுப் போயிடலாம்னுதான் வந்தேன். ஆனா, மனசு கேக்கலை. நான்தான் உங்களை எல்லாம் தவிக்க விட்டுட்டு சீக்கிரம் போய்ட்டேன். என் பேரன் பேத்தி தவிக்க வேண்டாம். இப்ப உங்கப்பா கஷ்டப்படறாரே அது போல மாப்பிள்ளை கஷ்டப்படக் கூடாது. நீ பேரன் பேத்தி எடுத்து இன்னும் பல வருஷம் அதுகளோட சந்தோஷமா, நோய் நொடி இல்லாம இருந்துட்டு வா’


'ஆமாம்மா. எனக்கு இன்னும் இருக்கணும்மா. இப்ப வந்துருக்கறது ஒன்னும் பெரிய விஷயம் இல்லைமா. நிச்சயமா ஒன்னும் இருக்காது. அப்புறமா சந்தோஷமா வரேன். நீயே வந்து கூட்டிட்டுப் போம்மா.'


அம்மா காத்திருக்கிறாள்…..

------------------------------
தில்லி விமான நிலையம். தவிப்புடன் விக்னேஷ் போர்டிங்கிற்காகக் காத்திருந்தான். எமர்ஜென்சி புக்கிங்க். இப்படியான சமயத்தில் ஒரு விநாடி காத்திருத்தல் கூட யுகம் போலத் தெரியும். பொறுமை ஜகா வாங்கும்.


தகவல் வந்ததுமே டாக்டருடன் பேசிவிட்டான். பார்ஷியல் ஸ்ட்யுப்பர், ஐசியு , ஈஈஜி என்றார். விவரித்தார். அந்த விவரங்கள் எல்லாம் அவர்கள் இருவருக்குமான மருத்துவ வார்த்தைகள். நமக்கு அது வேண்டாம். க்ரிட்டிக்கல்தான், சில மணிநேரக் கெடு என்று அவர் முடித்த அந்த இரு வார்த்தைகள் நமக்குப் போதும்.


டாக்டர் அப்டேட் செய்து கொண்டே இருந்தார்.


ஃப்ளைட் நேரம் நெருங்கிக் கொண்டிருந்தது ஆனால் போர்டிங்க் கேட் திறக்கவில்லை. அப்போதுதான் அந்த அறிவிப்பு. ஃப்ளைட்டில் எதிர்பாராவிதமாக சில டெக்னிக்கல் பிரச்சனைகள்.. தாமதமாகும் என்று. ஆனால் நேரம் சொல்லப்படவில்லை.


விக்னேஷின் தவிப்பு கூடியது. புக் செய்ய முடிந்ததே இரவு 2 மணி ஃப்ளைட்டில். இப்போது விடிந்த பிறகுதான் பறக்கும் போல. விமானம் போல் இல்லையே மனம். அது தாறுமாறாகப் பறந்து கொண்டிருந்தது. டாக்டரிடம் இருந்து இன்னும் பாசிட்டிவாக வரவில்லை. அவன் வேண்டாத தெய்வங்கள் இல்லை.


தங்கை சாருவைக் கூப்பிட்டான். அவள் திருச்சியிலிருந்து பேருந்தில் வந்து கொண்டிருப்பதாகச் சொன்னாள். அவள் அழுகிறாள் என்று தெரிந்தது. ஒன்றும் ஆகாது என்று அவளைத் தேற்றினான். தான் அருகில் இல்லாத போதுதான் இப்படி எல்லாம் நடக்கிறது என்று வருந்தினாலும், அம்மாவுக்கு ஒன்றும் ஆகாது என்று அவன் உள் மனது சொல்லிக் கொண்டே இருந்தது.


தில்லி குளிரும், வெயிலும் அம்மாவுக்குத் தாங்க வேண்டுமே. கொஞ்சம் அதற்கான வசதிகள் செய்து கொண்டதும் பெற்றொரைத் தன்னுடன் அழைத்துக் கொண்டு வந்துவிடலாம் என்றுதான் நினைத்திருந்தான். அதற்குள் அம்மாவுக்கு இப்படி ஆகிவிட்டது. சரியானதும் அழைத்து வந்துவிட வேண்டும் என்று நினைத்துக் கொண்டான்.


மருத்துவ படிப்பு படிக்கும் போது சொல்லித் தரப்படும் முதல் பாடமே நம் நெருங்கிய உறவினராக இருந்தாலும் உணர்ச்சிவசப்படக் கூடாது என்பதே. என்னதான் மருத்துவராகக் கற்றாலும் அம்மா என்று வரும் போது மனம் அதை எல்லாம் புறக்கணித்துவிட்டு உணர்ச்சிவசப்பட்டுத் தவிக்கத்தான் செய்கிறது.


எதுவும் சாப்பிடத் தோன்றவில்லை. எதிலும் மனம் ஈடுபட மறுத்தது. அம்மாவின் அன்பான முகம் தான் வந்து வந்து சென்றது விக்னேஷிற்கு.


விடிந்து 6 ஆகியும் இன்னும் சரியாகவில்லை ஃப்ளைட்.  8 மணி என்று அறிவிப்பு வந்தது.


போர்டிங்க் செய்யும் முன் அப்பாவைத் தொடர்பு கொண்டான். அம்மாவுக்கு நினைவு சிறிது வந்திருப்பதைத் தெரிந்து கொஞ்சம் சமாதானம் ஆனான்.


அப்பாவுடன் பேசிக் கொண்டிருந்த போது டாக்டர் குழு வந்ததை அறிந்ததும், ஃபோன் கட் செய்துவிட்டு சிறிது நேரத்தில் டாக்டரிடம் பேச மீண்டும் அழைத்தான் விக்னேஷ். “மிராக்கிள்” என்றார். கெடுவை கடந்து விட்டாலும் முழுவதும் நினைவு வரவில்லை மிக மிக கவனமாக இருக்க வேண்டும் என்று டாக்டர் சொன்னார். இருந்தாலும் விக்னேஷுக்கு கொஞ்சம் சமாதானம்.


“அம்மாகிட்ட பேசு விக்னேஷ். அவங்களால பேச முடியலைனாலும் நீ வரத சொல்லி உன் குரல் அவங்க காதுல கேக்கட்டும். இன்னும் பாசிட்டிவ் ரெஸ்பான்ஸ் இருக்கும்.

“ம்மா நீ நல்லாயிடுவம்மா. ஒன்னும் கவலையில்லை. டாக்டர் நீ நல்லாருக்கேனு சொன்னார் மா. இன்னும் கொஞ்ச மணி நேரம் தான். நானும் சாருவும் உன் கூட இருப்போம்.“


விக்னேஷ் பேசியது புரிந்ததோ இல்லையோ மகிழ்ச்சியின் அடையாளமாக அவள் உதடுகள் விரிந்தது!

அம்மா காத்திருக்கிறாள்.

------கீதா


செவ்வாய், 8 அக்டோபர், 2019

இயற்கை வலியது


இயற்கை வலியது

https://engalblog.blogspot.com/2018/12/blog-post_18.html

கேட்டு வாங்கிப் போடும் கதை - எங்கள் ப்ளாக்


மிக்க நன்றி ஸ்ரீராம் மற்றும் எபி ஆசிரியர்கள் அனைவருக்கும்

அந்த அமெரிக்கப் பல்கலைக் கழகம் பரபரப்பாக இருந்தது. ரோபோட்டிக்ஸ், ஆர்ட்டிஃபிசியல் இன்டெலிஜன்ஸ் ஆராய்ச்சிகளில் உலகையே வியப்புடன் திரும்பிப் பார்க்கவைக்கும் அப்பல்கலைக்கழகம் தற்போது உச்சத்தை நெருங்கும் கண்டுபிடிப்பை உலகிற்கு அறிமுகப்படுத்துவதால் அந்தப் பரபரப்பு.

பன்னாட்டு ஊடகங்கள், வல்லுநர்கள் பலரும் குவிந்திருந்தனர். பின்னே! இக்கண்டுபிடிப்பின் காரணகர்த்தா ஓர் இந்தியன், தமிழன் ஆயிற்றே! வாயைப் பிளக்கவைத்து புருவத்தை உயர்த்த வைத்திருந்தது! அதனாலேயே, அவன் அப்படி என்ன கண்டு பிடித்துவிட்டான் என்று அபத்தமாகச் சில கேள்விகள் கேட்பதற்கென்றே சிலர் வந்திருக்கவும் கூடும். 

கர்த்தாவின் பெயர் கீர்த்திவாசன்! மேடை ஏற இன்னும் சரியாக 10 நிமிடங்கள் 30 நொடிகள் 5 வினாடிகள் இருந்ததால் அவனைப் பற்றிய குறிப்பு வெர்ச்சுவலாக உலக மொழிகள் அனைத்திலும் தமிழ் உட்பட வெற்று வெளியில் ஓடத் தொடங்கியது.

சிறு வயதிலேயே ரோபோட்டிக்ஸ், ஆர்ட்டிஃபிசியல் இன்டெலிஜன்ஸ் என்று பேசியவர். 15 வயதிலேயே மேதை எனப் புகழ்பெற்றவர். இந்தப் பல்கலைக்கழகம் அவரை தத்தெடுத்துக் கொள்ள, பல வியத்தகு ஆராய்ச்சிகளை மேற்கொண்டு இதோ இப்போது உலகமே வியந்து நிற்கும் ஐனோவை உருவாக்கியிருப்பவர். இன்னும் சற்று நேரத்தில் அவரே உங்கள் முன் தோன்றி தன் கண்டுபிடிப்பைப் பற்றி பேசுவார்.

“அவனும் வெர்ச்சுவலாவே வருவானோ”

“வந்தாலும் வருவான். மாயாஜாலம்”

அது இருக்கட்டும். நாம் கொஞ்சம் வம்பு பேசுவோம். மச்சக்காரன்! பெயருக்கு ஏற்றபடி புகழ் அவனிடம் வாசம்! தன்னுடன் ஆராய்ச்சியில் ஈடுபட்டிருந்த கிருத்திகாவை உணர்வுபூர்வமாகக் காதலித்தானோ இல்லையோ (ஆர்ட்டிஃபிசியல்) இன்டெலிஜன்ஸ் வழி காதலித்து, “பாரு! கிருத்திகாவுக்கு அடிச்சுருக்கற யோகத்தை! லோகமே கொண்டாடற சயண்டிஸ்டோட அகமுடையாள்” என்று வாலிபிகளும், கிழவிகளும் கூடப் பெருமூச்சுடனான பொறாமையை கண்களின் மூலம் வெர்ச்சுவலாய்[ பரிமாறிக் கொள்ள, மூன்று வருடங்களுக்கு முன் மனைவியாக்கிக் கொண்டவன். ஹைடெக் கண்திருஷ்டி!? சுற்றிப் போடல் கூட வெர்ச்சுவலோ?! உலக ப் புகழ் விஞ்ஞானியின் மனைவி என்பதால், கிபி3500 வரை புக் ஆகியிருக்கும் பழனி முருகனின் அப்பாயின்ட்மென்ட் உடனே கிடைத்துவிட்டது.

தற்போது அவளது கர்ப்பகாலம் முடியும் தருவாய் என்பதால் கலந்துகொள்ள வில்லை. ஹைடெக்மனித ரோபோக்கள் (கீர்த்தி மன்னிக்கவும்) படைக்கப்பட்டாலும் மனிதக் குழந்தை உருவாவதற்கு அதே 10 மாதக்கணக்குதான். அதுதான் இயற்கை! கருவிலிருக்கும் போதே கிர்ஸ்ப்ர் அறிவியல் நுட்பத்தின் மூலம் ஜீன் எடிட் செய்து அனைத்துச் சோதனைகளும் சக்ஸஸ். மற்றொரு பிறவி மேதையை எதிர்பார்த்து டென்ஷன். ஒரே ஒரு குறை சுற்றத்தார்க்கு. “ன்” இல்லாமல் “ள்” ஆகிப் போச்சே என்று. 6 வது சென்ஸ், 7 வது சென்ஸ், 8 ஆவது சென்ஸ் என்று உலகையே கைக்குள் அடக்கி எங்கோ சென்று கொண்டிருக்கும் ஹைடெக் ஜெனரேஷனிலும் கூட “ன்” இல்லை என்ற 6 அறிவு ஜீவிகளின் வருத்தம்.

சரி வம்பு போதும். இதோ கீர்த்தி மேடை ஏறியாயிற்று. கூடவே மிகவும் அழகான ஒரு பெண். கீர்த்திவாசனின் மனைவியோ? ஒரு வேளை கீர்த்தியே ரோபோவாக இருக்குமோ!. கீர்த்தி மைக் இல்லாமலேயே பேசினான். எல்லோரது செவிக்குள்ளும் குரல் பாய்ந்தது!

“குட் டே டு ஆல்! ஆர்ட்டிஃபிசியல்இன்டெலிஜென்ஸ் நமது நண்பரே. எதிரியல்ல. என் மூளையில் உருவான ஐனோ சென்ற வருடம் இதே தேதியில் பிறந்தார். ஐனோவை உலகிற்கு அறிமுகப்படுத்தும் இந்த நாளில் அவர் வயது ஒன்று. ஐனோவும்10 மாதமாக கருவறைக்குள் இருந்து பிறந்தவர். நல்ல வாதங்களும், விவாதங்களும், கேள்விகளும் எழுந்தால்தான் புதிய சிந்தனைகள் உருவாகும். அதனால் உங்கள் கேள்விகளின் வழியே நான் ஐனோ வைப் பற்றிச் சொல்ல விழைகிறேன்.

கூட்டம் ஸ்பெல்பௌன்ட். வித்தியாசங்கள் கண்டுபிடிக்கமுடியாத மனித உருவம், செயல்கள். புடவை உடை! அழகு! அந்த உதடுகள்! மார்பு! கூட்டமே ஜொள்ளியது! தொப்புள் உண்டோ? பார்க்க முடியாத குறை சிலருக்கு. உலக மொழிகள் அனைத்திலும் தேன் குரலில் வணக்கம் சொன்ன ஐனோ “வணக்கம்” என்றதும் தமிழ்க்கூட்டத்திலிருந்து “செந்தமிழ் தேன்மொழியாள்” என்று குரல் எழும்ப “ஐனோ” வின் புன்னகையைக் கண்டு கூட்டமே சொக்கித்தான் போனது!

“ரோபோவிற்கும் ஆண் பெண் பேதம் உண்டா?” கேள்விகள் பறந்தன.

“ஸாரி! டோன்ட் கால் ரோபோ! ஷி இஸ் ஐனோ! நம்மில் ஒருவர். நமது நல்ல நண்பர். என் ஐனோ உருவத்தில் ஆணாகவும், பெண்ணாகவும் மாறமுடியும். இன்டெலிஜென்ஸில் ஆண் பெண் பேதம் கிடையாது!”

‘குழப்புறானே’ கூட்டத்தில் சலசலப்பு.

“ஐனோவின் திறனைப் பற்றிச் சொல்ல முடியுமா?”

“செயல்பாடுகள் அனைத்திலும் நம்மில் ஒருவர்! எமோஷனல் கோஷன்ட் சமநிலை! உணர்ச்சிவசப்படமாட்டார். அது ஒரு கணக்கு. சூப்பர் இன்டெலிஜன்ஸ்.”

“சூப்பர் இன்டெலிஜென்ஸ்? மனிதர்களின் சக்திக்கும் அப்பாற்பட்ட ஒரு சக்தி இருப்பதாகத்தான் நம்மில் பெரும்பான்மையோர் நம்புகிறோம்…அந்த சக்திக்கு இணையானது இந்த ஐனோ என்று சொல்லுகிறீர்களா?”

“யு மீன் காட்?! ஸாரி! அது நாம் உருவாக்கியது, ஐ கால் இட் சுப்ரீம் இன்டெலிஜன்ஸ்! இன்ஃப்னிட். ஐனோவை உருவாக்கியதில் நான் அந்த சுப்ரீம் இன்டெலிஜன்ஸை அல்மோஸ்ட் நெருங்குகிறேன் என்றே சொல்லுவேன்.

இவன் தெனாவெட்டா பேசுறான்……….இவன் என்ன சொல்ல வரான்………“அது எப்படி? அப்பாற்பட்ட சக்தியை எப்படி நெருங்க முடியும்? ப்ரூஃப்?”

“ப்ரூஃப்? ஆல் நெட்வொர்க் அண்டர் ஒன் ரூஃப். இறுதியில் உங்களுக்குத் தெரியும். ஓரு சிறிய ஏரியாவிற்கு ஒரு ஐனோ போதும். அரசு நிறுவலாம். எல்லாருமே ஐனோவிலேயே வொர்க் பண்ணலாம்..ஸ்பேஸ் மிச்சம்…..”

“அதெப்படி எல்லோரும் ஒரே ஐனோவில் வொர்க் பண்ண முடியும்?

“ஏன் முடியாது? கோயிலில் ஒரு சாமி முன் எத்தனை பேர் அப்ளிகேஷன் போடுகின்றார்கள்! அப்படித்தான். சாமி எல்லாருக்கும் நிறைவேற்றுகிறாரா? ஆனால், ஐனோ எல்லோருக்கும் உடனே செயல்படுத்துவார். இவர் “கோ”!. அன்றே செய்வார்! இவரை “கோஇல்” ஆக்கினால் அனைத்தும் நிறைவேற்றுவார்.

“நீங்கள் சொல்வதை அப்படியே எடுத்துக் கொண்டாலும்…..எவ்வளவு ஐனோக்கள் வேண்டும்? இது சாத்தியமா தனிமனிதன், சாதாரண மக்கள் வாங்க முடியுமா?”

“எத்தனை மத சம்பந்தப்பட்ட ஆலயங்கள், நினைவுச் சின்னங்கள், மண்டபங்கள் என்று கோடிக்கணக்கில் செலவழித்துக் கட்டப்படுகின்றன? அதை விட ஐனோவிற்கு ஆகும் செலவு குறைவு. அரசு முதல், பெரும்புள்ளிகள், சாதாரண மக்கள் உட்பட வாங்க முடியும். என்ன தேவையோ அதற்கு ஏற்ப. வீட்டு வேலைகள் எல்லாம் செய்வார். வெளியில் கார் போன்று அழைத்தும் செல்வார். அதைத்தான் இதற்கு முன் சொன்னேன். அரசு நிறுவலாம். அரசு நிறுவினால் நன்மைகள் விளையும். சிஸ்டம் ஒழுங்காக வேலை செய்யும்.

“ஸிஸ்டம் எப்படி ஒழுங்காக வேலை செய்யும்? அரசுக்கு என்ன நன்மைகள்?"

“எந்த ஐனோவிற்கும் நீங்கள் உங்கள் வீட்டிலிருந்தே மொபைல், ஐபாட், கம்ப்யூட்டர் ஏன் உங்கள் விரல் நகம், அல்லது வெறும் கை மூலம் தொடர்பு கொண்டாலும் உடன் உங்கள் தேவைகள் பூர்த்தி செய்யப்படும். டோட்டல் நெட்வொர்க். அரசு அதிகாரிகளிடம் நீங்கள் அலையத் தேவையில்லை. எல்லாம் சிஸ்டமாட்டிக்காக நடக்கும். ஊழல் செய்ய முடியாது. கறுப்புப் பணம் வைத்திருப்பவர்களை, ஊழல் செய்பவர்களை அடையாளம் கண்டுபிடித்துவிடுவார். அவர்களின் தவறுகளுக்கேற்ப கோர்ட்டில் நீதியின் முன் நிறுத்துவார். அரசன் அன்றே சொல்வான் நீதி! ஏனென்றால் ஐனோவிற்கு எல்லா நாட்டுச் சட்டங்களும் அத்துப்படி. ஒவ்வொரு பகுதிக்கும் ஒரு ஐனோ என்று நிறுவினாலே போதும். சாத்தியமாகும்.”

“அப்படினா எல்லா அரசியல்வாதிகளுக்கும் ஆப்புதான்”

“அரசியல்வாதி என்றில்லை சமூகத்தில் யார் தவறு செய்தாலும், ஆப்புதான்.”

“ஐனோ எல்லோரையும் போட்டுத் தள்ளிவிடுவாரா அந்நியன் ஸ்டைலில்?”

“ஹா! சினிமா, போட்டுத் தள்ளுதல் என்பதற்கு அப்பாற்பட்டுச் சிந்திக்கமாட்டீர்களா? ஸாரி! நான் சற்று முன் சொன்னதைக் கவனிக்கவில்லையா? சட்டத்தின் முன் நிறுத்துவார்.”

‘அப்படினா ஐனோவை கண்டிப்பா கொண்டுவரமாட்டாங்க.!’ ‘இந்தியாவுல வரதுக்குச் சான்ஸே இல்லை.’ குரல்கள் கிசுகிசுத்தன.

“அது உங்கள் தலையெழுத்து” என்று மேடையிலிருந்து பதில் வந்தது.



கூட்டம் வியந்தது. நாம இங்க பேசுறதுக்கு அங்கருந்து பதில் வருது! அப்ப நாம ரகசியம் எதுவும் பேச முடியாது போல?

“ஸாரி! ஐனோ மனிதனின் பெர்சனல் ஸ்பேசிற்குள் நுழைவது போல இருக்கு. நிறுவுவது கடினம்.” 

“இணைய உலகில் உங்களின் ரகசியம் உங்கள் அடுத்த வீட்டுக்காரருக்கும் நீங்கள் சொல்லாமலேயே தெரியும். நாம் எல்லோருமே ஏதோ ஒரு விதமாய் வேவு பார்க்கப்படுகிறோம் என்பதுதான் உண்மை. ஐனோ புதிதாக நுழையவில்லை. ஐனோ உங்கள் தனிப்பட்ட ஸ்பேசில் நுழையமாட்டார். தவறு செய்தால் மட்டுமே நுழைவார்.”

“அதெப்படி? ப்ளஸ் இருந்தால் மைனஸ் இருக்கத்தானே செய்யும் அதுதானே இயற்கை நியதி? நாம் பயன்படுத்தும் பேட்டரி முதல், இடி மின்னல் கூட பாஸிட்டிவ் நெகட்டிவ் இயான்ஸ் மோதல்தானே. அப்ப நெகட்டிவ் ஐனோவும் உருவாக சாத்தியம்தானே?"

“ஹீரோ! வில்லன்! சினிமாவின் தாக்கம்! பாஸிட்டிவ் நெகட்டிவ் ரைட். ஆனால், நல்ல காரியத்திற்கு மட்டுமே என்றுதான் ஐனோவின் ஜீன் உருவாக்கப்பட்டுள்ளது. இவருக்கு எதிராக கிரியேட் செய்வது என்பது அத்தனை எளிதல்ல. உங்கள் பாயிண்டிற்கே வருகிறேன். ஒவ்வொரு புராணத்திலும் உங்கள் இறைவன் ஹீரோ அசுரன் வில்லன். ஆனால் இறுதியில் இறைவன் அவனை அழித்து நன்மையை நிலைநாட்டுவதாகத்தானே முடிகிறது! அப்படித்தான் என் ஐனோவும்!

மற்றொன்று. என் ஐனோவை இதே வடிவம் என்றில்லாமல் சிறு துரும்பு வடிவிலும் கூட உருவாக்கலாம். உங்கள் விரல் நக இடுக்கில் வைக்கும் அளவிற்குக் கூட. எனவே தேவைகளுக்கு ஏற்ப வடிவம், எல்லாம். நியூரல் நெட்வொர்க். என் ஆராய்ச்சிகள் ஆர்ட்டிஃபிசியல் சூப்பர் இன்டெலிஜன்ஸ், பயோ ஸயின்ஸ், ஜெனிட்டிக்ஸ் அல்காரிதம்எல்லாம் கலந்த ஒன்று என்பதால் நான் ஜீன் என்றுதான் குறிப்பிடுவேன். எல்லா ஜீன்களும் வடிவமைக்கப்பட்டு எந்த ஜீன் தேவையோ அதற்கான ஜீன்களை மட்டும் ஆக்டிவேட் செய்துவிட்டு தேவையற்ற ஜீன்களை ம்யூட் செய்துவிடலாம்.

என் ஆராய்ச்சிகளுக்கு அடிப்படை இந்திய மற்றும் பல நாட்டு மித்தலாஜிக்கல் கதைகள்தான். அக்கதைகளில் ப்ளெஸிங்க் என்பது கையிலிருந்து பவர் வருவதாகத்தானே வருகிறது? அது போலத்தான். இங்கு உங்களுக்கு ஐனோ என்னஎல்லாம் செய்வார் என்பதற்காக நான் ம்யூட் செய்யாமல் அறிமுகப்படுத்துகிறேன். அவ்வளவுதான். நீங்கள் இங்கு பார்க்கும் சாம்பிள் ஜெனரேஷன் மற்றும் சென்ஸ் டெக்னாலஜிகளை விட பன்மடங்கு மிகைப்பட்டதாக இருக்கும் எனது ஐனோக்கள். நாட்டிற்கும் பொது மக்களுக்கும் உதவுபவை. பெர்சனலாகவும் பயன்படுத்தலாம். உங்கள் குழந்தைகளுக்கு கல்வி கற்றுக் கொடுப்பது முதல், சர்ஜரி, விவசாயம் வரை.”

“டாக்டர்ஸ்குப் போட்டியா? நிலமே இல்லை விவசாயம் எப்படி?”.

“தவறான புரிதல். மருத்துவர்கள் பலமணிநேரம் செய்ய வேண்டிய அறுவை சிகிச்சையை ஒரு சில மணிநேரங்களில் செய்து முடித்துவிடலாம். ஒருவேளை மருத்துவர் வரமுடியாத சூழல் என்றால் ஐனோ செய்துவிடுவார். விவசாயத்திலும் பல உழவர்கள் ஒரு ஐனோ நிறுவினால் போதும். இருக்கும் சிறிய நிலத்திலும், தொட்டியிலும் கூட மகசூல் அள்ளும்.”

அப்ப முதல்ல அந்த சீக்ரெட்டை எப்படியாவது ஆட்டைய போட்டு ஒரு வில்லன் ஐனோவை உருவக்கினா?

மேடையில் இருந்த ஐனோ ரெஸ்ட்லெஸ் ஆனது! “வாட் ஹாப்பன்ட் ஐனோ?”

“கீர்த்தி இங்க ஆடியன்ஸ்ல ரெண்டு பேர் சீக்ரெட்டைத் திருட திட்டம் போடுகிறார்கள். நான் அடையாளம் காட்டட்டுமா?”

“யெஸ் காட்டுங்கள் ஐனோ. உங்கள் பவரை எல்லோரும் புரிந்து கொள்ளட்டும்.” ஐனோ காட்டியதும் அவையே வாயடைத்துப் போனது. சைகையால் பேசிய இருவரும் ஸ்தம்பித்தனர்.

“அப்ப இவனுக்கு எதிரிகள் நிறைய முளைப்பார்கள்!”

“ஐனோவை அழிக்க முடியாது.”

“உங்களுக்கு எதிரிகள் முளைத்தால்?”

“ஹா! கிரிமினல் புத்தி! அறிவியல் பூஜ்ஜியம்! ஐனோ எனக்குப் பாதுகாப்பு! எதிரிகள் முளைத்தாலும் என் ஐனோ சிந்தித்துச் செயல்படுவார். அதற்கும் மேலான ஜெனரெஷன் மற்றும் சென்ஸ் உருவாகும்.
……………………..

அறிமுக விழா முடிவடைந்து பல குரல்கள் ஆதரவாகவும், எதிர்வினையாகவும் ஒலித்துக் கொண்டிருக்க கீர்த்திவாசன் மேடையை விட்டுக் கீழிறங்கவும் அவனது காதுமடலில் குரல் ஒலித்தது. உங்களுடன் மருத்துவர் பேசுகிறார். மருத்துவரின் குரல் தொடர்ந்தது.

“கீர்ட்டி! உங்கள் மனைவிக்குக் குழந்தை பிறந்துவிட்டது. குட் வெயிட். ப்யூட்டிஃபுல். பட் எக்ஸ்ட்ரீம்லி ஸாரி டு ஸே உங்கள் மகள் ஒரு ஸ்பெஷல் கிட். 18 ஜீன் ம்யூட் ஆகியிருக்கு.” சுப்ரீம் இன்டெலிஜென்ஸை நெருங்கிவிட்டேன் என்ற கீர்த்திவாசன் ஸ்தம்பித்து நின்றான்!



Artificial Intelligence is the manifestation of the failure of humanity to understand natural intelligence. It is going to snatch away the nature from everybody’s life in second by second basis and is designed to swallow humans from nature forever. வயதானவர் ஒருவர் அங்கிருந்த கருத்துரை போர்டில் வெர்ச்சுவலாக எழுதிக் கொண்டிருந்தது கீர்த்திவாசனின் கண்களில் பட்டது.

---------கீதா